Tirşik - Profîl
tirşik-profîla simurg56

profîla "simurg56"


Peyamên nivîskar yên di vê mijara [the autopsy of jane doe] de;

1. jane doe jinek ciwan e. li malekê bi gelek kuştiyên din, bedena wê jî ji aliyê polîsan ve tê dîtin lê kes nizane ji kû hatiye wir û çima heta nîvê bedena xwe, di nav axê de ye.
polîs ji bo ku tiştek ji vê bûyerê fêhm bike, ji tommy dixwaze hema wê levê otopsîya wê bike. ew jî li gel kurê xwe yê ku teknîsyenê otopsiyê ye, dest bi otopsîya wê dikin. li gel hemû tecrûbeya xwe, gelek zehmet e ku tommy sedem û çawaniya mirina wê fêhm bike. astengî ne tenê bedena wê bixwe ye, her wiha gelek tiştên din jî rê li ber wî dikin.


fîlmek deresirûştî ye. ji bo min ev dezavantajek e lê dîsa jî ne problemek mezin e. lê di fîlmê de ji aliyê zanistî ve hinek tiştên bêwate û çewt hebûn ku ez aciz kirim. weke mînak austin, parçeyek ji mejiyê keçikê vedike û hema yek car dixe bin mîkroskopê û nirxandinek dike. lê tiştek wisa ne pêkan e. yanî tu nikarî parçeyek goşt bixî bin mîkroskopî û lê binêrî. divê tu çêniyek gelek gelek zirav jê bistînî, têxî navbera camên lam û lamelê, ger pêwist be boyax bikî û wisa lê binêrî. lê maşelleh, kurik rasterast dixe bin mîkroskopê û zûzûka fêhm dike ew hucre dijîn... tiroviro ye.

fîlm, tiştek li mirov zêde nake, tê de tiştên tewş jî pir in lê dîsa jî mirov hebkê ditirse, ji bo vê yekê dikare were temaşekirin.
min 70 pûan dan fîlmê.



01.01.2017 14:10 ~14:11 | simurg56