1. navê straneke koma ferec e;



Berika min ku ne xir û xalî

Caran têr dixwim caran jî birçî

Min ne xem e ji ber cilên qirêjî

Bawer im nêzik e serbilindî û xweşî



Min ne pere ye rêya te da bikim gul

Ne jî zêr serê te da bikim gure gur

Ez hez dikim ez û tu hev re bibin dost

Dê keçê maçekê bide vî rebenê hûr



Keçên delal por reş û sor û zer

Pir ciwan derkevtine li her der

Car car bi wan li kolanan dikim şer

Çi jiyane mirate tê da bûme ker



Eve çi dikin şev û roj digerin

Yên xayîn serbilind yên dî bindest in

Hebûna me çûye binê zindaneke kûr

Hêvî dikim me jî bibîne rojekê dor



Dor dor dor

Dê rêve here pêya



Wekî fesat li dev me xwe dikin jar

Wekî ji dev me diçin ji dijmin re dikin kar

Çawêt wan birijin nabînin ser pişta me jop û dar

Ji ber wan bindest ketin jin û mêr û zar



Bila rondikên me zuwa bin dilê me hînî

Xelas bit biçit ser serê me zordarî

Xayiniyê nezaniyê bikene darbestekê tarî

Pêhnekê lê bidin bila biçine bin tepkê rûvî



Bila serbest bit herkes di nîveka şevê

Bigerit dol û nihal û çiya xezal bit ji revê

Ew roj neyêt zarokên me bêjin hebûna me kanê

Li her deran bilindkin navê xwe û jiyanê



Jiyanê jiyanê jiyanê

Dê rêve here peya



(Gotin û Mûzîk: Reh Fuat / Erkan Baran)

2. heyat, biçek ruhê şirîn ku xwudê ji kehnî û kerema xwe berdaye ser can û cesedê me jîndar û giyaneweran..

3. bi piranî ji nav ran û teşkên jinê dizê..

4. û navê yek ji xweştirîn û resentirîn stranbêja kurd e..

albûmeka wê heye an na nizanim lê stranên seîd yusiv yên wekê can da, xwe veneşêre kubar, koçan bar kir welê xweş dibêje ku dema mirov guhdarî dike mirov xweziya xwe bi dengê wê tÎne..

5. naveke kurdî yê unîseks e, yani hem li kuran û hem li keçan tê kirin.. wek;

-jiyan, kurê min ka were van çend mişaran ji min re merr bide ka xêra xwe..

-jiyan, keça min ka rabe niha hevîr tirş bûye girikan deyne ez jî herim tenÛrê dadim de hêj nebûyî şev û tarî neketî erdê em nanê xwe çêkin heyna em nikarin xwe ji xezeba bavê te bidin aliyekî..

6. weke avê ye. çawa masî di nava avê de dijîn lê jê hay nabin, wisa jî mirov di nava jiyînê de ne lêbelê jê hay nabin. piştî ku mirin hingê ji avê derdikevin. lê ji çi re?

7. jiyan mûcîzeyek mezine, bi çayê xweş dibe, bi evînê carê tarî dibe carê ronahî dibe ji bo mirovekî şensekî pir bi qimete divê mirov qîmetê jiyanê dizanibe

8. bila bibore mirin paqijîye. bingeha mirov e,

9. dema mirov nexweş dikeve û paşê baş dibe ditahmijiyê, xwe lê xweş dike.. dema mirov dil dikeve û pê re mirad û meqsedên wî di dil de dimînin jê sar dibe û bi dûr dikeve.. filan..

10. lı profesoré zoolojiyé dıbéjın perperok rojeki tené jiyané dıbinin u paşé dımre.nızanım gelo raste yan neraste :/

11. stranbejek kurd e. dengewÎ jÎ gelek xweş e. xanimekÎ hejaye.



çend dekke bere strana wÎ canda radyoya tirşikÊ derket Û hat bÎramin zaningehÊ me çiqas zef wÎ xanie guhdar dikim. her wiha gelek heval aşiqe bejna wi Û lexistinÊ sazÊ wi bubu.

12. carina diyarîya xwedê ye carina jî cezaya wî.

erê "wî". ma me wê li vir jî bigota wî/wê???

14. rêzeya belgefîlmek e ku trt kurdi diweşîne. bi rastî jî belgefîlmek pir xweş e. her wiha tirkiya vê belgefîlmê ji aliyê tuncel kurtîz ve hatiye zarve kirin.

15. pir dişibe wê sibehê ku piştî şeva ku tê de şûşeyek şerab hatî vexwarin tê...

16. Her ku jiyanê û însanan nas dikim bêtir bêedeb dibim. fikrên durû, gotinên kêm'eyar, xweziyên menfîetperest û xweperestiyên xwedêgiravî civakperestî, ehmeqên ku nizanin ehmeq in û olên zingarbûyî, hestên demborî û fanî, faniyên bêdawîxwez û kerên dupê... Eger ku hebe xwedê qira we bîne!

17. jiyan wisa bi lez bûye ku êdî mirov ji bêsebrî carnan beyî ku hay ji xwe hebe dixwaze weşana zindî ya televizyonan jî pêş ve bidiyê.

18. Navê birê min e. Navek xweş e û li wî tê. Bawer nakim ku li min bihata ev nav. *

19. tiştekî ecêb e. bi çend sal e, bi qasî emrê min, ez tê da me, wekî ku di girtîgehê da me. pir caran jê aciz bûme. bihar tê, bihar gişt wekhev in. zivistan û payîz û havîn, gişt wekhev in...

havînên berê, berî deh-panzdeh salan, xweş bûn. îro, êdî havîn jî, bihar jî ne besê min e. ez wer dibihîsim ku pir tişt ji min çûye. min pir tiştên xweşik dîtîye. şikir ji xwedê ra. û êşên giran jî min kişandîye. xwedê yên xirabtir nede! êdî ferqa salan ji salên din ji min ra tuneye. li warê astronomîyê em lê binêrin çi diqewime... dinya dizivîre, li derdora rojê, diçe û tê. salê tûrekî diavêje. min sih zêdetir tûr avêtîye li derdora rojê. tiştekî xam tuneye. dihere û tê. demsal diçin û vedigerin. ez li vir çi dikim? ne tiştek. jiyan ji min ra wekî girtîgehekê ye. pir caran wer dibihîsim.

20. Pir xerîb e, zehv bi êş e lê zor xweş e jî..
carinan bi keşmekêş e, bi hêsîr e ji dil dirije
carinan xweşî û şayî û bi coşî ye li ser ewrên esman e dipije..
hezar kul û derd tê da hene lê
hezar asêgeh hezar hezar dergeh lê hene.

her darek her çivîkek her beşerek bi xweliya xwe va dihewe li ser koka xwe şax dide dibe kokşaxî belav dibe.

him jî firaqetîya piştî tengasiyê ye.
carinan gumgumokek e li ser çeqilê darekî reng degiş dike.

him bextewariya di dilekî germ de ye him jî cehnema di dilekî sar da ye.

Carinan tu li kalî bajoyî li walî ye
Carna jî ew te nav girtîgehên asê da dajo dajo heftê heft ecdadê te li dûwelan digerîne.

Paşê dibe vîrûsekî dikeve gewriya her kesî.
derbas dibe diçe gellekan bi xwe ra dibe.

ew jinik îro ya te ye sibê ya yekî din
ew mêrik îro stûna mala te ye sibê bejinşirînê yeke din.
ev muzîk îro kêfê dide te sibê xemgînîyê.
dilek îro ji te ra buhişt e sibê dojeh.

heta tu ji xwe dihesî wext dibe dujminê te.
tu jî xilas dibî diçî.

jêrenivîs
Kalî : li kû alîyî
Walî : li wî alîyî

(bnr: devoka serhedê)

21. Dema ku ji dayikbûnê heya mirinê ye. Parçeyek ji temenê gerdûnê ye ku her kesek ya xwe dibuhurîne. Bi Hezara cûreyên wê hene lê ya ku jê hez dikim jiyana bindestî ye. Lê belê ne bindestiya ku têk diçe, ew bindestiya ku giştî gel li hemberê wê dertê û paşê desthilata xwe bidest dixe ye ya ku jê hez dikim. Ji ber ku bindestê armancekê dide mirov, hêza tekoşînê di mirovan de diafirîne.

Ger bindestî tunebûna dê ehmedê xanî bi rista " bila xelk nebêjin kurd bê esl û bê merîfet in" dest bi tekoşîna çandî nekira. Kesên li pey wî hatin jî heye ku vêya nedomandina. Heye ku minê ewqas ji zimanê xwe hez nekira, heta minê li tirşikê nenivîsandina an dê kesî tirşikê ava nekiribûna. Stranên me ne ewqas bi bandor bûna, menê halê feqîr, jar û bindesta nizanibûna..

Yanê bi rastî jî ev bindestî û zordarî hêza tekoşîn û armancekê dide mirov. Li hember tunebûn û tune hesibandinê mirov dixe nava tevger û hewldana ji bo gelê xwe. Lê belê ev yek li hemû kesa heman bandorê nake. Hin kesên ku li ber vê zext û zordariya xwe ranagrin û asîmîle jî dibin. Lê her çi jî bibe min jiyaneke azad ya bê ked hatiye dayîn, bi jiyaneke bi te`b û keda xwe bi zorê serbestî û azadî hatiye standin nedida...

22. bêgavî-mecburî 3 tişta hînî meriv dike:
jîyan ezmûnîye, tenê bi ezmûnîyan xerab û baş tê hînbûn.
jîyan yeke, herkes her candar tenê carek dijî û giringîya vê jî nexweşî û pîrbûnê da tê bîra mirov.
jîyan pirse, meriv piştê 10 deqqeyê xwe û 10 salê xwe nizane.

23. Girtîgeh e bo bindesta. Êdî li welatê xwe weke kurdekî nikarim bijîm. Li her derê zext, zordarî û dagirkerî heye. Bi zimanê xwe yê zikmakî nikarim pêdiviyê xwe yê rojane jî çareser bikim. Li her derê ala dagirkera weke şîşa sor di çavê min de radibe.

Êdî dikevim kîjan mal û kargehê bi tirkî tê axaftin. Her ku bi kurdî diaxivim bi tirkî bersiv distînim an yê din bi kurdî nizane. Carna difikirim gelo ez zêde kurdî ji xwe re dikim kul û derd? Gelo zêde te`dê li xwe dikim? Ma kurdî tev bi min daketiye? Qey ez bi tirkî nizanim? Lê ji aliyekî din ve jî dibêjim ev der welatê min e û ev ziman, zimanê dayikê ye. Eyb e ku ez bo pêdiviyên xwe yê sirûştî bi zimanekî biyanî biaxivim.

Ji xwe ala tirka, pir pir li ser difikirim. Çima ev ala biyanî ji aliyê gelê me ewqas tê hezkirin? Çima li hemû kargeha tê daliqandin. Ji xwe piştî avêtina qeyûma li ser şaredariyan, ji kolanan ev al kêm nebûye. Hama her hefte alên nû li kuçe û kolanan daliqînin. Em mebesta wan zanin lê mebesta gelê me çi ye? Carek mamosteyek hdpyî ji min re gotibû "pirsgirêka me bi vê alê re tune ye. Lewra ev al ya me hemuya ye. Pirsgirêka me bi vê sîstemê re heye!" Ma sîstem bi xwe ne ya vê alê ye?

Paşê min bihîst ku, ev kargehên rant a car, emlakçi ( bahîsçî) bo serdegirtinên polêsan ala tirka li dîwarên xwe dieliqînin.

24. Bi satilên xwe yê mişt ava sar û cemidî li ser rêyan sekinandiye û dema ku meriv qet napê bi ser meriv de dirijîne. Û meriv ji paş histûyê wî/wê heta gûzeka lingê wî/wê digirûzîne.