32. (bnr: law hakimo)

31. name



''şorbenîsk min ji bîr kir

tilîşewitî, hevrêşk û meyir. . .

xweziya

tasek dims li ber min bûya

nuha li wir. . .

lo esker çi dikir bila bikira...



bi min re ma

-newê gorê baş e-

hisreta qeras aş e;

ya min şal û şapik...

di talda tahteke gebar de nuha

min pal dabûya;

nanekî tenûrê jî hebûya

azad bûma hê çêtir,

ji xwe bindest im...

ez bêjim -têm çavên te

nuha şil in...

û destên te binmil in, xuşka min

-silavan ragihîn xwarziyê min

bêje -xalê te radimîse

têr têr tê eniya te. . .



û li ber nekeve

li ber min jî...

ma ez xalê kê me?

ne, te digot -çi mêr e-

-berxê nêr ji bona kêr- e

êşa xwe nexe dilê xwe

sibehekê rabe, xuşka min

bi ser wî bajarokî de bidêre.

birayê te. . .



Arjen Arî

30. ramûsan min veşartin li geliyekî



ar girtiye qurm

û li dorê dileyize

çi kiribû

çi bû gunehê dara berû?

bi min re wê jî şer nexwestibû

bi min re zarokan, bi min re kulîlkê

û wê qîza xama…

ku, li dû min stûxwar ma

û bendî…



rondik herikîbin şer herikand

û xwîn pijiqand pelê kulîlkê

ma bayê kur rûxand hêlîna tivîlkê,

hij ma li milkê, ramûsan li milkê?



xwezî, lewitîn di kirêtiyê de

û şer dizî j ime xewnên mîrekî

li herêmekê em ji gundekî

dijmin jî bûna malê me pev dima

neyariya me nedigiha qewmekî

kengî bûya lev dihatin

em eydekê, erefatekê…



bi ya helbestê min kir

û min guh da bilûra şivên:

hij min aland li destmalek bi vên

û ramûsan min rakirin geliyekî…



ramûsan min veşartin li geliyekî

ew gelî yan ê elî, yan jî li cûdî

bi têhn dimînin li wirbi hij dimînin ramûsanên min

şer betal bibin, çek rawestin

ji çiyan şerker dadikevin

ezê di nav wan de bim

ileh ileh, tu bê pergî min

da te himbêz bikim ji dêvla çiyê…



şer de ye mîna min niha helbest jî

kengî parzinîn biwêj ji xwînê

ji êşê rêz, ji şînê çarîn

helbesta min hingî bixwîn

wê evîn jê binizile…



arjen arî

29. (bnr: dilodîn)



Dilodîn im..

Dilodîn im bedewê...

mîna kelaşan bigrim ser te, te rakim çiya

bi dû re kîjan mîr, kîjan axa me dihewîne?

çi zanin çi evîn e...

dilek ku felqe;

aliyek Qamişlo ye, aliyek Nisêbînê..



Arjen Arî

28. Bêndera evînê li kê cihlivîn ma?

vezilandî bi tenê kî maye li ser?

Şerê evînê de min dil gorî da..,

bi temenê xwe re mam penaber!



Arjen Arî

27. (bnr: taa ferwerdînek din)

26. (bnr: neçû)



Kê negot, ax! û neçû?

kî nebû ax… û neçû?

Felek kajikê bicû

Arjen ji dil bi dax neçû?



Arjen Arî

25. 'Di dil xwe de;

Min şair im, helbestkar im

Di çav xwe de;

Ristekar im, min peyvkar im

Ji beyanî Xanî, ji eyanî Goran

Ne şair im qurban, ne şair:

Kurmancîspîkar im, seffar im."



Arjen Arî, 28 Îlon 2012

*ji profîla A. Arî'yî a facebookê

24. (bnr: mirin)



''Mirr e mirin

Kirr e mirin

Pirr e mirin

Mirin mirin

Çirre mirin?

Dizanim ku j' zayîné ve

Surr e, surredar e mirin!

Dimirîne, ew nemir e

De were tu jî bimire

Seré xwe deyne w bitemire

Bi min re ku ez mirim mirin

Bi min re bimir, mirin, bi min re

Bi min re mirin ji te re jî xweştir e!"



Arjen Arî, 7 Îlon 2012

*ji profîla A. Arî'yî a facebookê

23. (bnr: tu bihata)



Himbêzek ramûsan man li keviya çêm

Te gotibû îşev ez têm,

Îşev, beriya hîv dagere kevan...

Ma gund raneza, ma sa ranezan

Xayînê, tê bihata...

Dilê min sed carî di sînor werbû!



Tu bihata, kaniyek din li Xanikan zêde d'bû

Tu bihata, Nêrgizlokê j'êvar de rêber bû

Tu bihata, xewlecî bû binê pirê;

Kîjan xofê nehişt ku tu bidî rê

Xayînê, tu bihata

Ev dil li dû te Binxet nedibû! .



Arjen Arî

12. Ji (bnr: eroûtîka)'yê



qulzema dil işq e: Mella

çi Xwedayî,çi beşerî

sohtî be b’ arê seqerî

her evîn ala ye,Mella

dil li me bela ye,Mella



EROÛTÎKA/ Rûpel 7





Bilîlînin, xêlîno!

Xelkîno werin şahiyê!

Def e

û zirne “Zozan” dibêje:

Azadî bû ma ne, ya em li hêviyê?



Arjen Arî

10. (bnr: negrî)



çenga por bibin bibin

bibin ser gorên dil kuştibin

bibin bin konên şîn girtibin

negrî çav deryayê negrî



mijankê te ji kil dibin

negrî por roavayê negrî

negrî û neke limin limin



hijê bike rê û bimeşe

xwe li çiya bigre û bimeşe

emrê te hê çend û şeş e

negrî neke limin limin

negrî bikene li dû min



beşişînê bike rû min

şehîdê dilê te ez bim

nekenîne bime dujmin



Arjen Arî

9. (bnr: bêbavê)



Çavên te: du binevşên reng-tenik

Di spêdê de şîrkî şîrkî, hênik

Bayek in: nermik nermik, nişmî...

Bêbavê, di çavên te de vemirîn

Çil biharên hevrîşmî!



Arjen Arî

8. (bnr: hez)



li hezê digerim bi dilekî mişt hez

nebînim, bi ser ve nebim jî ez

ez ê ji dû venegerim...



li hezê digerim, hezeke wusa:

safî, sebîl... ne miqabili tiştekî...

û henûn henûn, mîna ya mindalekî:

dibînim heza berxikê l' dû makê ...

dinêrim li çivîkê hêlîn li ber helakê!



ez ê bi ser ve bim, nizanim...

ya ku zanim; hez nebe, heyat gwîzeke pûç e.

hez nebe; jiyan goka li ber devê qalûç e:

eware eware, derbeder

li ser kevirekî xwelîser, ji qalûç re qûç e!



li hezê digerim

di dilê welatekî de li vî diyarî

min ji welatekî hez kir, hinekî ji j' vî bajarî

û paşê, dîsa ji welatekî: mîna nanekî çar parî!..



tavildê welatê ku ev çend min jê hez kir; ji êşa pir, ji giriyê pir, mirinên pir... hezê li şûntaziyekê ew terk kir, û wî jî hez bi gorî xwe kir bi yek carî!



li hezê digerim, niha...

dizanim; dengê xwezayê ye hez

herikîna avê, guvîna bê, xuşîna spîndarê...

min xezalek wenda kir li vê pesarê:

dildarên xakeke nebedî bûn

di şiveriyên çiyayekî de, vê berêvarê!



Arjen Arî

7. (bnr: mirî mirî)



min hij te kir

pirr pirr pirr

dibû pirpira çivîkan li ber qefesê

û te, li ber firê çavên xwe kil dikir.



reş bûn ji xwe

zivr zivr, kevanî

reştir dibûn bi kilê siphanî

her çiya bi evînekê bi nav dibû

û te, di çavên xwe de azadî xwedî dikir.



min hij te kir

li dû her koçberiyê pirrtir

û gelektir ji xwe ji gelekî gelektir

her ku mirina kevokan dihat tu jî dimir

baz xayîn diketin Sarya min

min hij mirina te kir!



Arjen Arî

5. (bnr: ev çiya rûspî ne)

(bnr: şêrgele)

(bnr: ji kîşweran payîz e niha)