64. ji ber salvegera mirina nemir arjen arî dara porxelek bi heval û hogirê wî: firat cewerî, rêdûr dîjle, mihemed ronahî, kawa nemir, omer faruq baran re axiviye, wan jî li ser bîranînên xwe yên bi arjen arî re tiştinin gotine, ji vir tê xwandin:
basnews, Ev pênc sal in helbest sêwî ne… Here lînkê

61. îro rojbûna nemir e.



ji bo hem hevpeyvîna omer faruq baran a bi xwuha arjen arî nejla akay re parve bikim:

Here lînkê



hem jî desteyek helbestên wî bi we re parve bikim:

Here lînkê

56. şêrgeleyê ku ji bo "niha" wiha dibêje:



'Niha' tune di nivîsê de!

Yê ku bidin dû 'niha'yê, dê 'mehkûmê niha' bin!

Her 'niha' divê bibin 'kilîla dergehên' 'niha'yên zemanên din!

Ez, niha, di niha de niha û kêlîkên nihayan bi her bêjeyê dispêrêm 'niha'yên sibê!

Û zanim, zanim bi qasî ku niha karibim 'niha' bisprim sibê, ez ê jî hebim û sibê bim!



Arjen Arî

50. mirî mirî



Min hij te kir

Pirr pirr pirr

Dibû pirpira çivîkan li ber qefesê

Û te, li ber firê çavên xwe kil dikir.



Reş bûn ji xwe

Zivr zivr, kevanî

Reştir dibûn bi kilê siphanî

Her çiya bi evînekê bi nav dibû

Û te di çavên xwe de azadî xwedî dikir.



Min hij te kir

Li dû her koçberiyê pirrtir

Û gelektir ji xwe, ji gelekî gelektir

Her ku mirina kevokan dihat tu jî dimir

Baz xayîn diketin Sarya min

Min hij mirina te kir!



Arjen Arî

47. Hewlêr im Ez



Kerbê li xwe bipêçe... û were

Bi balefirên bask-fere

Bi debabeyên rûxîner re

Were bi firokên menzîl-dirêj

Were bi sikorskiyan,

Bi mîgan,

Bi bilek-hawkan

Bi hemû alavan, bi hemû çekan

Bibe dojeh... û were!

Mêrxas be dujmin

Bi mêrxasî were!

Bext be ji te re

Rextê te vala bûbe, dagire

Tivinga te qelp kiribe, xwe biajo dev

Ez û rev dujmin, ez û rev?

Hewlêr im ez Hewlêr im

Bila çekên te tev tenete be!



Arjen Arî

34. "şêrgele hene şêrgele."

ARJEN ARî

şÊrgeleyê MEZIN EW E.!