22. - endazer

Ji bo demeke nediyar îro îstîfaya xwe rapêşî me kiriye.

- ferhenga şikestî

Ew jî ji ber ku ketiye nav depresyona rewşenbîrî ji jiyanê û ji kurdbûnê ji bo demeke nediya îstîfa kiriye.

- remlavêj

Ji binî ve ji kurdbûnê îstîfa kiriye. Wê rojê min ew li ser twîtirê dît ku dest bi jiyaneke ku bi jargona tirkîzekirî xemilandî bû kiriye. Bêguman ji cihê ku ew min nabîne ez wî dibînim

(bnr: fuat avnî ez im)

- rasteqîn herî dawî li kolanên îsraîlê û li ser devî wî sirûda medînet ha yîşrael xuya bûye û ji nişkav ve îstîfa kiriye.



Henek li alîkî pirî caran di hişê min de jî diçe ku dev ji her tiştî berdim û herim lê bi ku ve? Yanî ez difikirim ku ez bi ku ve herim jî ji kurdbûnê pêve tu tiştê min tune û kurdbûna min jî bi min re ye vêca reva min encax ji kurdbûnê ber bi kurdbûnê ye vêca ez jî di cihê xwe de tepiş dikevim.



Li ser vê yekê meseleya xelîfe omer tê hişê min. Rojekî ji bo teftîşê be êdî çi be xelîfe omer diçe ziyareta artêşê bike ku fermandarê artêşê eba ûbeyde ye. Piştî ku xelîfe digihîje ba wan pê dihese ku nexweşîya "weba" di nav artêşê de belav bûye û pêre hima xelîfe û hevrêyên wî dest bi vegerê dikin û eba ûbeyde ji paş ve wiha gazî dikê:

" lo omero ma tu ditirsî? tu ji qederê xwedê ber ku ve direvî?" vêca xelîfe vê bersiva xweş dide:

" ji qedera xwedê ber bi qedera xwedê ve direvim"



Rewşa îstîfakarên me jî ev e: ji kurdbûnê ber bi kurdbûnê...