1. beşek ji beşên pisporiya bijişkiyê ye.

beşek zêde ne zehmet e. di 5-6 mehên ewil de em dikarin bibêjin ku %90ê pisporiyê tê hînbûn. 4 sal û nîvê din êdî dibe tecrûbe. di eslê xwe de navê wê yê rastîn anestezî û reanîmasyon e.

jiyana wan di emeliyatxaneyan de derbas dibe. reanîmasyona di navê wan de jî ji ber karê wan yê beşa unîteya çavdêriya domdar e. polîklînîka wan jî heye lê di vê polîklînîkê de tenê nexweşên ku wê emeliyat bibin, kontrol dikin û rîska wan ya standina anestezîyê dipîvin.



jixwe taybetiya mezin ya vê beşê jî ew e ku zêde têkiliya wan bi nexweşan re û bi mirovên wan re tune. nexweşên xelkê (yên beşên cerrahiyê) berî emeliyatê li polîklînîka xwe dibînin û tenê rîska wan dibêjin paşê di emeliyatê de wan radizînin û dema emeliyat xelas bû, nexweş şiyar dikin û teslîmî cerrahê wî/wê dikin û jê xelas dibin. loma serê wan rihet e.



lê ev nayê wê wateyê ku beşek beredayî ye. berevajî vê, beşek gelek krîtîk e. di emeliyatan de rola wan girîng e, xeletiyeke wan ya biçûk jî dikarin bibin sedema mirina nexweşekî. her wiha di unîteya çavdêriya domdar de jî lênêrîna wan dikare nexweşek ji destê azraîl xelas bike.