1. Ev peyv jî li ber windabûnê ye. Wateya wê “civîn”, “kom bûn” û “rêzbûn”e. Berê dema leşkeran diavête ser gundan û ji gundiyan dixwestin ku li derekê kom bibin û rêz bibin, wê demê gundiyan di nav xwe de holê digotin: “Oxilme heye, oxilme…” Ev peyva hanê di dîwana Mewlana Şêx Ehmedê Cizîrî de jî bi heman wateyê derbas dibe.



“Kî dizanit min ji rimbazan dema oxilme tên

Têne dil sed rim ji wan û sîne tênê sed cerîd”



Yanî Dema rimavêj xwe dikin rêz û bi sedan riman diavêjin dilê min û singê min jî ji wan riman re bûbe armanc yê rewşa min ya hingê bizane kî ye?

2. (bnr: erebê şemo) di romana xwe ya bi navê dimdimê de wiha lê kiriye: "vî mêrî gelek rojên oxirmeyên giran derbas kiriye"

3. helbet êdî peyveke kurdî ye. belam di etîmolojiya xwe de tirlîesil e ji gotina "(bnr: yoklama) dihê.

bi giştî tîpa "y" ji pêşiya peyvên tirkî dikeve gava dikeve kurdî.

çend mînak:

ol: ku ji peyva yol hatiye û ew jî di çend dîwanên kevin de hatiye bikarhanîn

orxan an organ ku li herêmin wek meletî, dîlok, semsûr û efrînê dihê gotin

belam peyva ku di romana dimdimê de bi du îhtîmalan dikare were pêşberî me.

1. ku "r" û "l" hatibin veguheztin ku di gelek peyvên kurdî de dibe wek: (bnr: pel), (bnr: per)

2. ku ji reh û kokeke dî be.

lê wateya ku mela û ereb şemoyî tê de gotiye ne wek ya gundiyan digot

lê ya mela di wateya şer û cengê de ye

ya erebê şemoyî di wateya bêtar, bela, bobelatê de ye.