1. xizmeta epeyamên şîfrekirî ya ser bi ser e. ev tê vê maneyê ku e-nameyên bikarhêneran tenê ji aliyê wan ve tên vekirin û xwendin. xizmet ti agahiyên e-peyamê venaşêre ji xêncî navnîşana e-nameyên bikarhêneran û tarîxên şandin û wergirtinan pê ve. heke yek e-peyama xwe bêyî şîfrekirinê bişîne, wê demê e-peyam tenê di rajekarên tutanotayê de tên şîfrekirin da ku ti agahî li wir nemîne û ji wir jî bêyî şîfrekirî tên şandin xwediyê wergirtinê. dozgehekê almanyayê ji wan derheqê bikarhênerin wan agahî standiye lê wan ji xêncî agahiyên tarîxê ti tişt nedane û gotine li cem me jî tune ye. xizmet bêyî nîşandana sebebekê ji aliyê misir û rûsyayê ve hatiye astengkirin. ku mirov texmîn dike ji ber çi...

(bnr: şîfrekirina ser bi ser)

2. ji aliyê bîrdankê ve tutanota ji guhertoya bêpereya protonmailê baştir e ku tn 1gb, pm 500mb dide bikarhêneran. lê tê de tiştê ku jê ne razî me, jêbirina gelek ename tune ye (li ser sermaseyê). divê tu yek bi yek jê bibî. îja di rojekê de dehan ename ji ajimêrên min malperên din tên. ji bo rê li ber hemaltiyê bigirim, min agahdariyên hinin malper girtin wekî twitter. lê bi vê rewşa xwe jî sivikahî ne pir xuyabar e. hêviya min ew e ku di bilindkirinên din de çareyekê biafirînin. ev ne daxwazekê mezin e.

her wiha hefteya çûyî, tn rajegira sermaseyê jî weşand. lê ji ber hişkalavên kombersa min, tu daxwaza min tune ye bo ceribandinê. gerok bo vê bes e.