Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


10 mijar û 10 peyam
kovara roza - tirşik
kovara roza
(1) (0) (1)
di mijarê de bigere

1. ev kovar ji aliyên xwendekarên zanîngehê, ciwanan û girtiyên siyasî tê derxistin.di 4'ê nîsanê 2014an de dest bi weşanê kiriye.(bnr: rojbûna serok ocalan).heta niha 7 hejmar derketine.slogana huner lêgerîna heqîqatê ye bikartinînin.di kovarê de nivîsên kurdî û tirkî bihevre tên weşandin.naveroka wê gelemperî siyasî ye.



twitter:Here lînkê

facebook:Here lînkê



22.08.2015 21:48 ~2015.08.23 10:23 | bayesar

2. nûçeyek di derheqe Kovara Roza'yê de.



ROZA YEKSALIYA XWE PÎROZ DIKE!

Kovara Roza ya ku ji aliyê xwendevanan ve tê derxistin, di 4’ê Nîsana 2014’an de dest bi weşanê kir bi hejmara xwe ya 6’emîn a nû ve bi naverokeke dagirtî derdikeve pêşberî xwendevanên xwe û yeksaliya xwe pîroz dike

Kovara Roza ya ku di Nîsana 2014’an de di roja rojbûna Rêberê Gelê Kurd Abdullah Ocalan de dest bi weşanê kir di 4’ê Nîsanê de saleke li pey xwe dihêle.

Kovara ku bi keda xwendevanên welatparêz ên Fakulteya Ziman û Dîrok-Cografyayê (DTCF) ya Zanîngeha Enqereyê ve tê derxistin feraset û felsefeya çand û hunerê ya Tevgera Azadiya Kurd di xeta weşanê de esas digire.

Kovara ji du mehan careke derdikeve pêşberî xwendevanên xwe cih dide helbest, çîrok, ceribandin, karîkatur û nivîsên xwendevan, girtiyên siyasî û derûdorên cuda.

Gerînendeyê Giştî yê Weşanê ya Kovara Rozayê Mehmet Salîh Erşari der barê armanca wan a derxistina kovarê ku dî 4’ê Nîsanê de bi hejmara 6’emîn ve yeksaliya xwe pîroz bike de agahî dan û wiha got: “Fikra me ya derxistina kovarekê ya li DTCF’ê digihêje beriya çend salan. Berê jî hewldanên me çêbûbûn. Du caran me hewl da ku kovarê derxînin lê ji ber girtinan ev hewldanên me nîvco mabûn. Ew hevalên ku me bi wan re plansaziya derxistina kovarê kir, niha her yek ji wan li deverên cuda ne. Ji van hevalan du jê bi taybetî divê em bi bîr bînin. Heval Emel û Fatma ango Emelê û Fatê ya me, niha ji me gelekî dûr in. Her du jî du mirovên bedew ên ku dan pê xeyalên xwe bûn. Ew ji me yên herî baş bûn. Ne di nav diwarên vê zankoyê de, ne jî di vî bajarî de hilnehatin. Ew li pê rêya wan kevokên ku wan pir ji wan hez dikirin ketin. Heke em ji aliyê hestewariyê ve lê binêrin, ev kovar bêtir jî hewldana berdewamkirina karê wan ê nîvcomayî ye.”

ROZA; ZAYÎNA ROJÊ

Erşari der barê wateya navê kovarê de jî agahî da û got ku “Roza” peyveke bi kurdî ye û tê wateya bicihanîne bûyera zayîna rojê. Erşari axaftina wiha berdewam kir: “Roj, zayîna xwe bi cih tîne, ronahî û enerjiya di hundirê xwe de dide der. Em di demsaleke biharê de derdikevin. Me di 4’ê Nîsanê de dest bi weşanê kir. 4’ê Nîsanê bi rastî jî ji bo kurdan roja rojbûna Rojê ye. Piştî tarîtiya bi salan, Roj di rojeke wiha xweş de bi hemû sorgeveziya xwe tîrêjên xwe bi axa Kurdistanê ve berdide. Çiyayekî bi jîndariya vê ronahiyê zaye, piştî salan vediguhere Roja Gelê Kurd. Niha jî bi ronahiya vê Rojê, gelê kurd ber bi azadî û serfiraziyê ve dimeşe. Belê, di 4’ê Nîsanê de ji bo kurdan Ro-za.”

KOMUNA ROZAYÊ

Erşari got ku wan xebatên xwe bi hev re bi awayekî komunal dane meşandin û wiha pêde çû: “Me baweriya xwe pê anî ku ji ber pêwîstiya sepandina paradîgmaya Rêbertiyê, xebateke bi vî awayî divê bi feraseta komunê bê meşandin.” Erşari da zanîn ku wan bi hevalên ku ji bo derxistina kovarê hatine cem bi hev re “Komuna Rozayê” ava kirine. Erşari bi gotina xwe ya “Ew hevalên ku di xwendin û belavkirina kovarê de keda wan heye, yên bi fikr-rexne û pêşniyarên xwe piştgirî dane me, yên di zindanê de bi nivîs û dilên xwe yên bedew û geş tim li cem me sekinîne, hemû yekîneyeke vê komunê ne” agahiya kovarê çawa derdixin da û diyar kir ku bi piştgiriya hevalên wan ên di girtîgehê de ne û di berdewamkirina kovarê de ked û bandora wan gelekî mezin e.

JI ŞIRNEXÊ TA EDÎRNEYÊ

Erşari got ku ew xwe wek perçeyekî Tevgera Azadiya Kurd dibînin û xeta Tevgera Azadiya Kurd, felsefeya wan a jiyanê û feraseta wan a çand-hunerê ji xwe re esas digrin û wiha berdewam kir: “Heke em karibin di têkoşîna azadiyê de bibin misqalek, dilopek ev cihê kêfxweşiyê ye.” Erşari destnîşan kir ku kovar digihîje bajarên Kurdistanê yên wekî Amed, Êlih, Şirnex, Wan, Gever, Dêrsim, Meletî, Mêrdîn, Nisêbîn, Qoser û Cizîrê, ji bajarên Tirkiyeyê jî digihîje Enqere, Stenbol, Îzmîr, Eskîşehîr, Mugla û gelek bajarên din û bi gotina “Ji Şirnexê heta Edîrneyê digihîje bi dehan zindanan jî” axaftina xwe bi dawî kir.

Li hemberî çanda popüler a pergalê

MEHMET SALÎH Erşari diyar kir ku Roza di heman demê de li hemberî çanda populer a ku ji aliyê pergalê ve tê spartin disekine. Erşari anî ziman ku li dora kovarên piyaseyê derdorên bijare tên afirandin, li hemberî vê yekê di qada çand û hunerê de hejmara weşanên alternatîf bi sînor e lê Roza ji bo xweanîna ziman nifşên ciwan vediguheze qadeke alternatîf. Erşari bi lêv kir ku ew girîngiyê didin zimanê kurdî û hewl didin zimanê kovarê heta ji dest bê bi giranî bi kurdî be.

ENQERE – DÎHA



25.08.2015 12:19 | roj agir

3. Nûçeyek ji BasNûçeyê;



Tîrêjên Roza û çîrokên Jehrî



Wêje, rengekî wisa ye ku mirov nikarin wê bi krîter bikin û jê re pîvana avabikin. Govar jî yek ji beşên wêjeyê ye û bi her rengî li ser nivîskar û xwîneran xwe di nexşîne. Yekta pîvanê govaran bikaranîna ziman e.



Ziman rihê mirov û bingeha jiyana komelgehê ye. Her mirov, her netew bi zimanê xwe heye û ew ziman bê wêje û hûnerê jî nabe. Her wiha zimanê kurdî xwedî wêjeyek berfireh û dewlemend e. Di warê govaran de wêjeya kurdî her pêş dikeve ji bo siberoja ciwan û zimanê kurdî jî heviyek mezin diafirîne.



Govara Roza yek ji wan afirînerê hêviya mezin e. Roza bêjeyeke bi kurdî ye û bêtir wek zayina rojê tê watedarkirin. Roza ji aliyê komxebatekê ve tê amadekirin û belavkirin. Li ser navê komxebatê di derbarê Roza’yê de Roj Agir ji BasNûçe’yê re axivî û ragihand ku Roza, piştî tarîtiya bi salan, roj di rojeke wiha xweş de bi hemû sorgeveziya xwe tirêjên xwe bi axa Kurdistanê ve berdide. Çiyayiyekî bi jîndariya vê ronkayiyê zaye, piştî salan vediguhere roja gelê kurd. Roj Agir li ser derketina govarê de wiha axivî: “Di qada çand, huner û wêjeyê de hejmara weşanên alternatîf bi sînor e. Û di nav van weşanan de jî hejmarên govarên kurdî yekçar kêm in. Lewma me xwest ku bi taybetî ji bo nifşên ciwan qadek e alternatîf, qadeke ku ciwan tê de hest, raman û fikrên xwe bînin ziman ava bikin. Fikra me ya derxistina govarekê li Enqerê digihêje çend salan berê. Her du hewldanên me jî ji ber hin girtinan nîvçe mabûn. Ew hevalên ku wê demê me ev plansazî bi wan re dikir, pirê wan niha li refên azadiyê ne. Heke em ji hêla hestiyariyê ve lê binêrin, ev govar bêtir jî hewldana berdewamkirina karê wan ê nîvçemayî ye.”



Govar li ser navê Komuna Roza’yê dimeşe



Hemû berhem divê xwedî xebat û aboriyê be. Ger ji aliyê aboriyê pirsgirêk hebe ew xebat bi rasterast nagihêje armanca xwe. Komxebata Roza’yê jî di warî de çaresiyek balkêş dîtinin û wiha weşana Roza’yê dikin. Roj Agir daxuyand ku xebateke bi vî awayî divê bi feraseta komunê bihata meşandin. Lewma me komunek bi navê Rozayê damezrand û em xebatê govarê jî li ser navê Komuna Roza’yê dimeşînin. Agir wiha got: “Lê em komunê tenê bi çend hevalan ve bi sînor nagirin. Hevalên ku di xwendin û belavkirina govarê de keda wan heye, yên bi fikr-rexne û pêşniyarên xwe piştgirî dane me , yên di zindanê de bi nivîs û dilên xwe yên bedew û geş tim li cem me sekinîne, hemû yekîneyeke vê komunê ne.” Di derbareê nivîs û nivîskaran de jî Agir amaje pê kir ku nivîskarên wan bi gelemperî hevalên ciwan û girtiyên azad in. Ji bo komkirina nivîsan ew di malperên xwe yî înternetê de bengewaziyê dikin û her hevalê ku bixwaze dikare di Rozayê de binivîse. Her wiha ji gelek bajar û welat, dewletên cuda û ji zîndanan nivîs ji wan re tên. Ew jî wek komunê kom di bin û li ser van nivîsan niqaşan dikin, yek û yek hemûyan dinirxînin û nivîsên ku erênî tên dîtin tên weşandin. Agir wiha domand: “Bi giştî em nivîsên wêjeyî wek ceribandin, çîrok, helbest û her wekî din diweşînin. Gelek caran li ser çand û hunera Kurdistanê û li ser wêjeya kurdî jî mekale tên weşandin. Di her hejmarê de bi mirovekî navdar re hevpeyvinek tê kirin û ji bo her hejmarê em li ser mijarekê dosyayekê amede dikin.”



“Bes bila neyartiya nirxên gel neyê kirin”



Her netew divê bi zimanê xwe biaxive, binivîsîne û bixwîne. Komxebata Roza’yê bi vê armancê dest bi xebatên xwe kiriye û ew rawe dikin ku di her qada jiyanê de bikaranîna ziman girîng e an ew ziman wê piştî demekê bi mirîne ve rû bi rû bimîne û mirina zimanekî di rastiyê de mirina gel û netewekî ye, li welatê me zimanê perwe dehiyê hê jî ne bi kurdî ye lewma xwedî derketina ziman, bikaranîna ziman û nivîsandina bi zimanê kurdî pir girîng e. Heta ji destê me tê em di govarê de giringiyê didin kurdî. Em dixwazin ku di govara Rozayê de ewilî nivîsên ku bi kurdî hatine nivisandin, hest û ramanên ku bi kurdî hatine nexşkirin bênê weşandin. Li ser navê komxebatê Roj Agir wiha berdewam kir û got: “Em xwe wek parîyekî tevgera azadiya kurd dibînin û xeta tevgera azadiya kurd, felsefefeya wan a jiyanê û feraseta wan a çand û hunerê ji xwe re esas digrin. Lê di nirxandina nivîsan de em li bîrdoziya nivîskaran meyze nakin. Em nivîsan li gor çawaniya wan dinirxînin û her kes dikarê di Rozayê binivîse. Jixwe govar li her deverê Kurdistanê belavdibe hema em dikarin bêjin li Amed, Êlih, Şirnex, Wan, Gever, Dêrsîm, Meletî, Mêrdîn, Nisêbîn, Qoser û Cizîrê, Çewlîg û li gelek bajarên Tirkiye jî li Enqere, Stenbol, İzmir, Eskişehir, Muğla, Kırşehir, Bursa tê belavkirin. Herî kêm hezar heb tê çap kirin. Ji ber vê yekê nivîskar û xwînerên me zêde ne. Em jî dixwazin xwe ji zimanê bangeşevan û ji zimanê ajîtasyonî dûr bixin, êdî ro za.”



“Jehr ew ê bibe dibistan”



Hemû xebatên wêjeyî bi awayekî hêsan, bi barekî zivik û bi destpêkeke piçûk destpêdike. Wek di hemû berhemên kurdî de govar jî ji aliyê zanyar û xwendekaran dest bi weşana xwe dikin. Yek ji van weşana jî govara Jehr e. Govara jehr, di destpêkê de tenê bi nivîsandina çîrokê li ser kaxizan dest bi xebata dike û di demek kurt de jî mîna fanzînekê xebatê xwe didomîne. Jehr, bi komek xwendekar û bi xebatek kolektîf îroj di qada wêjeya kurdî de tenê li ser çîrokan weşana xwe dike û êdî xwe wek rêwiyên wêjeyê dibînin. Li ser xebatên govara Jehr ê endamê komxebata Jehr ê Aram Dildar ji BasNûçe’yê re axivî û wiha got: “Jehr çîrok e. Me di destpêkê de bi fanzînê dest bi xebatê xwe kir lê îroj em êdî govarin û govarek bi hevî ne. Armanca me ya yekem ku em li Stenbolê tenê govarê belavbikin lê ji ber ku me bertek û rexneyên erênî ji xwînerên xwe girt li hemû Kurdistanê û li çend bajarên Tirkiyeyê jî tê belav kirin. Di her hejmarê de jî hem xwînerên me hem jî nivîskarên me zêde dibin. Ger em hejmara xwe yî yek ê û şeş an didin berhev em dibînin ku me rêyek gelek mezin danîye ber xwe. Gelek nivîskarên me bi Jehr ê det bi nivîsê kirine û di demek nêz de jî nivîskarên navdar ji Jehr ê derkevin. Ev tê wateya ku Jehr ew ê bibe dibistan.”



“Wêje di nav komên piçûk de geş dibe”



Di wêjeya kurdî de gelek govar hene lê mijarên wan tevlihevîn Hin govar li ser çand û hûnerê hin jê li ser wêje û rexne û hin ji wan govaran jî olî an zanistî têne weşandin. Govara Jehr ê tenê di warê çîrokan de weşana xwe dike. Di derbarê mijarê de Aram Dildar wiha axivî: “Em di vê baweriyê dene ku wêje di nav komên piçûk de geş dibe û di wêjeya kurdî de jî gelek govar hene lê her mijarê di xwe de dihewînin. Jehr ne wisa ye. Jehr tenê bi çîrokan xwe pêşkêşî xwîneran dike. Armanca me jî ev bû ku em çîrokan xurt bikin. Ev di nav govarên din de ne dibû ku çîrok geş bibe. Lê tenê li ser çîrokan em bi xebitîn ew ê di wêjeyê de çîrok jî geş bibe. Her wiha em gavên mezîn diavêjin edî. Me di hejmara yekem de nivîs nedidîtin, lê niha em nivîsan hildibijêrin.” Dildar amaje pê kir ku di govarên din herî zêde 3 an 4 çîrok tê weşandin lê di Jehr ê de govar ji çîrokan tenê pêk tê û bijartina mijarê jî di destê nivîskaran deye. Endamê komxebata Jehr ê Fırat Rûbar jî ragihand ku ew dixwazin di wêjeya kurdî de bibin xwinek teze û bigihîjin nivîskar û xwînerên ciwan yên nû.



Gültekin Çelik - BasNûçe



http://basnuce.com/ku/news/6423/tirejen-roza-ciroken-jehri

- See more at: http://basnuce.com/ku/news/6423/tirejen-roza-ciroken-jehri#sthash.yeYBuuSa.dpuf





10.05.2016 12:23 ~12:24 | roj agir

dengdanên dawîn (yên din..)
rexşê belek [1]
Navê hespê ristemê zal e. Di destanên persan mina şehnameya firdewsî...
pelûl [1]
Diranê feqîran di pelûlê da dişike....
tirşik translate [3]
Mirmirokî:kekremsî Mêrokî:erkeksî Mîrovokî, merivokî: însansi Tirş...
kerguh [3]
Ajalekî şêrîn e Ji bo "taybetmendiyên" wan gotine kerguh. Gu...
pelûl [1]
Ez pir jê hez dikim li jor nivîskar gotiye xwarin û şêraniya pîr û ka...
belki ev jî bala te bikişînin
» kovara şewçila
» roza germiyan

Kategoriyên mijarê:: kurdukurdi kovarweje
nivîskarên ku li vê mijarê nivîsîne


sitemap
reklamokên beredayî