1. theseus qralê efsanewî ya atînayê ye. keştiyeke wî heye û piştî şerekê keştiya xwe li atînayê weke bîranînekê vedişêre. lê bi derbasbûna salan ve texte û perçeyên keştiya wî roj bi roj dirize û pûç dibe. ji ber wê her perçeya keşiyê a xera bûye bi parçeyên nû ve diguherîne. perçeyên xerabûyî jî cîheke din vedişêre. rojek tê, dibîne ku perçeyek nemaye ku nehatiye guherandin. yanê keştî bi temamî nû bûye. lê theseus dîsa nasekine, ew perçeyên xerabûyî yên keştiyê ve keştiyeke nû çê dike.

niha pirsgirêkên û pirsên felsefeyî derdikevin holê. ev pirsgirêkan û pirsan ji greka antîk heya îro hê dewan dikin.
1-kîjan keştî ya theseus e?
2-kîjan keştî nû ye?

di vê mijarê de du heb feylesofên girîng heraklîtos û arîsto jî fikrên xwe diyar kirinê. li gor aristo keştî ya theseus e. lê li gor heraklîtos tenê tişta ku naguhere guherîn jixwe ye. an jî bi gotineke wî a din ve "mirov di çemekê de tenê carekê dikarê avê xwe bike". yanê keştî keştiya theseus nîne, ji ber ku keştî bi derbasbûna her deqeyekê ve dibe keştiyeke din. veguherîn her deqe, her saet û her roj berdewam dike. tiştek tenê demeke kurt eslê xwe xweyî dike.