1. flaneur, têgeheke walter benjamin e. em dikarin li kurdî wek; berdoş, serberedayî li nav bajar digere wergerînin. helbet beriya wî charles pierre baudelaire vê bikaraniye lê li ser benjamin hatiye tapûkirin. li gor vê têgehê kesê ku bi fikar li nav bajar digere û serê xwe bi kolan, avahiyên danûstandinê yê mezin, dîmenên dikanan ve diêşîne re tê gotin. flaneur di van cûn hatinên xwe de xwe gihandina cihek ji xwe re nake armanc. yekem car fluneur li parisê derketine; sedema vê jî ev e, yekem pasaj (ku navê berhema sereke ya benjamîn jî pasaj e) li vir hatine avakirin. di avakirina van pajan de Bandora bikaranîna hesin di avahiyên de heye, bi saya demir avahiyên mezin hatin çêkirin û lihevbarkirin. yek sedem jî ew e ku lambê bi gazê dixebitin ku em ji wan re dibêjin "lukus" bo van pasajan rohnî bikin hatin dîtin. bi vî dîtinê êdî gelê parîsê bi şev jî dikaribû li van deran bigeriya. van pasajan ji flaneur re bû mekan û flaneur li vîtrîna wan dikanên di hundirê pasajê de dinêrî û serê xwe bi wan diwestand. çend sal şûn ve yekem pêşenheg dê li parîsê vebiba û bandora van pasajan û raxistina amûran li ber kesan dê hebûya. hemin em li ser pajan diçim, dikare bê gotin ku Navendên danûstandinê (avm) yê nûjen bi pandora van pasajan derketine holê. mala flaneur kolan û pasaj in. her çiqas di giyanê wan de tiralî hebe wek birca masî di rastiyê de ew rêçaviya dev û dor dikin. di van rêçeviyên xwe de difikirin û fikran derdixin holê.