1. navê straneke dengbêjî ye.
gele ciyan de navê wê wek qasimê meyro ye.
zehv dengbêj û stranbêja xandiye lê bi ya min ti kesî wek delîl dîlanar xaş negotiye.
eva çend roj e ez li kar, li malê, li sûkê, rê de.. li her derî gûhdar dikim.

lê ez hîkaya wê nizanim. yê ku zanin di vir de me re bêjin ez ê pir bextewar bim.

gotinên wê hemû jî xaş in lê ya ku zêdetirîn bala min kişandiye ev e:
qasimo lo heyla lo lewo bihara vî welatî çiqa zû tê dêran im lo lawo bihara vî welatî çiqa zû tê ye.

bi dengê delîl can:


vîdyoyê veke

2. Nimûneyeke baş e ji bo nîşandana ferqa di navbera dengbêjiya Botan/Behdînan û Serhedê de. Hema bêje hemû stranbêjên klasîk ên kurd dengê xwe li vê stranê germ kirine. Seîd axayê Cizirî, Mihemed Arif Cizrawî, Mihemed Şêxo, miradê kinê.
Albûmek heye bi navê give me love: songs of the brokenhearted - baghdad, 1925-1929 (hej min bike: stranên dilşikestiyan) sala 2008ê li londona paytextê Brîtanyayê derçûye. Ji stranên stranbêjên radyoya Bexdayê yên di navbera salên 1925-1929an pêk tên. Albûm ji 22 stranan pêk tê û ji wan dido jê bi kurdî ne. Yek ji wan stranan jî strana Qasimê Meyro ye, û yê dibêje jî seîd el kurdî ye belê we rast tê lêda, Seîd el kurdî jî, Seîd axayê Cizîrî bi xwe ye. ;)
Niha li ser înternetê lê rast hatim rêzefîlmekê Tirkan ya bi navê sifir bîr remîksa vê stranê çêkiriye û di rêzefîlmê de bikar aniye. Û bi vî awayî mixabin stran li nav Tirkan jî popûler bûye.
Bûyer û serpêhatiya stranê jî, serekê nijdevanan (talanker) kozik û kemînan li dora Qasimê Meyro digirin û derba mirinê lê dixin. Yê stranbêj jî ji devê hejêkiriyeke jin yê qasimê Meyro ( dê an dergistî) davêje ser mirina trajîk ya Qasimê Meyro û kezeba mirov li ser tîne xwar.