1. Wezîrê Eşo di 1ê mijdara 1934an de li paytextê Gurcistanê – Tiblîsê hatiye dinyayê.

Ew di sala 1953an de li fakulteya tarîxê ya Zanîngeha paytextê Ermenistanê – Êrîvanê tê qebûlkirin û gava ew xelas dike, di navbera salên 1958–1961ê de li gundê Pampê wek serokê dibistanê kar dike. Salên 1961–1963an wek berendamê doktorayê beşa kurdzaniyê ya Enstîtuya Rohilatzaniyê de li Lenîngradê (niha Sankt–Pêtêrsbûrg) di nava tarîxa Kurdistanê de kûr dibe. Salên 1964–1983an weke redaktor û redaktorê sereke yê polîtîkî di radyo, televîzyon û weşanên Ermenistanê de kar dike. Salên 1983–1994an karê redaktorîkirinê û wergeriyê di beşa weşanên kurdî ya Radyoya Êrîvanê de bi cî tîne.

Wezîrê Eşo xwediyê çend kitêbên çîrok, kurteroman û wergerê ye: »Mizgînî«, »Dengbêj kal bûbû«, »Pamp–Sîpan«, »Xaçatûr Abovyan« û lêkolînên wî yên »Kurd«, »Êzdî«, »Xebera dosta«.

Weke rojnamevan zêdeyî hezar gotar û şiroveyên wî li ser rûpelên »Rya Teze« û hemû rojname û kovarên Ermenistanê û Moskovayê yên navendî de hatine weşandin, lê welê jî di radyoyê de hatine weşandin.

Ji ber vê kedê ew kirine endamê Yekîtiyên nivîskar û rojnamevanên Ermenistanê û yê Yekîtiya Sovyeta berê.

Wezîrê Eşo di sala 1991ê de hêjayî xelata Yekîtiya Nivîskarên Ermenî û Seksyona nivîskarên kurd ya bi navê Erebê Şemo bû.



Wezîrê Eşo niha li Belçîkayê dimîne. Ew li Belçîkayê jî di kar û mijûliyên nivîskariyê de berdewam e.

2. Nivîskarê mezin îro dawî li jiyanê aniye, miriye û dilê me birîndar kiriye.



Wezîrê Eşo nivîskar, lêkolîner û wergerê naskirî ye. Wî wisa jî bi sedan gotarên cûr bi cûr çawan di rojnama “Rya Teze” û beşa kurdî ya radyoya Yêrêvanê de, wisa jî di çapemenya ermenî û rûsî de belav kirine.



Wezîrê Eşo pirtûka bi navê kurdzanê mezin, qanatê kurdo nivîsiye. Pirtûk ji alîyê weşanxana “Ararat News-Publishing” de sala 2010 an li Bruksel hatîye weşandin. Mamed Jemo û Ronî Alasor rêdaktorya pirtûkê kirine.

3. Rûpela wî ya facebookê:

https://m.facebook.com/profile.php?id=1485211905073628



Pirtûkên Wî:

http://goo.gl/R9YY2b



Nivîsa tosinê reşîd li ser mirina wî:

"Besa kirasguhêrîna nivîskar, dîrokzan, werger û rojnamevanê naskirî, Wezîrê Eşo, em xemgîn kirin. Me mezinekeî xwe jî unda kir, ku cîhê wî nayê tijî kirin. Cêrgên me sêrek dibin.

Bira serê kurê wî, birê wî, koma wî xweş be. Bira xwedayê mezin dilovanîya xwe têke para wî û cîhê wî li buhuşta nûranî bike.

Wezîrê Eşo wê di berhemên xwe de, di dilê dost, heval û xwendevanê xwe de bijî. Bîranîna rewşenbîrê kurdî hizkirî, wê herdm di dilê me de be."