2. gotinên stranê:



ji mir gotin

dîlbera te li qamişlo mest û gêj e

li ser êşa vê dîlberê

yek şîretê kes nabêje



gotin bûk e, lê biçûk e

çîroka wê pir dirêj e

destê nojdar brîndar e

bin nenûka tev qirej e



ji mir gotin li amedê

dîlbera te pir dinale

di çavê min ji hêsra re

şev û rojê sor peyal e



ev bû sed sal di vê xewnê

li pêş çava hîn xeyalê

sal buhurîn li hêviya wê

serê îro gewr û kal e



ji mir gotin li mehabad

dîlbera te wa bêdeng e

di zindana kul û êşa

xemla bejnê tarî reng e



heger wilo jahr bimîne

cihê wêna gora teng e

min got bes e vê nebêjin

hîn ji mêjde şox û şeng e



ji mir gotin li hewlerê

dîlbera te perîşan e

ji ber êşa perçebûnê

di xemlê de dil kovan e



li nav cîhan hîn nenas e

bêsînor û bênîşan e

min got rast e, lê bi ala

xwedî tac û parleman e



ev bû sed sal ez dinalim

ji ber êşa çar dîlbera

birînen wan derman bikin

bi rondikên gulîsera



agirê sar ez ê dadim

wek ronak û find û cira

ta ku ew bax bixemile

li şûnwarê kelemperê



baha şêxo -1 :

vîdyoyê veke

1. navê straneka baha şêxo ye.. di bernameyekî de dibêje ku ji helbesteka dostê xwe ferhad icmo çêkiriye ev stran.. vê taliyê ji aliyê çend kom û kolos û koloniyên amator yên ji bakurê kurdistanê ve jî hatiye stirandin lê tu versiyon nabe û nagihe ber deriyê dengê zelal û belûr yê baha şêxo..

di helbest û stranê de behs ji dilberekî ku di ber destê nojdarekî de birîndar e tê kirin.. ev dîlber qamişlo, amed, hewlêr û mahabad e yanî kurdistan e..

hem bi newa û meqamê xwe û hem bi gotinên xwe yên têr û tije straneka nestêle û nuwaze ye..

eger rojekî kurdistan ava bibe ez ê hemû stranbêjên ji bakurê kurdistanê bişînim ber destê sranbêjên ji rojavayê kurdistanê, bila bielimin bilêvkirina rast û resen ya kurmanciya gewr!

stran wekê din bi navê ji mir gotin an bi navê xwe ya rastîtirîn ji min re gotin jî tê nasîn û zanîn..