Tirşik - Profîl
tirşik-profîla endazer

profîla "endazer"


Peyamên nivîskar yên di vê mijara [radyo] de;

10. hazir mijar vebûye dixwazim bîranîneka xwe ku tê de (bnr: radyon) jî heye -ku berê bav û bapîrên min navê radyoyê wek radyon bilêv dikirin- binivîsim.. şevekî li gund hê ez 3 salî tê heme yan tê nîn im komek gerîla li malê pal dane û diya min jî li aşxanê ji bo mêvanan şîvê amade dike.. axirê şîv çêbû û sifre li ber mêvanan hat rayêxistin.. heçiyê li gundan mayî zane halûwextê malekî çi qas xweş be jî heta ne ku mêvanek bê malê zûbizû goşt an xwarinên xweş çênabin di malê de.. axirê bavê min û birayên min ê mezin ê gerîlla rûniştin ser sifrê piştî çend deqeyekî min hew nêrî ku binê sêniya ku goştê biraştî tê de ye dixweye.. min fêm kir ku wê gşt ji min re nehêlin ez rabûm min giriyek welê kir heçiyê nizanibûya wê bigota qey -Xwudêneke- bavê min emrê xwudê kiriye.. axirê ji nav gerîlayan gerîlayekî pirsî û go: te xêr e heval, çima digirî? min jî jê re got: we hemû goşt xwar, tiştek ji me re nema.. piştî van gotinên min dilê camêr bi min şewitî an gunehê xwe bi min anî û ez gazî sifrê kirim û li cem xwe dam rûniştandin min dît ku çend ji bilî çend hestiyên ku pê ve goşt nîne bi navê goşt tu tişt nemaye min dîsa kûr kir girî.. dîsa heman gerîlayî ji min pirsî û go: te xêr e dîsa heval? vê carê ji bo çi digirî? min jî got: dilê min naçe savarê ez girarê dixwazim.. dîsa li min vegera û got: heval savar xwarina me kurdan û girar jî xwarina dijminê me tirkan e.. ji ber hindê nabe ku em devê xwe li girara tirkan bidim.. axirê piştî ku hinekî bi ber dilê min re çû û hat min çnd kevçî li savara ziwa dan û zikê xwe yê birçî pê aş kir.. piştî ku seremoniya şîvê temam bû û bi ser de jî fesla çay û fêkiyan jî qediya.. gerîlayan da xwe ku rabin.. gerîlayê ku bi min re şitexilî di ber derî re hê derneketî ji çentê xwe yê piştê radyoneke sor deranî û da min..



piştî ku leşkerên serdestan ji ber ku gundiya qoricitî qebûl nekirin li ber çavên me agir berda gund me nema zanî ak em çawa hatine bajêr.. radyona min a sor jî di nav wê teşqele û xirecirê de wenda bû.. lê hî jî çizîniyên radyonê yên ku ji kanalên erebî yên radyonê dihatin wekê doh li ber guhê min dikin çing çing..



2013.07.06-12:37 | endazer

9. halet û haceta elektronîk ya ku modûlasyona dengî ya di pêlên elektromanyetîk yên radyoyê de pêşiyê elektronîze dike û paşê vediguhêzîne û dike deng.. radyo ji bo sitandin û bihîstina teyfên elektromanyetîk yên di mesafeyên diyarkirî de hatiye danan.. li gorî faktorên bijêrkarî û hestiyariyê mirov dikare qalîteya radyoyan binirxîne..

radyoyên popûler li ser bingeha ku ji du modûasyonan behremend dibin hatine danan.. (bnr: am) (bnr: modûlasyona firehiyê), (bnr: fm) (bnr: modûlasyona frekansê)..

wekê din taybetmendiyeke din ya diyarker ya radyoyan firehiya modûasyona wan e.. firehî di ber hejkê re bilindtirîn şîdeta hejkê ya pêlên radyoyê ye.. di şîfrekrina kanalên radyoyê de pirî caran pileya frekans û firehiyê tên bikar anîn.. di radyoyên amyê de bi guherîna pileya firehiyê, di radyoyên fmê de jî bi guherîna frekansa pêlên radyoyê di nav mesafeya frekansan de şîfrekirin tê kirin..

antênên radyoyê ji ber ku tenê ji bo bihîstina weşanên di frekanseke diyarkirî de tê eyarkirin pêlên din yên radyoyê nastîne û nabihîse.. şîfreyên ku di nav pêlên radyoyê de hatine veşartin ji aliyê stînerî ve tê safî kirin û bi riya hoparlorê vediuhêze û dibe pêlên dengî..



band (metre) mesafeya frekansê (KHz)

120 2300 - 2495

90 3200 - 3400

75 3900 - 4000

60 4750 - 5060

49 5730 - 6295

41 6890 - 6990

41 7100 - 7600

31 9250 - 9990

25 11500 - 12160

22 13570 - 13870

19 15030 - 15800

16 17480 - 17900

17 18900 - 19020

13 21450 - 21750

11 25670 - 26100



di nav van bandan de bandên ku ji bo radyoyên amator, keştiyên ticarî û leşkeriyê hatîn veqetandin jî hene.. bi piranî ev weşan di nav xwe de mosûlasyonên wekê ssb, cw, rtty dihundurîne..

ji bo van weşanên bistîne û bibihîse radyo pêdivî pê dewreyeka veser ya bi navê bfo (bnr: beat frequency oscillator)yê heye..

cureyeka din a radyoyê ya nû derketî ya bi navê xmê ji fezayê ji bo weşanên hejmarî ya frekansên bilind bistîne hatiye dîzayn kirin.. di vê cureya nû ya radyoyê de qalîteya dengî gelekî baş û serkeftî ye..

bi pêşketinên teknolojiyê û berbelavbûna bikaranîna Înternetê her ku diçe hejmara îstgehên radyoyan yên ku li ser înternetê weşanê dikin zêdetir dibin..



2013.07.06-12:10 | endazer