Tirşik-Pirtûk

qesra balindeyên xemgîn

 Bextiyar Elî

 Besam Mistefa

 avesta


 2009


 kurmancî

 soranî

 416

 roman

 2014.12.07 11:21

 simurg56

 Sewsen Fîkret, keçeke ciwan, bêyî ku çûbe derekê wir dizane, dinyayê ji kitêban dinase. Hemû jiyana xwe li kitêbxaneya bavê xwe derbas dike. Mensûr Esrîn, xwendekarekî gênc ê zanko, xortekî romantîk… Kameranê Selma, kêrkêşekî jîr, xortekî çavsor… Xalid Amûn, ji eşîrek mezin, tolazekî dewlemend… Mensûr, Kameran û Xalid, her sê jî aşiqê Sewsen in. Lê ji bo zewacê ji her sêyan re jî şertekî wê heye: gerek e biçin, 8 salan li dinyayê bigerin, teyr û balindeyên ku kêm tên dîtin bibînin û bînin. Ewê dawî qerara xwe bide, ji her sêyan yekî hilbijêre û pê re bizewice. Her sê aşiq jî soza xwe tînin cih, her yek bi sedan balindeyên rengîn û nenas re vedigere. Sewsen Fîkret, hemû balindeyan li malekê kom dike, navê mala wê dibe; Qesra Balindeyên Şîn. Lê ne ew kesên berî 8 salan e, ne şar eynî şar e… êdî sal di ser Enfalê re çûne, tu hebûna be’siyan li welêt nemaye, hêdî hêdî dengê şerê navxwo tê. Bi şerê “birakujiyê” re rengê qesrê diguhere, dibe; “Qesra Balindeyên Xemgîn”.


qesra balindeyên xemgîn - Tirşik

qesra balindeyên xemgîn


1. Sed heyf ku ez heta rûpelê 200 û tiştekî hatim û min di otobosê de ji bîr kir ev pirtûk. Meraqa min heye ka gelo niha karekterê min jê herî zêde hez kirî Kameranê Selma çi kir bi ku de çû. Ya rast parêzvanê Kameran, Mengurê Babagewre ku ne ji ber tolazî û kêrkêşiya Kameran lê belê ji ber wê cûreyê mêraniya bi wî re dîtî jê hez dike çi dike. Romaneke pirr xweş e di demek nêz de ezê peyda bikim lanet li wê otobosê be nizanim kî yê çi bi pirtûkeke bi Kurdî bike li vê Elmanyayê, ji kîsî min çû werhasil



2. Dema ku min pirtûkê qedand, serê min de fikrek peyda bû: Bextiyar Elî ji Ehmedê Xanî pir sûd wergirtiye û rind jî kiriye. Mînaka herî berbiçav Memê Alan a Xanî û Mensûr Esrîn a Elî. Di wan her duyan de jî guhertineke ruhî çêdibe, evîna wan ji ya mirovî ber bi xwedayî ve vediguhere.



3. Pirtûka ku piştî xelas kirinê min dîsa dest pê kiriye, têr nebûm... Jixwe nameya Mensûr... Mensûra xwesteka min gerîna dinyayê dîsa xist bîra min, xiste serê min ku ez nikarim li cihekî ji bo demeke dirêj bimînim. Lê xwezî yek jî wek Sewsenê derkeve û ji min re bêje here gulêê, here û nevegere...



4. min hê nexwendiye. demek e dirêj e dibêm ez ê bixwînim lê keysê lê naynim bi tu awayî.



5. Pirtûka ku bi kurtasî analîza kurdistan û rojhilata navîn dike ye. 2 sedem dide ber xwedevanan ji bo paşvemayîna kurdan re.

Yek nexwendin e. Li vir pirtûkxaneya sewsen fîkret evê sembolîze dike. Ya duyemîn jî dinyanedîtin û ji herem û welatê xwe wêdetir tu welat, çand û xelk nasnekirin e. Sewsen wê dibîne û dibêje eger ev miletê me welatên din bizanîna û naskirina wê wan dev ji wan nakokiyên beredayî yên navxwe de berdana.
Di novelê de pir sembol hene û divê pirtûk yek caran zêdetir were xwendin.



Berga pirtûkê:
Berga pirtûkê
Puana tirşikê= 97.5
pûanê bide pirtûkê: