2. îro dema min radyoyê vekir, min dît ku dema cîhaz li frekansan otomatîk digere, li 99.9ê nasekine lê li 99.8 disekine. dema min guh dayê min dît ku radyo ses e. erê frekansa wê guheriye û bûye 99.8. çima, nizanim. lê berî mehekê çêbûye ev guherîn. weke din tişteke din neguheriye hê weke berê mûzîkên xweş lê dide.

1. radyoyeke heremî ye ku ev gelek sal in li mêrsînê weşanê dike û berî ku weşana kurdî ev çend sebest bibe, stranên kurdî yeko yeko diweşand.

ji bo xelkê kurd yê mêrsînê med tv ya duyemîn bû.

wê jî mîna radyoya berî xwe, frekansa 99.9 de weşana dikir û hê jî li mêrsînê heman frekansê de weşana xwe didomîne. (berî girtina wê, heman frekansê de radyo şok hebû. ew jî ya me bû)

ji ber radyo sesê min gelek radyoyên malê çînê kirîne û xerab kirine, radyoyek aha wisa xweş e.

ji ber ku mmc û înternet tune bû, dema min bixwaziya li stranekê guhdar bikim, min telefonê dikir radyo sesê û strane dixwest, paşê dimam li bendê ku navê min anons bikin û strana min xwestî biweşînin. dema navê min anons dikirin, min cih da, li pêl bişkojka record'ê ya teybê dikir û stranê li kasetê qeyd dikir. bi vî awayî min kasetên stranên bijarte çêdikir. spas û her hebe radyo ses.