1. mûzîsyen û amûrjen -ez ne xelet bim piyanoyê dijene- û aranjman û komposereke kurd e, ji paşnavê wî mirov dikare lê bîne der ku ji rojavayê kurdistanê ye, mixabin li ser netê mn tu zanyarî li ser şexsê wî nedîtin, ji bo fîlmên kurdî mûzîkan çêdike, dîsa ji bo hinek kilamên dengbêjên wek şakiro, baqî xido û çend stranbêj û dengbêjên din ên zêde nayên naskirin, bi forma mûzîka orkestral paşfon çêkirine. ligel orkestra heskîf û mizgîn tahir gelek xebatên wî hene, strana ez kobanê me, ku gotinên stranê yên mizgîn tahirê ne, jî yek ji wan e, di nav stranên ku ji bo kobanê û şoreşa rojava û şerê li dijî daişê hatine çêkirin de piştî wan herdu xebatên dilşad seîd; pêşmerge û şengal, ya herî xweş û profesyonel e bi dilê min.

û niha min ferq kir ku mûzîk û aranjmana albûma dawîn ya serhado jî evî xweşmêrî girtiye ser xwe.



çend nimûne ji wan stranên wî;



dengbêj şakiro - çiya û deşt ;

vîdyoyê veke

2. ciwamêrekî mîstîk e. li ser înternetê tu agahî diyar nakin.

eger bê mûqayese kirin, dibe ku ew (bnr: hans zimmer)ê me be.

3. Muzîkjenekî pir zîrek e. Nêzîkî seeteke berê parçeyeke nû belavkir.
Xuyaye ku dema Kurdistan azad dibe muzîk jî azad dibe. Dest xweş.
(bnr: nazê nêrgiza hewşê)


vîdyoyê veke

4. Min mezê dû se vîdyoye vî hunermend kir. Nerîna min eve ku hunermende gellek jehatîye. Serkeftin ji bo vî.

5. mûzîkjenekî nepenî ye. bi bejn û bala xwe, sewta xwe li tu derê nayê xûya lê bi mûzîka xwe ve mêriv sermest dike, coş dike, dikesirîne. newayên wî hêviyên min ên ji bo mûzîka kurdî geş dike. xwedanê terzeke xwerû bi xemla kirasekî kurdî ye ku mirov dikare bi saetan guhê xwe bide mûzîka wî. bila her li dinê be û newayên xweştir biafirîne.

6. di nav hemû Kurdan de min mirovek -ne tenê du nav mûzîsyenan de- ev qasî serkeftî ku di asta cîhanê de berhemên hunerî diafirîne û pê re jî ev qasî nefsbiçûk û ji vîtrîn û camekanê dûr nedîtiye. bila li eslê xwe bipirse teqez ne kurd e.
stara Xwudê li ser be!
Û yek jî divê hemû berhemên wî tenê ji hesabekî bên parvekirin ku hejmara dîtina vîdeoyên wî bê xwuya û bikaribe nanekî ji xwe re jê bixwe.

7. hunermendek ku bûye mêvanê guhê me wan rojan.bi ya min stranên pirr balkêş û xweş çêdike.her bijît inşaallah.

8. dîsa xebateke supper çêkiriye: zeriyên şeşdara

vîdyoyê veke

9. Carinan bi saetan li ser hev mûzîka wî guhdar dikim. Her ku guhdar dikim pê sermest dibim û carek din jê re dibim hijmetkar. Di mûzîka kurdî de wek cewherekê ye Mehmûd Berazî. Lê mixabin li ser spotifyê hemû berhemên wî nînin. Xwezî hebûna.
Playlîsteke ku min ji mûzîka wî daye hev
Here lînkê