1. pêşiya pêşîn min di berdêla peyva firotinê de peyva neçûnê bikar anî.. em li cizîrê çûn û neçûnê di wateya fiotin û nehatin firotinê de bikar tînin.. wek nimûne: ji sibehê ve min xwe kuşt, min bi nîvbuhakî dan lê dîsa jî malên min neçûn, hemû bi ser min de man.. an; birazî belesebeb xwe neke di bin vî barê giran de havînê li bajareke wekê cizîrê, ça û qehwe naçe, tu bi ya min bikî vexwarinên cemidî bifiroşe.. filan..

ez bêm ser mijarê; wekê ku vê taliyê firadê cewerî jî bi sewteke kelogirî bi zar û ziman ve kir, û wekê ku şêx ehmedê xanî jî berî sêsed-çarsed salan jê gazind û lome kiriye, mixabin û sed mixabin bazara ziman û wêjeya kurdî qewî kesad e û ji qumaşê wê re xerîdar û xwezgîncî peyda nabin..

wek sebeba pêşîn dizanim, sistî û bixwerenedîtinî û tiralî û nizanimçitîya kurdan dê bê bîra herkesî, erê ez jî bi we re, lê li gorî min sebeba didoyê ya ku mirovan ji kirrîna berhemên kurdî sar dike anku dûr dixe jî buhayê wan ê astronomîk e.. heta niha min nebihîstiye ku tu weşanxane mafê telîfê dabe nivîskarê xwe, hetta gelek nivîskar pereyan di berdêla çapkirina berheman de, ji nivîskaran distînin.. ê hemû mesrefa çapkirin û belavkirina pirtûkekî jî ez bawer nakim zêdetirî 5 tl-yî be, ê mîratê tu li bazar û piyasê dinêrî pirtûkên kêmî 15-20 lîreyî bi dest mirov nakevin..