2. 6-7 cuz mane ku ez xitim bikim, hingî ku ez dixwînim bêtir kêfa min ji kurmanciya wê re tê, di kurmanciya mealê de pênc-şeş bikaranînên karakterîstîk yên xweserî devoka behdîna hene, ku tu wan jê derxî an bi devoka devereke din biguncî, kes ferq nake ku ev meal bi devoka behdîna hatiye nivîsandin.. yê nivîsandî (wergerrandî) kifş e ku serwextî hevoksaziya kurmanciya gewr e, û herwiha bi erebî jî xweş dizane, ez li mealên din dinêrim û li vê dinêrim, yên din mirov dibêje qey ji mealên tirkî hatine jêgirtin û pêvekirin, tehma tirkî û zimaneke çêkirî ji wan tê..

xwudê hez bike min dil heye, eger xwediyê mealê jî destûrê bide vê mealê li gorî devoka cizîrê biguncînim û ji nû ve bidim ber çapê, di serî de bavê min ji bo hemû misilmanên dîndar yên cizîrî û bi devoka botî diştexilin, rasterast bikaribin kitêba xwudê bixwînin û fêhm bikin..

1. meala bi kurdÎ ya quranê ye.. melayekî bi navê mele muhemmed hakkarî wergerandiye ser kurdî û kurmancî.. miftiyê wilayeta bajarê şirnexê, abdullah kaplan jê re teqrîzek nivîsandiye.. dîsa seydayekî bi navê mele umer nas dudêrî jê re teqdîmatek nivîsandiye.. di ''ravza yayıncılık ve matbaacılık''ê de hatiye çapkirin.. mixabin sala çapê de tê nehatiye nivîsandin lê ya ku di destê min de ye çapa wê ya didoyê ye.. bi devoka behdînan/hekarî hatiye wergerandin.. ji berê de ji xwe kêfa min ji devoka behdînan dihat lê dema min meala quranê xwend bêtir kêfa min jê re hat.. bi zimaneke gelek xweş hatiye wergerandin.. mirov ji xwendina wê têr nabe..