Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    23 mijar û 36 peyam

    xwendina di zanîngehên taybet de

    1. ger bi saya bursê be yanî belaş be hêjayî rêzgirtinê ye lê ger bi pereyên dê-bav be çi jî bikim kêfa min jê re nayê.

    nikarim qebûl bikim ku kesên ku nekarîne bi şixulandina mejiyê xwe karekê û meslekekê kar bikin, bi hêza perê xwe van beşan bixwînin.

    belkî ne bimantiq be lê hestek wijdanî ye, ev a bi min re.



    2013.11.15-21:05 | simurg56


    muhammet sıddık dursun şeyhanzade

    1. Muhammet sıddık dursun li çewlîkê sala 1948 ê hate dînyayê, zaningeha enqerê beşa îlahîyatê xwend. Paşî tevlî tevgera nurcîya bu. Pîştî çend salan dema ku berhemên seyda bedîûzzemê kurdî de(bnr: rîsale -î nur) mijarên têkildarî kurdayetî, kurdîstanî, elewîtî, wehhabîtî, mûnafiqî bi qurtasî mijarên ku li dijî pergala komara tirk bu, hate sansur kirin bi taybetî di mijara kurd û kurdîstanê de ji wan cûda bu.

    Dûre (kerema xwedê lê bîtin) Koma med - zehra ava kir û dest bi xizmeta rîsale î nur kir û bi dilxweşî û ji dil û can bîrdozîya seyda bedîûzzeman seîd ê kurdî belav kire nav civaka tirkîye û kurdîstanê bi xêra SIDDIK abê gelek ciwanên kurd hem bedîzzeman ê nas kirin hem bi xêra RÎSALE Î NUR an îmana tahqîqî bi destxistin.

    Gelek caran ji ber tawîz nedayîna wî ya di derheqa mijarên îslamî û kurdîstanî de ji alîyê komara tirk ve hate binçav kirin û hate tehdît kirin û du rêhevalên wî îzzettîn yildirim û şehîd saîd avci bi destê komara tirk û hîzbullahê ve li stenbolê hate şehîd kirin.

    40 salan bê rawestan bêyî ku tawîz bide parêzvanî û xizmetgûzarîya fikrên
    seîd ê kurdî ku fîkrîyata xwe bi rîsale -î nur an ava kirîbu kir. Bi xêra wî û cemaata ku wî ava kir gelek kes hem îmana xwe (înşellah) xilas kirin hem jî xwedî nirxên gelê kurd derketin û parastin.

    Seyda Siddik Şeyhanzade îro seat 17:45 an li stenbolê emrê xwedê kir û wê êynîya vê heftê(07.07.2017) li gel nimêja nîvro wê li çewlîkê bête veşartin.

    Cihê wî biheşt bît xwedê rehma xwe biket.

    Here lînkê



    2017.07.06-00:29 [guhertin:2017.07.06 00:32]| azad30


    duman

    2. navê komeka mûzîkê a tirk û bi tirkî.. di sala 1999an de ava bûye.. çeşn û cureya mûzîka xwe wek alternatif rock û grunge binav kirine, kom ji vokalîst kaan tangöze, gîtarîst batuhan mutlugil, bas gîtarîst ari barokas û baterîst cengiz baysal pêk tê..

    çend stranên wan yên xweş yên wekê aman aman, seni kendime sakladım, helal olsun, xweş in û hêjayî guhdarîkirinê ne.. bi navê eyvallah stranek tûj û dijwar ji bo serokwezîr û hikûmeta akpê çêkirine.. sounda stranê bi qasê gotinên stranê xweş û serkeftî ye..



    Duman - Eyvallah:










    2014.03.02-02:52 | endazer


    stranên ku raperînê herimandine

    1. yek ji van stranan "hate ber derî" ye ku bi alikariya mirady, stranê herimandine û tahm tê de nehiştine.

    ya orjînal:










    ya raperîn xanim û mirady:












    her wiha strana pejna te nayê jî yek ji van stranan e:

    ya orjînal:










    ya raperînê:












    strana siya şevê ya bi navê derew e jî nesîbê xwe standiye. oooof off.

    ya orjînal:










    ya raperînê:












    strana kan revan içindeyim ya düş sokağı sakinleri jî malxerab e.

    ya orjînal û xweş:










    ya raperîn:












    strana zîlan ya efsanewî ya delîlaya delal:

    ya orjînal:










    ya raperînê:












    strana car caran ya comert jî ji van stranên bêbext e:

    ya orjînal:










    ya raperîn:












    strana rinda min ya beytocan:

    ya orjînal:










    ya raperîn:












    (bnr: ya de bes e loo)

    (bnr: bes e raperîn te mûzîka kurdî kuşt)



    2013.08.15-20:49 | simurg56


    mijabad

    5. analîzek wiha di nav de ye:

    "heremên kurdan weke giravên ji hev qut di deryayekê de ne, pêwist e kelek û gemî û qeyik hebin da ku xelkê ji giravekê bigihîne giraveke dî" rûpel 106



    2018.07.26-14:35 | xelîl


    hikikomori

    1. navê nexweşiyek e ku japonan bi nav kirine.

    wateya wê ya ferhengî "xwe ber bi hundir ve kişandin, xwe hepskirin" e.

    ji bo rewş an jî nexweşiya ew kesên ku (piranî ciwanên nûgihayî) xwe ji jiyana sosyal û mirov bi dûr dixin û gelek caran tenê di odeya xwe de jiyana xwe derbas dikin tê gotin.

    li gorî wezareta tendûristiyê ya japonyayê ew nexweşî ye ku nexweş derketina ji malê qebûl nakin û herî kêm 6 mehan gavek ji mala xwe dernakevin.



    bi qasê tê zanîn vêga li japonyayê hejmara van nexweşan bi qasê 700.000 e lê tê texmînkirin ku ji vê jî zêdetir e û nêzikî 1.5 milyon e.

    jenerasyona ewil van nexweşan niha nêzikî 40 salî ne û ev 20 sal in wisa ne. di salên 2030î de wê ev kes bibin 60î salî û wê dê û bavên wan hêdî hêdî bimirin. ji ber vê yekê wê demê wê problemên mezin derkevin ji ber ku wê bêxwedî bimînin. ji vê problemê re "problema 2030an" tê gotin



    2015.08.30-15:26 | simurg56


    bob dylan

    2. kilama wî ya bi navê "one more cup of coffe" bi rastî jî pirr xwes e...



    2013.08.09-22:41 | felek


    filîtê quto

    2. Reşkotî ye, Kurrê Quto yê duduwa ye. Binyata mala Quto, Ji rexê Hekarîya hatine û dighê mala Ferhoyê 'Uzêr Axa. Ji êlên Kurdîstanê yên navdar, ji "Heft BavêSîna" ne. Felît, weke êl ('eşîr), Reşkotîye û weke malbat, ji Pîroka (Piroya) ye. Dostê min î hêja, Ahmet Aydin di nameya xwe de van agahdariyan dide: Husênê kurrê Hesenê Felîtê Quto ku temenê wî li dor 90 salan bû, di sala 1960'an de, bi hev re rûniştine. Di wê rûniştinê de Husên bi devê xwe, li ser bapîrê xwe dipeyive. Dibêje: Serpêhatîya bapîrê min bi du awayan tê gotin. Ya yekê, bi awayê ku em dizanin û di nav herêmê de tê gotin ku di bawerîya min de a rast eve:

    - Kalkê min Felît, mêrxasekî hezjixwekirî û navdar bû. Dilê wî di keçekê de hebû. Ew û peyayekî xwe Suryanî (filleh), berbi gundê dergîstîya xwe bi rê de diçûn. Peyayê wî ji Felît re dibêje;

    -Li Kanîya Baderesê, karwanê Etmaniya li ser kanîyê danîne, sîlahên baş li ba wan hen in. Belkî em tivingeke baş ji te re ji wan bistînin û bi tivingeke rind em herin ba hezkiriya te.

    Felît, gotiye:

    - Em herin.

    Gava gîhaştine ba Kanîya Baderesê, rastî karwên hatine. Birastî çekên baş, hêja bi karwanê Etmanîya re hebûne. Felît ji yekî tivinga destê wî xwestiye da ji bo kirrînê, lê binêre. Xwediyê tivingê, ji ber ku xerîbê herêmê bûye, bawerî bi Felît neanîye û gotîyê;

    -Merev sîleha destê xwe nade destê nenasa.

    Felît qeherîye, gotiye;

    - Bi zorê be jî, ezê ji te bistînim.

    Mêrik:

    -Ev tiving wê bibe qelenê(nexdê) dîya te!

    Bi van devjengîyan, gotinên wan bi serê hevûdu de neçûye, gotinek ji wî, yek ji yê din, şer dest pê kiriye. Etmanî dişkên. Hem şer dikin û hem berê xwe ber bi welatê (eşîra) xwe vedikin û karwanê xwe dajon. Şer ji Kanîya Baderesê dest pê dike heta ziyareta Şêxê Vindê-navbera wan 10- 15 km ye-didomîne. Dîsa li gora nameya Ahmed Aydin, ji 120 kesên Etmanîyan bi tenê Mahmê Elîyê Etmên sax dimîne, darê xwe datîne, dest ji ber xwe berdide, xwe dispêre Felît. Felît dighê ba wî, dibêje;

    -Te dît, tu bû sebebê evqas însanan. Ma rast bû, te weha kir? De ka wê tivingê bide min!.

    Gava Felît destê xwe dirêjî tivingê dike, Mahme Elîyê Etman nigê tivingê dikşîne, Felît birîndar dibe. Felît li zîyareta Şêxê Vindê birîndar dibe, lê bi saxî wî tînin gundê Taharîyê. Li ber sîdana dara tûyê can dide.



    Awayê duduyan, bûye weke efsaneyekê ku bêtir li derveyî herêmê deng vedaye, kesên ku yek bihîstîye, dehên din bi ser vekirîye, belav bûye, ew jî ev

    e:

    Felît mêrxas û mezinekî êla Reşkota ye. Di zarotîya xwe de sêwî maye, dîya wî Şemê ew xwedî kirîye. Dema destê wî dar digre, yanî dibe zilam, doza mezinaya Reşkotan dike û mezinaya Reşkotan bi darê zorê digre destê xwe. Koçer û karwanên di nav axa Reşkotan re derbasdibûn, baca rê, xûkîtîya çêrê didane Felît. Gava karwan ji alîyê Silîva dihatin, li Deşta Silîva, liKanîgulanê diçû pêşîya wan, yan peyeyên xwe rêdikirin, baca xwe ji wan distend. Yan koçer ji Zozanan, ji Bîngolê, Şerefdînê, ber bi Qerejdax û berrîyê ve pezên xwe tevgel dikirin û koçemal berjêr dibûn, di nav kîjan êlê re derbas dibûn hesabê çêra pezên xwe dikirin û heqê erdê, baca rê didane wan. Her weha gava di nav Reşkotan re derbasdibûn-ku rîya wan, bibê nebê di wir re bû- xûkîtîya rê, çêrê ya Reşkotan, didane Felît. Etmanî, êleke bi xwe bawer in. Li pişta Bayqanê li dora Xîzana Bedlîsê cîwar in. Karwanê Etmanîyan, li xwe danaynin bac û xûkîtîyê bidin kesî, tew kurrê jinebîyekê (Felîtê Quto), gava xûkîtîyê ji wan bixwe, serhevdîyeke gelek mezin e. Li ser baca rê şerê wan dest pê dike.



    ''Filît lawo, maman î xweş maman î

    Nebxêr, nizanim çi karwan bû hate bi giranî

    Mi dî bavê Hesen çend peyayên Reşkota bi xwe re hilanî

    Xwe berda pêşîya Mamê Etman, vî karwanî

    Go: -Lawo, ka baca te ji min re anî?

    Mamê Etman digo:- Filît lawo

    Em karwan in, karwançî ne,

    Lawo, em xerîb in, em rêwî ne.

    Filît digo:- Ez bi enîya bavê xwe kim,

    Ezê tivinga pîkê te ji te bistînim.

    Mamê Etma digo:- Ez ê tivingê bi te dim,

    Ezê dîya teya Şemê ji yextyarê bavê xwe re bînim.

    Mamê Etman derbek berda bejn û bala bavê Hesen

    Di zincîra seetê re lê dixîne

    Roka me hilatî ji aliyê Bota

    Şewq û şemala xwe da bejn û bala bavê Hesên

    Her çar peyên me Reşkota.

    Xwezî Mamê Etman biçûya cî-warê xwe,

    Li ser kurrê min, li gor şîr û bextê xwe bigota.

    Roka me hilatî ji alî Silîva,

    Şewq û şemala xwe da peyayên Reşkota, van tivingên toqezîva.

    Mamê Etman derbek berda kurrê mi rebenê,

    Serê wî birrî ji balîf û nazbalîfa.

    Filît lawo, Maman î xweş Maman î

    Mi kes nedî, nala Mamê Etman

    Li welatê xerîb, şer dikir, mêr dikuşt û dest hilanî

    Bira diya wî bi tenê, bê:- Mi çog da erdê, lawek anî

    Çawa çira mala Quto vemir an, konê me datanî ...''



    Felît û dîya xwe li gundê Baderesê rûdiniştin. Gundê Baderesê di qontara Çîyayê Qêre di tixûbê Reşkotan û Sînkîyan de ye. Kanîya Baderesê di guhereke pirr mezin de wek ava aşekî ji binê tahtekê derdikeve, di biniya wê re darên fêkî, bax û bîstan in (Di vê dema dawîyê de Hecî Nûrîyê mala Nêsir xanîyek li ser vê mêrgê ava kiriye, bi cîran û derûdora xwe bûye şênîyekî gelek xweş).



    2013.07.28-06:04 | endazer


    wehdet el wicûd

    1. yekîtiya wicûd an jî weke yekîtiya laş û beden jî mirov dikare bide naskirin. meşreb û teoriyeke seyr û silûkê ya dînê îslamê ye. li gor vê meşrebê tiştên heyî olan û eksa xwedê ne anku her tişt ji xwedê ye û ji xwedê pe ve tu tişt tune ye. peyrevên vê meşrebê ji bo ku xwe bigihîjînin jiyana bêdawî divê berî ku bimirin xwe li dinyayê bikujin. lê kuştinek çawa? yanî ji daxwaz û xwestekên dinyayê yên fanî û bidawî borîn. xwe di nav xwe de kuştin û din nav xwedê de vejandin, bêdawîkirin. bi gotineke din neyina xwe pejirandin û tenê heyina xwedê qebûl kirin. di teoriyê de jê re dibêjin fenafillah. herwekî yek ji peyrevên vê meşrebê melayê cizirî di beyteke xwe wiha gotiye.

    ...

    da weqtê lîqayê bi te hey bin di beqayê

    min neqdê dil û can di fenayê bi selem da

    ...

    pêşî ez bêjim ku şirovekirina vê malikê zêdê serê bavê min e. yanî mijara ku mirov dikare li ser pirtûkekê binivîse mela di beytekê de vegotiye. mela dibêje :

    min di wextê neyîna xwe de (mela jiyana xwe ya dinyayê weke neyinê dihesibîne.) yanî li dinyayê can û dilê xwe, da ku tê de bivejim û bêdawî bibim, wekî bihayê ji bo dema hevDîtina yara xwe, pêşin da.



    pergalîzeker û berdevkê vê meşreba bêserûber muhîdînê ibnê erebî ye. navê wehdet el wicûdê şagirtê wî Yê bi nAvê sedredînê konevî lê kiriye. digel bi dehan pirtûk nivisîbe jî fikrên ibnî erebî yên derbarê teoriyê de bêtir di pirtûka wî ya bi navê fûsûsil hîkem yanî dend û navika hîkmetan de ne.



    piştî tecrebuya bi salan dikarim ji we re bibêjim ku pozê xwe bê tedbîr û emel nexin nava vê meşrebê an na hun ê jî weke min dîn bibin. berî ku ez tam dîn bibim min go xwedê tu mezin î ez nezan im, tobe dikim an na ez ê li van çol û beyaran ji rê derêm. ez dibêm qey xwedê li min hate rehmê û di kêliya dawî ez hinek bi dûr xistim. hetta ku mele seîdê kurdî jî gotiye xwe jê dûr bidin. bi ya min jî herçend hêmanên rastîn jî di nav xwe de bihewîne, îhtîmala wê ya xelet fehmkirinê zêdetir e. yanî di vî zemanê de ihtiyac bi tiştê wilo tune. kesê ku dixwaze bibe ewliya û li erd û esmana bifire pirtûkên seîdê kurdî jê re bes in.



    2014.01.03-00:58 | ceso


    dengdanên dawîn (Yên Din..)
    nifirên me [1]
    "heyla tu şeqa şeqa gunikan li ser quzê xwe nebînî"...
    zêdebûna eleqeya ji bo kurdî piştî zêdebûna zextên tirkiyê [2]
    Geşbûneke zimanî, çandî û hunerî yan van salên dawî ne. Li gelek wela...
    pirtukakurdi.com [1]
    Sala 2019
    - 51.620 pîrtûk firotine. Nexirab e...
    [1]
    Ev peyv ji bo bûka nû Zewicî ye û 15- 20 roj şûnde bo serdanê dihere m...
    kurê min were em ê te ra yeke sergirtî, xayî eşîr, qur'anxûn, ehilnamûs bixazin, xwe ra bizewice, xwe bide ber mala xwe [1]
    Ne diya min lê dapîra min hertim dibêje wê hevokê.* Dibêm dapîr ez...
    belki ev jî bala te bikişînin

    Kategoriyên mijarê::

    sitemap
    reklamokên beredayî