Tirşik - Profîl
tirşik-profîla xendekî

profîla "xendekî"


Peyamên nivîskar yên di vê mijara [şengal] de;

40. navê helbesteke ehmed huseynî ye, bi dengê wî guhdar bikin:



Ehmed Huseynî - şingal

Şing-Ola minê

Li wir bimîne

Li wê çolistana serberdayî

Bend û ayetên xwedê

Ji pêxemberên serdemê re bixwîne..

Destekî xwe ji Mehbadê re bişîne

Bila di sînga çarçirayê de

Gula sor a şehîdan biçîne..

Destekî xwe ji Hewlêrê re bişîne

Bila Xanoyê lepzêrîn

sirûdên Kela Dimdimê

Li meydanên azadiyê vejêne..

û baskên xwe,

Ji Birc û Kelehên Amedê re bişîne,

Bila li Deriyê çiyê

şêxê Pîranê,

Bi destê pêxemberekî bigire,

û bagera zagrosan bi gopalê xwe rawestîne..

Dilê xwe yê ji genim û zersosinan

ji Qamişlokê re bişîne,

bila çekjîn û Hogiran

Bila Helepçeya min a nazik

Li kuçe û kolanan

Li goristana şehîdan bibîne..

Li wir bimîne,

û bi ava gulan rêbaza evînê binivîsîne..

Brûskvedana qederan li qederan vegerîne

Destên xwe li newqa çiyê bialîne

û xwîna xwe di dergûşa xwedawendan de

Bilorîne

Bilorîne şing-Ola minê bilorîne:

Tac im tac

Taca serê Kurdistan im.

Bilorîne..



Deng: Ehmed Huseynî

Vîdyo: asoya helbesta kurdî







01.12.2015 13:18 ~13:19 | xendekî

33. Warê pîroz ê êzîdî'yan e. Hê jî me kurdan wek gelek mijarên din me li ser navê wê li hev nekiriye. Aliyek dibêje (bnr: şengal) aliyek jî dibêje (bnr: şingal).



10.09.2014 20:59 ~2015.12.01 13:17 | xendekî

18. bajarê ola me ya qedîm, bajarê ola êzîdîyan, bajarê ola kurdan a kevnar. bajarê heca kurdan, laleş'a pîroz. bajarê ku îro hêzên kurdî kirine yek. bajarê ku bi ketina wê re dilê me şewitî, peritî, agir pê ket.



09.08.2014 21:23 | xendekî

17. (bnr: heca kurdan)



09.08.2014 21:22 | xendekî