1. Gelek zana û alimên me ji ber ku jiyana wan nehatiye nivîsîn bi tenê li herêma ku têde jiyane tên nasîn.

Û wekî din jî navê wan hatiye jibîrkirin. Yek ji wan jî mele Evdilayê Timoqî ye.

Mele Evdilayê Timoqî(Xerzî) ji herêma Xerza ye.

Ji gundê Timoqê ye.

Ew di sala 1897’an li vî gundî hatiye dinyayê.

Di salên 1920’an de Seyda dest bi xwendina medresê dike.

Di serhildana Şêx Seîdê kal de ew jî tevlî şer dibe.

Seyda ji ber dewleta dagirker a tirk neçar dimîne ku ji Kurdistanê biçe.

Li Binxetê di sala 1992 ‘an de koça xwe ya dawî dike.

Gora wî li Binxetê li bajarê Dirbesiyê ye.

Seyda bawermendekî hêja û mirovekî Kurdewar e.

Seyda jiyana xwe di nav gelê xwe de domandiye û ji bo welatê xwe xebitiye.

Mixabin û sed mixabin li ser vî mirovê hêja pirtûkek nehatiye nivisîn an jî dokumanterek nehatiye çêkirin.