Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    3 mijar û 3 peyam
    serbazo - tirşik
    serbazo
    (1) (0) (3)
    di mijarê de bigere

    1. navê helbesta jan dostî ye

    ji bo uğur kaymaz û zarokên din ên kurdistanê...

    bi dengê xwe yê xweş û rewan jî xwendiye.

    dilê meriv ji kevirê piçek jî nermtir be, nema xwe radigire ku negirî

    kerem bikin














    2015.01.26-21:25 | ferhenga şikestî

    2. helbesta wî nivîskariye ku li gorî gotegotan dev ji kurdî berdaye ye. Lê bi rastî jî helbesta wî xweş e û hêsên kurdan tîne ziman. siheta wî xweş be. vegere kurdî jî wê hîn xweştir bibe.



    2015.01.27-20:44 | berxweda

    3. Jan Dost - Serbazo












    "Ji bo bîranîna Ugur Kaymaz û zarokên kurdistanê ên hîn şehîd nebûyî"
    Jan Dost

    Lê bide serbazo
    Li vê sîngê li hêla çepê
    Li vî dilî bide serbazo
    Ev dilê ku bi Kurdî dike gupegup û
    Tenê li ber awazê gulleyan dîlanê dike
    Tivinga xwe rastî sînga min ya bê mû bike
    Û mêranîya xwe şanî vê cîhana devlal bike
    Ev dilê ku bi kurdî dike gupegup û xwîneke koçer tê de dikele
    Ev dil…. dilê min e

    Sêva jiyana min e ew, parçe parçe bike
    Bila diya min bigirî,

    bila diya te jî serbilind bibêje Ben bir Kahraman dogurdum.
    Lê bide serbazo
    Bêtirs û bêfedî

    ev dil pezekî kovie nabe kedî

    bêxwediye bêxwedî

    lê bide serbazê har

    gunehkar e ev dil gunehkaaaaar

    ew ji bedena Amedê hez dike
    Ji kolanên wê yên ku bi şev bîna stêrikan ji wan difûre
    Ji stêrikên ku şahidên mirina Şêx Seîd
    Û vêketina giyanê Mezlûm bûn,
    ji mestbûan daran di hemêza Dîcle de hez dike ev dil
    Ev dil, evîndarê toza li pê lingên bêrîvanan yên qelişî ye
    Ev dil dilekî amedî ye serbazo

    De lê bide zû
    Tivinga xwe rastî vî beytikê netebitî bike
    ku azadiyê mîna danên genim dixwaze nikil bike
    Qederê xefkên xwe yên nedîtî li ber vedane,

    Lê kî dikare beytikekî amedî ji xefka ku azadî daneya wê ye dûr bixîne

    De serbazo de

    Dudiliyê nîş an nede

    nîşana xwe baş bigire
    Û wî çûkî ji dan dûr birevîne
    Eger tu dikarî

    Eger tu mêr î

    Eger tu diwêrî

    ***

    Ev dil serxweş e serbazo
    Kolanên Amedê
    Pêlên Dîcle û spîndaran

    Xirecira sikakên teng û mişt ji jiyan û sawîran

    Siya mizgeft û dêran

    Ew dîn kirine

    Mîna hespekî kihêl ew zîn kirine

    U berdane çolan
    De wî li hişê wî vegerîne
    Lê bide bêtirs û bêpirs
    Ma wê kî xwîna zarokekî
    Ji Amedê ji te bipirse

    Wê kî hesabê xwîna beytikekî kurmancan bi tere bibîne ey serbazê baz?
    Lê bide bi cesareta kalikên xwe
    Yên ku birayên xwe di pêçekan de dixeniqandin
    Bi hêrsa Atilla
    Û hovîtiya siltanan
    Fedî neke
    Ev zarokê li hemberî te
    Zarokekî kurd e
    Amedî ye
    çarde havînan rûyê wî qemirandî ne

    çarde buharan dilê wî
    Di bêhna qerenfilan de definandine

    çarde zivistanan kenê wî bi berfê şuştine

    çarde payîzan xeyalê wî mîna behîvên ter li ser agirê xezaman biriştine


    Lê bide û hîîîîç netirse
    ma wê kî bibêje te:
    Ew zarokek bû
    têr lîstik nebûbû

    Yareke çavxezal nehebandibû
    Ew hîn nebişkivîbû û hîn
    Nizanîbû qurşîn çawa dilan qul dike

    Evîn çawa dilan kul dike

    Wî hîn

    Nizanîbû çiye evîn

    Çêja ramûsanên bidizî, li nav zadan û di siya darên çinarê de nedîbû vî dilê dîn

    ***
    Lê bide serbazo
    Ev dilê min e

    Gunehkar e gunehkar
    Her bi kurdî lêdide û
    Ji sûrên Amedê hez dike
    Ji kevokên mizgefta mezin û simîda li ser serê zarokan
    Ji siya berêvarê ya diêêêêêj wekî nalînên dayikan hez dike

    Ji qutîkên gulên mihemedî li ser kevîkên pencere û şibakan

    Ji pevçûnên biçûk li koşe û serê zikakan

    Ji bayê hênik ê di hêwana migefta Behram paşa de hez dike

    Ji ronahiya qendîlên şeva cejna qurbanê û gurrîna agirê newrozê hez dike
    Ji tavên biharê

    Ji bejna adarê û ji şingeşinga zengilê beranên qer bêrêvarê
    û ji kêlegorên ku bi hêsirên dayikan têne şûştin
    Di sibehên cejnan de

    Hez dike ev dil

    Serbazo
    Ne tenê guleyekê ne jî diduyan
    Lê li dû hev bireşîne guleyan û wî dilî mîna kevokekê di sînga min de biterqîne
    Li ser şaxên
    Evîna vî welatî her û her veniştî ye ew
    De wî bifrîne
    Dewrêşekî Qadiriyan e ev dil
    bi Cezbe ya azadiyê ketiye
    Diheje

    Xwe li ba dike
    Xwe li parsûyan dide
    û tê ku ji sînga min bipeke

    De fermo serbazo

    Pêçiya xwe ji ser tetikê raneke

    Dudilî nebe

    Li benda te me

    Amedî me

    Amade me


    Jan Dost



    2017.05.29-14:05 | xendekî

    dengdanên dawîn (Yên Din..)
    kajav [1]
    Bi têbinî û pênaseyên di bin nivîsê xwe de gelek bala min kişandiye û ...
    zaf [1]
    Peyveke dimilkî ye. (bnr: zehf) (bnr: pir)...
    nenge [1]
    Nenge (m) Bi dimilkî (zazakî) dijûn Nîşe: Nenge (m) çekuye...
    her lajê herî [1]
    Zafî miletan de na nenge esta. Zaravayanê Kurdkî ra bitewşi heta ziwan...
    ezxeyic [1]
    Ez xeyic bûye endamê ferhenga tirşikê pîroz be dotmira kurdan ...
    belki ev jî bala te bikişînin
    » serbazo

    Kategoriyên mijarê:: kurdukurdi wejehlbst
    nivîskarên ku li vê mijarê nivîsîne


    sitemap
    reklamokên beredayî