Tirşik - Profîl
tirşik-profîla endazer

profîla "endazer"


Peyamên nivîskar yên di vê mijara [shakira] de;

17. bi stran, û bi taybetî jî bi vîdeo-klÎba xwe ya vê taliyê ya bi navê can't remember to forget you, ya ligel rihanna-yê, dÎsa têra dinyayekî deng vedaye..



2014.02.08-03:30 | endazer

14. hunermenda ku bi rastî jî mereq dikim bê ka di eydê de serdana şarê silêmaniyê kiriye û konsêrt daye an na.. ji ber ku di eydê de li ber destê min înternet tunebû min nekarî teqîb bikim..



2013.08.17-11:17 | endazer

8. xatûna ku bi rastî jî heqê hunera xwe dide.. him bi bejn û bala xwe nazik û nazenîn him bi dengê xwe yê xweş û serkeftî û him bi fîgûrên xwe yên livlivok û nerihet yên reqsê dilê heyran û hejêkerên xwe xweş dike.. fermo ji bo performanseka wê ya zindî ku mirov ji temaşe û guhdêrînê têr nabe:










2013.07.31-19:59 | endazer

3. rûdawê jî nÛçeya hatina shakîrayê ji bo konsêrtekî li bajarê silêmaniyê di malpera xwe de belav kiriye.. http://rudaw.net/kurmanci/culture/30072013



2013.07.30-22:34 | endazer

2. par van çaxan yanî di sala 2012an de li ser çapemeniya kurd û tirk derheqê shakîrayê de gelek nûçey belav bûn ku tê de digot shakîra wê ji bo komkujiya enfal û helepçeyê du stranên bi kurdî çêke û di albûma xwe ya dawîn de bistirîne.. lê paşê ji aliyê menajerê wê ve ev nûçe hatin derewandin.. vaye naveroka nûçeyê ye û ku li ser motorên lêgerînê heçiyê dixwaze dikare xwe bigihîne bêtir nûçe yên derheqê vê meseleyê de:

''Stranbêja navnetewî Shakira wê ji bo piştgiriya gelê Kurd û neheqiyên ku li dijî wî bûne, 2 stranan tomar bike.



Shakira ku bi eslê xwe libnanî ye û li Kolombiya jidayîk bû ye û mezin bûye û niha weke meşhûrtirîn stêrka Pop tê naskirin, wê bi 2 stranan piştgiriya gelê Kurd bike.

Stranbêjê Kurd yê ku niha li Amerîka dijî, Hêmin Xalid ku bi navê Doshke tê naskirin got, ewê bi Shakira re wan stranan duet bike.

Doshke got, di demeke nêzîk de wê ew stran werin tomarkirin.

Strana li ser Anfal navê wê bi înglîzî "This Time For Kurdistan" e.

Strana li ser Helebçe jî navê wî "Helebçeyî Gul" e.

Gotinên her du stranan li ser êşa gelê Kurd in.

Her du stran bi kurdî-înglîzî û spandî têne xwendin.''



îro jî di malpera bas-news.netê de tê îdîakirin ku shakîra wê di cejna remezanê ya vê salê de li bajarê silêmaniyê yê bi ser hikÛmeta herêma kurdistanê ve konsertekî bide.. fermo naveroka evê nûçeya dawîn jî:

''Herêma Kurdistanê herçiqas di warê siyasî de ber bi cîhanê vedibe di warê hunerî de jî pêşketineke berbiçav dixwiye, lewra di bone û helkeftên cuda de gelek hunermendên navdar ên cîhanê tên li Kurdistanê konseran didin.



Bi helkefta hatina Cejna Remezanê Komeleya Xêrxwazî ya Şêre Kurdekan (Kurdên Şêr) bi sponsoriya şirketa Oil Oil a Amerîkî hunermenda navdar a pop û rockê ya cîhanê Şakîra (Shakira) tîne Herêma Kurdistanê.



Di vê derbarê de Serokê Komeleya Şêre Kurdekan Hêmin Umer Elî ji NNA’yê re got: ‘’Bi sponsoriya şirketa petrolî Oil Oil a Amerîkî, dê Şakîra were Herêma Kurdistanê û biryar e duyem û sêyem rojên cejnê a Koşka Hunerî ya Silêmaniyê konserekê bide. Herwiha dê tenê li bajarê Silêmaniyê konserê bide.’’



Derheqê kar û bernameyên hunermenda navbirî de jî, Hêmin Umer wiha axifî: ‘’Ji xeynî konser û çend bernameyên televozyonê tu programên wê nînin. Herwiha dê hatina konserê ji şirketa Oil Oil re be, ji ber ew sponsor e.’’ http://kur.bas-news.net/ArticleDetail.aspx?articleid=4691



2013.07.30-06:31 | endazer

1. navê wê yê bi temamî shakira isabel mebarak ripoll e.. di 2ê sibata 1977an de li bajarê barranquillayê ya bi ser kolombiyayê ve ye hatiye dinyayê.. shakiraya ji kolombiyayê ya ku bi eslê xwe libnanî ye stranbêj, nivîskara gotinên stranan, reqqas û lîstkvana sînemayê ye.. yek ji navdartirîn stranbêj û mûzîsyena cureya latîn pop û latîn rockê ya ku piştî salên 90î li dinyayê belav bûyîne û deng vedane.. bi fîgûrên reqsa xwe ya ku nîv ereb û nîv latîn in dÎqet û eleqeya heyran û hejêkerên xwe kişand.. stranbêja ku di ber gotina stiranan re besteyan jî çêdike 2 caran xelata grammyê, 8 caran xelata latin grammyê û 14 caran jî xelata billboard latin musicê wergirtiye û hilgirtiye heta niha.. li gorî daneyên sony musicê tenê albûmên shakirayê li amerîkayê 16.8 û li tevayê dinyayê jî di ser 70 milyonî re hatine firotin.. eger mirov hejmara sînglean jî lê zêde bike ev hejmar ji 150 milyonan zêdetir dibe..

shakîra bi 140 milyon dolar saman û sermiyana xwe ve di nav hunermendên dewlemend yên latîn popê de yek ji maldartirîn û dewlemendtirîn mûzîsyena latîn amerîkayê ye..

di nav stranbêj û mûzîsyenên kolombiyayê de stranbêja ku herî zêde albûmên wê tên firotin e.. sînglea wê ya bi navê hips dont lie heta niha ji 10 milyon zêdetir hatiye firrotin û bi vê hejmarê payeya sînglea herî zêde hatiye firotin ya di nav van deh salên dawîn de bidest xistiye.. di sala 2010an de strana wê ya bi navê waka waka ya ku ji bo kapa dinyayê çêkiribûye 5 milyon hatiye firotin û li ser youtubeê jî vîdeo klÎba vê stranê zêdetirî 540 milyon caran hatiye temaşekirin.. shakira herwiha damezrîner û seroka fexrî ya saziya sivîl ya bi navê pies descalzosê ye.. FÎgûrên xwe yên reqsê ji pîrika xwe hîn bûye..

Herwiha shakîra alkol û qehweyê venaxwe û gelekî hej çÎkolatayê dike. Di hevpeyvîneka xwe de dibêje ku ''eger tiştek ji çîkolotayê xweştir hebe bêguman ew jî zêdetirîn çîkolata ye.'' zimanê wê yê dayikê spanyolî ye.. û bi rewanbêjî û herikbarî bi zimanê îngîlîzî û portogolî jî diaxive.. herwisa dikare biçekî bi zimanên wek frensî, îtalî, û erebî jî biaxive.. di sala 2011an de ji teref zanîngeha harvardê ve wek ''hunermenda salê'' hate hilbijartin.. Asoxîn shakîra jî li ser cadeya walk of fame an (meşa li ser navên navdaran) bÛ xwediye stêrkekî û bû wek kolombiya yekem ya ku li ser vê rê û cadeyê xwedî stêrk e..



2013.07.30-06:16 | endazer