Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    14 mijar û 20 peyam
    helbestên favorî ên nivîskaran - tirşik
    helbestên favorî ên nivîskaran
    (10) (0) (16)
    di mijarê de bigere

    1. Delal



    Ku dil dîlber be lê xwe dîlber kî ye

    Eger dîlber dil be, lê navê dil çî ye

    Ez dil û dîlber tev lî hev dibînim

    Nizanim ku dil kî û dîlber kî ye



    Delal herdu çavê min qesrên te ne

    Nav herdu çavê min çîhê pîyên te ne

    Ditirsim tu bi xafil gav biavêjî

    Û bi mijangên min biêşin pîyên te





    Baba Tahirê Uryan



    2013.07.26-02:25 | brusk56

    2.

    Janya



    xwedê û wext xelet hatiye xetimkirin

    naqosên dêran kerr...

    minare kin...

    doktrînên dekolte lixwekirî evdal...

    sarincên ji baranên derengmayî, derengbarî hatibû

    damezrandin, bi derbeke neşterê ya dirinde, şolî bûne

    barûyên ji evînên nukleerî, di serdabên ji krîstalên rokoko

    hatibûn kemilandin qîtik qîtikî bûne, ji xewnên bêxwedî

    xeyîdîme, pekiyame û hatime janya, ji nalînên min re

    vokalîstiyê bike

    (ji qevmê pezkoviyan re xew heram e)









    peykerekî: antîk, derîzî û mîtolojîk im, nêm ji min dihere, li

    ezmanê hundirê min, qaqlîbaz firînên kamîkazeyî li dar

    dixin, kovanên genimî, li ber aşên êşan, kêliyekê jî aş nabin,

    aj nabin, hûr dibin û hey hûr dibin, ji elfabêtan tîpek kêm

    dibe ku dimirim, w... ey waweylê janya, kezeba min dike di

    devê min re derkeve ji qehra...







    çiqas êvarên şînboz bihurîn û çûn ji keştiya xeyalan

    çirûskeke serzer peya nebû, li peravên hestên min ên hestî û

    çermmayî, pêxemberekî sexte di nav kirasê xwe yê

    gewrîboz de, bi derewan be jî dest dirêjî min nekir, min

    venexwend cemeata xwe, ferîşteyeke fahîşe sing venekir,

    maran jî ez ji kom û refên xwe aferoz dikirim, bi qasî yez-

    danekî bêqûl tenê dimam, mezhebên şêx û mirîdên wê ez,

    min diafirand di çarmixan de, min her çavê xwe li destmal-

    ka bixwîn, ya destê weronîkayê digerand, bi îskeîskeke zen-

    garî, mîna guran tim dizûrriyam, hosteyê dînîtiyê mam,

    goştê hov ji te re ricifeke ruh divê,

    nêrîneke şêtiya şûran divê,

    ez heta qirikê binicihê tirbê

    ..............................hilnayêm janya

    ..............................hilnayêm porkurê

    ..............................di tirban de hilnayêm ha! ! !







    a li eniya te nivîsî ne ne qeder e, soneya serpêhatiya temenê

    min e, dengê min diêşe, welê bi sewteke berz û peritî min

    dilê xwe têr rehet nekir li qîrîniya navê te, çirreke şiîr

    didoşim ji hewraniyên sipîboz ji bona çivîkên çavên te xwezî

    janya min îmana te ya rewnaq bihewanda, xwezî berxê ji

    xeynî te pê ve, bi tu fikaran min tehma hişê xwe xera nekira,

    bêxem min tu li suqulîka xwe bikira û sûk bi sûk bigeren-

    da, di şaneşînên nêrgiz û nesrînan de, min devê te biki-

    ra zîndana zimanê xwe

    lê xwedê û wext xelet hatiye xetimkirin

    ez hêmayeke heyama hewaran,

    di herban de nîşangeha riman

    serî gog, çav xar, zikçirîyayî



    RÊNAS JİYAN



    2013.07.26-03:59 | serhed7

    3. çîroka kûçikên birçî-



    bê welat jî mirov dikare bijî

    mîna kûçikan

    mîna kûçikên bêxwedî jî

    dinya welatê min e

    mirov dikare bêje

    mîna utopîstan

    mina kûçikên utopîst

    lê dema ku tu di ber kê re derbas bibî

    pehîna xwe li te dide

    biçî kû, herkes kûçikê xwe berra te bide

    him tukes bêxwedîtiya te qebûl neke

    him tukes li te xwedî dernekeve Û li seranserî cîhanê

    hestiyên berateyeke bêxwedî jî tune be ku tu bikojî

    wê demê belkî xwediyek û welatek ji te ra lazim be

    ji bo ku tu kûçikyiya xwe bijî!



    helbestvan: ferîd xan



    têbinî:bi riya tirşik-ê ya ku ev helbest demeke zor û dijwar de ji min re şand û dilê min şad kir re jî spasiyên taybet.



    2013.07.26-10:57 | bazirgan

    4. serî de dixwazim ji her kesî lêborîna xwe bixwazim û dizwazim jî.*, ji ber ku ev helbesta ku yek hevalê min, ji min re şandiye bi zimanê tirkî ye û dû re kerem kin helbest ;



    "molotof başimda duman

    ilk mitingim, ilk heyecan

    kovaladikça kaçan

    tirko polisi misin "



    2013.11.06-20:03 | brusk56

    5. BILBILÊ DILŞADÎ



    Ey bilbilê dilşadî hela , wer bike fîxan

    Derdê me girane ey bira , birîna me kûr e



    Gorî te bitin cerg û dil û mêlak ê hem can

    Dengê te ye xweştir , ji ney û nay û bilûrê



    Sê hawe te deng , yek ji sira bayê siba ye

    Hawayê dî ji dengê xuşîna dehl û reza ye



    Hawê sisîya ji bihna şemamok û gula ye

    Lewra ku li dinyê tu bi nav û tu meşûr e



    Karwanê me va bi rê ketî , lê şevreş û tarî

    Serma ye terez kulyên di berfê her dibarî



    Bahoz e çelapek têne me , ji her çar kenarî

    Warê me welat e ey heval , rêça me dûr e



    Çar hawîr me diz û keleş in , têk dane dijmin

    Me ji hev radiqetînin bir bi bir , heyf û mixa bin



    Qet çarew umîda me nema ye bilbilê min

    Meydan e ji bo hirç û çeqel , gur zûre zûr e



    Meydane ji bo hirç û çeqel , rovî û keftar

    Gorî te bim bilbil , ji serê darê tu wer xwar



    Da pêk ve mijûl bim , bi xwe çend rojên di dijwar

    Îro li me ferman e , li ser gerdenê şûr e



    Destê tewqeyê îro ku em herdu bidin hev

    Çend sal û zemanên di xerab jîn em di gel hev



    Dinya bi xwe dewran e , bizan geh roj e , geh şev

    Geh tarî û dûman e û geh rewşen û nûr e



    Dîna xwe bide nik bayê barîn ey birader

    Sitêra sibê îro ji şerqê li me da der



    Rewşen kirî Kurdistan ,bi carek wê seraser

    Nîşana sibê ye , fereca xêrê ne dûr e



    Piştê wê sitêrê bi xwe berbanga sibê ye

    Wê roj hilê rohnî têkeve şûna şevê ye



    Karwanê me wê bighêje war û meqsedê ye

    Çerxa felekê herdem bi fetl û ger û dewr e



    Çexa felekê herdem bi fetl û ger û dewran

    Hêvî û hawara me di Yezdanê dilovan



    Umîd me herdem bi xwe serdarê li Berzan

    Wek Tîrêj dibêje:jîn divê kotek û zor e.



    helbestvan: seydayê tîrêj



    2014.05.18-14:56 | xwelî li ser


    7. TU DILTENG Î

    Tu dilteng î
    Bo jinebî,
    Bo mêrebî,
    Bo wan pitikên bê bav in..
    Ez jî ji te diltengtir im
    Bo wan perî û xweşsiwarên
    Bi salan e ji dayîk nabin!

    Abdulla Peşêw, Hemû Berhem II, r., 475, wrg. Zulkuf Ergun, Weş. Peywend



    2020.05.07-23:38 | tizbîkêş

    8. ne favorî ye, lê pir kêfa min jê hat. qey ya mewlana ye. nizanim:
    ‘Ettar li heft bajarê eşqê geriya
    Lê hêj em di astenga kolanekî de ne.



    2020.11.16-17:14 | biruya hayao miyazaki

    9. jiyan carekê ye
    û evîn carekê


    Ma kî yê emrekî din bide me berfîn
    Kî yê bibe loqman ji birînên me re


    Ma ne em birîndarên heman kêrê ne
    zarokên heman çîrokê
    Ma ne em lehengên heman xewnê ne
    Bendewarên heman rojê


    Parsa evînê nabe berfîn

    mihemed ronahî - Salnameya Evînê (2)



    2020.11.16-18:15 | merwano

    10. (bnr: rojekanim)
    (bnr: keştiya bayê)



    2020.11.16-20:09 | keyomerd

    11. "min bi heft zimanan
    ji heft jinên di tengasiya zayînê de
    duayan berhev kir
    ji bo hatina te
    nizanim xwedê bi kîja zimanî dizane?"

    .....
    gulizer - dia



    2020.11.16-21:37 | yûsiv

    12. Rojbaş Roza
    Rojbaş
    Beyanî be xêr
    Ez û tu
    Bi çivik-firê
    Sê hezar kîlometre ji hevûdû dûr
    Lê, bi giyanî
    Ji canê hev ji hev re nêziktir in.

    Dengê min nagihîje te, dizanim
    Di vê berdestî sibê
    Di xewka şîrîn
    Pêjnê
    Hilîne
    Ku bibêjime:
    Di xewnê de rojbaş

    Di xeyalê de beyanî be xêr.
    Bi nermî çavên xwe veke
    Tevzî li ser tavzîyê bi şîranî
    Belav ke li canê xwe
    Û bi giranî
    Bi bîr bîne ku
    Ev herikîna pêlên pêjnîn
    Di ser bej û derya de
    Bi milmilîn
    Bi axîn
    Derketiye.

    Ev ne nonûçe ye, metirse
    Ev ragihîn
    Ev dazanîn e, ji dilê min ve
    Dilê min
    Kaniya agir
    Dilê min
    Kevanê evîn.

    Xarîta dinyayê veke li ber xwe
    Li hêla bakurîn binihêre
    Tê bibînî
    Bejekî
    Ku mîna nikulekî kêrr
    Serejêrî atlantîkê biye
    Serî,
    Ji derya qeşemê gewr
    Û dilê wê
    Ji bêriya rojê dixewire
    A...
    ha!
    Li wir e,
    Hêlîna tenyayiya dilê min.

    Gul li şaxê
    Kulîlk di guliyê xwe de geştir e.
    Ku ji avê derkeve
    Masî
    Dimire
    Rast e,
    Meriv meriv gotiye
    Masî jî masî...
    Em,
    Ne masî ne, ne gul in, ne kulîlk
    - Bi çavek xwas
    Gava lê bê nihêrtin-
    Lê em jî
    Ji hêlîna xwe ya çande-civakî
    Ku dûrkevin
    Ji wan gelek
    Ne teveltirin.

    Ez,
    Ne şaxa hewrê
    Ne şiva mêwê me
    Ku bêreh hêşîn bibim ji nû ve
    Ji nû ve reh berdim di axê de.

    Tu wisa
    Bi çavekî xwas
    Bi mantiqekî rût
    Li sinê min menihêre.

    Heriya min,
    Di teşta çandekî mêjûyî de
    Bi hezar salan
    Hatiye hevîrkirin
    Û ez hatime patin
    Di hêtûna
    Netewebûyîna
    Gelekî
    Kevintirîn

    Û ez
    Ji Zerduşt pîrtir
    Ji sedsaleya xwe
    Hêşîntirîn.

    Biyanîtî dijwar e, Roza
    Biyanîtî,
    Kabûsekî har e, di ser sînga meriv de
    Û tenyayî
    Mîna dilopekî xwas
    Li Okyanûsa Mezin
    Bi serê xwe:
    Bê windabûn,
    Bê fetisîn
    Jiyîn...

    Ey tîhna di nav pêlên xwînê de!
    Meqerime
    Meqerise
    Raneweste weşekî
    Bifûre
    Bikele
    Meawiqînê gera xwe
    Haya te
    Ji te
    Hebe.

    Bo welatê xwe, ji welat dûr im
    Bo welatê xwe cêlî û tenya
    Bo welatê xwe,
    Li van deveran tengezar im.

    Ey olana heyvê
    Ku niha
    Leylana wê li Diclê
    Li Firatê diîse
    An mîna keçperiyek dileyize
    Li ser deryaça Wanê
    Û ey kevirên reşî Amedê
    Ku niha
    Li ber tava wê dibirise:
    Hûn nizanin ku dilê min
    Çawa bi we ve ye,
    Bi bêriya we çawa davêje
    Çawa dimerise
    Ji weşê carek.

    Rozayê!
    Xweşkokê
    Şîrînê
    Hişazayê
    Li pêş vêna min ronahî
    Di şêna min de, serketina li xwezayê
    Lê,
    Bûka yekşevîn
    Ku tevî zavê ranezayê:
    Ramîse ji ber min ve
    Bi çavên xwe î kesk î belek
    Stêrkên me
    Yek bi yek
    Û derkeve pêrgîna Rojê
    Bi sariya sibê
    Bibêje:

    - "Ey dostê min î rabirdû
    Mefera pêşbîra me!
    Tê kengê bibişirî ji me re?
    Kengê bi me re
    Derkevî serketinê?"

    Roza!
    Dilmiza, evîna min
    Xweşî şahî bo te
    Rojbaş
    Beyanî be xêr.

    kû kî dixwaze g^hdar bike, bila keremke;










    2020.11.17-05:42 | kurêbavêxwe

    13. Û hê jî em zarokên te ne Qazî!
    Te bernadin ji jîna xwe
    Bi te dijîn evîna xwe
    Ehmed Huseynî



    2021.02.02-01:09 | yaqûp

    14. helbet favorîya min helbesta Rojen Barnas-Rojbas Roza`ye... Bixwedê şev û roj, li ber behr û li ser çîyan û herî zêde jî dema baran dibarê li ber pencere rûdinim û gûhdar dikim¨li ser youtubè..
    Fermo, hûn jî guhdar bikin, bi mishefa reş hûn pêşman nabin. lînka wî jî ev e;
    Here lînkê










    2021.02.02-04:25 ~04:26]| kurêbavêxwe

    15. Şevekê, hew şeweqê
    Ji paşîvê hetta şeveqê
    Ez bibûma bahrek
    Û tu kelekek bûya li kêlekê

    Arjen Arî



    2021.02.02-10:12 | edd

    16. Şîwenî şehîdanî kurd

    Em asmane şîn e, kewa bergî matem e
    Tehlîlî wa kirawe ke qubbey xem e, tem e

    Çerxêkî kon e, makînekey jengî girtuwe
    Çewrî nekey be xwên, pekî sûrranî kewtuwe

    Pîrêjinêk e her şewî şûyê deka be xellq
    Sûraw be xwênî mêrdî deka, pêy delê: şefeq

    Gullgûn be xwênî aşiq e dêwcamekey felek
    Çingî pillingî nawete jêr qaqûmî bellek

    Gahê be xwênî “alî nebî” sûr ebê Furat
    Xwênawî kurdî têkell e Dîcle ke ziyad ekat

    Em ‘esrî bîstemî medenîyet le axira
    Herlayekî qenare bû bo ême hellxira

    Ewyan Yezîdî zallim, em xayinî le’în
    Ta key be dest emanewe ya reb esîr ebîn?

    Daway heyat ekeyn, be mematî tê degen beşer
    Ferqî nîye çi jîn û çi mirdin, çi xêr û çi şerr

    Herçî reîsî kurd bû be sêdareda kira
    Baqî be mallî Xuwaşewe sûta le agira

    Ta êsta hellnekewtuwe, wek gewrekanî kurd
    Rohyan spard le rêy wetena, nalleyan nekird

    Kê dî be xeyrî mîlletekem lem tebare da
    Înşadî şî’rî mîllî le payî qenare da

    Serdarî ême bû, ke le ser dar be pêkenîn
    Bangî dekird: Be kuştinî min mîlletim dejîn

    Şad în û fexrî pêwe dekeyn, bem hemîyete
    Mirdin ke bo jiyanî weten bê, mezîyet e

    Ax xozge helldekewtewe êmeyiş le firseta
    Wêney ewan bijîn le dillî pakî mîlleta

    Şert bê hetaku layê le layê nebêtewe
    Xwênsendinî ewane le bîrman neçêtewe

    Em xwênî kurde herweku xwênî siyaweş e
    Xwênî nesênî helldequlê, daîma geş e

    Nawî emane lazim e bîkeyne ber hemû
    Tehîyicî hîssî mîllî ye bo întîqamî zû

    Serdefterî şehîdî weten nawî Xalîd e
    Wek nawî Xalîd e, le dilla xoyşî xalîd e

    Şêx Qadirî reîsî hemû xanedanî kurd
    Mîratî ceddî “kerb û bela” bû, be îrsî bird

    Daykî zeman e carêkî tir nayenête dî
    Lem kurde da xezenferî wek Sey Mihemmedî

    Xo Şêx Seîdî gewre le maddî û me’newî
    Nebuwe be ‘ezm û rezmewe pîrêkî wa qewî

    Yusif Ziya ziyayê bû. Ax! zû kujayewe
    Gewrey Kemalî, rêwîyekî gerr bû be layewe

    Duktor Fuad ke rojî ezel eşqî kurdî bû
    Ta mird le hesretî wetena, ahî ser dîbû

    Dû aşiq in, Fuad û Kemal, herdû bêmîsal
    Em eşqeyan geyandbuwe mertebey kemal

    Qoçzade qoç bû, wa buwe qurbanî mîlletî
    Sed aferîn le roh û le qoçî hemîyetî

    Zaten şehîd şerîf e, Şerîfîş şehîd kira
    Kurdî qirran bû, qirr le wezî’ û şerîf xira

    Lem qaflley mubareke da şaî’rîş hebû
    Bo weznî şî’riyan egîne xetay nebû

    Bo ême lazim e hemû salê heta dejîn
    Em rojî bîstûçiwarî eyare bikeyn be şîn

    Pîremêrd



    2021.02.02-12:03 | keyomerd

    17. (bnr: ey reqîb)



    2021.02.02-12:53 | tîrêj zana 21

    dengdanên dawîn (Yên Din..)
    îstîxbarata tirşikê [3]
    Heval.js her dem çalak e û li benda trolltiyê ye....
    lawikên kurd yê guhar dixin guhê xwe [4]
    Tîrêj Zana 21 te ev lêkolîna xwe li kû kiriye yan te ji kê pirsiye ku ...
    hewlêriha [2]
    sillaw hawrrêyan, sereta spastan ekem bo bexêrhatinekantan xêrandar bi...
    hewlêr [2]
    şarekey qelaw minare şarekey min e şarî şaran Hewlêr ....
    îstîxbarata tirşikê [2]
    difîkirim merwano ev qas fîlm sêr nake...
    belki ev jî bala te bikişînin
    » helbestên kovara nubiharê
    » eniya kurdan

    Kategoriyên mijarê:: anket tirsik wejehlbst
    nivîskarên ku li vê mijarê nivîsîne


    sitemap
    reklamokên beredayî