Tirşik-Pirtûk

çavdêriyên barbarekî

 KAWA NEMIR

 

 lîs


 2011


 kurmancî

 

 77

 çîrok

 2014.12.10 19:38

 simurg56

 Çavdêriyên Barbarekî, yekem pirtûka kurteçîrokan a helbestkar û wergêr Kawa Nemir, ku li dû encama nivîsandina gelek deqên kurteçîrokan peyda bûye, ji aliyê Weşanxaneya Lîsê ve hate weşandin. Çavdêriyên Barbarekî ya ku ji heft kurteçîrokan pêk tê, bi her awayê xwe ve xuya dike ku ji pênûsa helbestkarekî zeyîniye. Kawa Nemirê nivîskarê pirtûkên helbestan ên bi navê Selpakfiroş, Bîşenga Deşta Dûr û Salname, di nava heft kurteçîrokên xwe yên li ser asta honandina zimanî ya kûr û pirrşax re, zimanekî ku di bîra xwe wer dibe peyda kiriye, bi awirê “yêdinbûn”ê li xwe û li cîhana li derdora xwe dinihêre, ji zemanekî berê de, bi riya bikaranîna movikên zimên, li rabirdû, li niha û li dahatûyê temaşe dike, zimanê ji xaka Serhedê pijiqî digire dikişîne ser asta zimanê Kurdî yê hevbeş, xwe dispêre coş û peroşa ku xweza didê, bi vegotineke stratejîk, bi şêwezimanekî nû, bi zimanê xwe yê xef derfetên hevoksaziya Kurdî diceribîne. Nemirê helbestkar, piştî ku mirov li arkeolojiya peyvên deqên wî bikole, bi wê “xefkirin”a wî re toza serdeman tê daweşandin. Çavdêriyên Barbarekî ya Kawa Nemir bi hêza deqên xwe ve di çîroknûsiya Kurdî de li ber e ku riyeke nû veke. Ji Weşanxaneya Lîsê, pêngaveke nû ya ku şax û perên çîroknûsiya Kurdî berfirehtir dike.


çavdêriyên barbarekî - Tirşik

çavdêriyên barbarekî


1. Pirtûka Kawa Nemir a kurteçîrokan e. Kawa Nemir cara ewil e xwe ber çîrokan e. Ji heft çîrokan pêk tê.



2. Zimanê çîrokan pir giran e. Heke ne giran bûya wê hê xweştir bûya.



3. yek ji wan kêm-kitaba ye ku min cara duyem xwend. ez xwe di çîrokên wî de dibînim. ew peyvên zendegirtî, ew peyvên qerqeşûn yên di tê de jî tehmeke xweşik didê. rast e, zimanê wî giran e. zimanê wî asta bilind a kurdî şanî mirovî dide.



Berga pirtûkê:
Berga pirtûkê
Puana tirşikê= 80
pûanê bide pirtûkê: