Tirşik - Profîl
tirşik-profîla simurg56

profîla "simurg56"


Peyamên nivîskar yên di vê mijara [akut kolesîstît] de;

1. edabgirtina kîsika zeravê ye. (bnr: kîsika zeravê)

sedema edabgirtinê hema bêje herdem xetimîna qenala vê kîsikê ye. qenala ku zerava li kîsikê de tê de diherike roviyan, dema bi kuçên/kevirên zeravê an jî ji ber tumorek were xetimandin, kîsik nikare vala bibe û diwerime. dema kîsik nekare vala bibe û ev av nekare biherike, nav vê avê de bakterî jî zêde dibin û edabê çêdikin. ji ber vê edabê û ji ber dîstansiyona kîsikê li aliyê rast û jor ya zikê mirov, êşek peyda dibe. ji ber ku sedema vê êşê edab e, êş ne derbasdar e; berdewam e.



ev nexweşî ger di nav 72 saetan de were teşhîskirin, tedawiya herî baş ew e ku emeliyata kolesîstektomî were pêkanîn. lê ger ev 72 saet derbas bûbe, tedawiya medîkal yanî tedawiya bi dermanan dikare were ceribadin ku ev yek ji van pêk tê: (tedawiya cemidandinê jî tê gotin)

- sekinandina xwarin û vexwarina nexweş

- antibiyotik; ku sulperazon û ornîdazol ji bo vê yekê baş e.

- buscopan; ji bo êşê dikare were bikaranîn lê eslê xwe de ne êşbir e. êşbir nikarin werin bikaranîn ji ber ku dikarin akut abdomenê veşêrin.

- ji bo pêşîlêgirtina verişînê: metpamid û ji bo parastina ûr jî ppi dikarin werin bikaranîn.



ger bi vê tedawiyê edab wenda bibe û nexweş rihet bibe, piştî bi qasê 3-6 heftiyan emeliyatek plankirî dikare were kirin. lê ger derbas nebe emeliyata hewarî dikare were sepandin.



26.09.2013 16:35 | simurg56