108. di lêdana wê de problem xuya nake. li ser telefonê jî li ser komputerê jî bêpirsgirêk dixebite. yên ku rastî probleman tên, dikarin bi gerokên din jî biceribînin û ragihînin. belkî ji ber gerokê be. (û li bişkojka "play" bikin ka wê lê bide...)

109. Radyoya ku sepana wê jî heye. Problem tê de tune *

110. Radyoya ku li cem min jî distrê *

Dengê amûra te xera nebûbe endazer hhh *

111. tagên zaravayên kurdî jî hebin ew ê xweştir bibe. misal car caran mirov dixwaze tenê klamên zazakî gûh bidê.

112. radyoya ku 19 stranên nû lê hatin barkirin û wê niha bi dorê, li wan bide.

113. radyoyeke baş û bikÊrhatî ye. gelek caran ez lê guhdar dikim. radyoya azad e.

iro bala min kişand , piştî ku dengê stranê tê eyarkirin, di strana peyre de deng dîse tê ser eyarê berê. û divê dîse werê eyarkirin. li gorî min ne pirsgrêkike mezin e , lê dîse bila heya camêr jê hebe.

114. dema meriv sê caran li ser hev du ji lradyoyê muzîk daxîne, pergala tirşikê errorê dide. her car jî min got law va tirşik çû! tobe bismilah!

115. Radyoya min ya favorî ye.
Gelo mirov dikarê lînka "stranên" radyoyê parve bikin. Heke na, teyebetîyeke wisa çêdibê gelo?

116. taybetiya parvekirina stranan nahewîne. lê taybetiyek wisa wê gelek balkêş be. înşelleh di pêşerojê de.
dema lînk vebû wê ew stran lê bide û paşê derbasî weşana zindî bibe. himm....

117. wexta tu ji telefonê dikevî pêl li lêde'yê dikî radyo stranê lê dide. lê gava tu curey mûzîkê biguherînî û dûre pêl li lêdeyê bikî îcar error dide mixabin

118. Xwezî çend nivîskarên tirşikê bi avayekê zindî bernameyan çêkin.

119. mixabin sepana wê jî betal bûye, nayê bikaranîn. nûkirinek lê ferz e, em bang li şêx dikin werê û piff bikiyê.

120. radyoya ku stranên pir pir xweş lê dide.
bi sernivîsa stranê ku lê dide entegre bûye. ev pergal di ekşiyê de jî tune ye ku bi trÎlyonan dilîzin û vaye 20 salan derbas bûye di weşanê de ne.

121. Radyoyek wisa ye ku, ger ez xwedî dikanek bûma, weke cafe'yek felan, min ê vê radyoyê vekiriba û heta êvarê bêked, bênavber û bêreklam, meseleya mûzîkê hel bikira.
Him jî mûzîka bi qalîte.

122. agahî: 32 stranên nipûnû lê hatin zêdekirin.

agahîyek din:
- ev 2.345 roj in ku radyo di weşanê de ye û heta niha 34.667 stran hatine guhdarkirin.
- yanî rojê 14.7 stran.
- her stran 4 deqe bin, dike nêzikî 60 deqe.

ango radyo her roj saetek tê lêdan.

123. "bernameya radyoya tirşikê çima nîne?" ez ji xwe dipirsim.

di sala 2013an da radyoya tirşikê destpê kirîye. moderasyona tirşikê biryareka baş hilanîye. muzîkên kurdî tevlî muzîkên biyanî weşandiye, derfetekî baş çêkirîye. lê îro? îro (2020) muzîk li her derê ye. êdî, mixabin weşana mp3yê ji bo radyoyekê qîm nake.

ez dibêm, qet nebe du tirşikvanên me (ya rast, tirşikvan nebin jî dibe) rabin li ser mijarên rojane nîv saet gotûbêj bikin, bo destpêkê, willeh besê min e. bernameya radyoya tirşikê dest bi weşanê bike, hefteyê carekî jî bibe ji min ra bes e. kî çêkir, hezar car xwedê ji wan razî be!.

ji ber ku tiştekî wisa tune ye, xelk diçe youtubevanên din dişopîne. ji bo ku haya xelkê me perçekî ji nûçeyên dinyayê çêbibe, diçin guh didin xelkên bîyanî, yên tirk û hema kî hebe.

bernameyeka zindî jî dibe, podcast jî dibe hevalno, cidî jî dibe, bihenek jî dibe. bes weşaneka kurmancî bi gotûbêjekî teze be. ev yek, îro hewcehîyeka mezin e. ne tenê ez im. cinawirek din jî qala vê yekê kirîye di bin mijarê da.

radyoya tirşikê/114739

124. radyoya ku heçî nivîskarê ku ji 250an zêdetir peyam nivîsandine, dikarin stranan lê bar bikin. ev taybtî jixwe hebû lê belkî gelek kesan ji bîr kiribe. fermo, heçîyê bixwaze, bila stran bar bike.


mixabin niha mirov nikare tê de weşana zindî bike. him ji alîyê teknîkî ve ew bingeha wê tune û him jî ez bawer nakim ku kes ji me wext bibîne ku jê re bernameyan amade bike. ku tiştek wisa were kirin jî, gelo wê bi rastî çend kes bi zindî lê temaşe bikin? piştî ku kes zindî lê guhdar neke, ferqa wê û vîdyo an jî podcastan namîne.

125. Radyoya tirşikê gelek xweş hatiye damezirandin , destê we saxbe
Min caran xwest lê mêze bikim gelo çawa stran lê tê zêdekirin lê min nedît.Yek jî mirov bikaribe bigihîje lîsteya stranan û bikaribe lê daxwazê hilbêjere û guhdar bike ma baş nabe.Gelo wê demê dibe ku ji rewşa radyoyê derkeve bibe medya player.Nizanim.Lê pêşnîyar dikim.

126. nizanim çima ev demek bû xera bibû, hinek taybetîyên wê naxebitîyan. min îro ser û guhê wê rast kirin.

- dema hûn li navê tirşikvanekî bitikînin, stranên ku wî/wê bar kirine, tên lêdan.
- dema we li zimanekî tikand, stranên bi wî zimanê tên lêdan
- dema we li cûreyekî tikand, stranên bi wê cûreyê tên lêdan

her wiha vê jî bînim bîra we; heçî nivîskarê ku 250 peyam nivîsandine, dikarin stranên li ber dilên wan şêrîn, li radyoyê bar bikin.
min îro 30 stranên din lê zêde kirin. bû 661 stran.


lêzêdekirin: êdî dema we stranek li radyoyê zêde kir, di beşa zindî de agahîya wê tê ragihandin. di vê ragihandinê de mirov dikare li navê stranê bitikîne û dîrekt guhdar jî bike.

127. taybetmendiyekê xweş e lê ez dibêm tenê moderator weşanê dikin. dîsa jî min çend stran bar kir.