1. eyaz zaxoyî yan jî eyaz yûsif ehmed. yek ji hundermend û stranbêjên herêma behdînanê ye.

Eyaz Zaxoyî li sala 1961ê li bajarê zaxo ji dayik bûye. Her ji zarokatiya xwe heza wî ji hunerê re hebû û hemû dema xwe di dîwanên dengbêjan de derbas dikir û guhdarî dengê wan dikir.

Eyaz xwendina xwe ya seretayî, navendî û amadeyiya çandinê li Zaxo temam kiriye. Her di dema xwendinê de, di ahengên xwendingehan de stran digotin. Pişt re seredana Radioya Kurdî dike li bexda û li wir gelek stranan tomar dike. Yekemîn kaseta wî li sala 1982 derket û bi wê kasetê navûdengiya xwe diyar kir, pişt re di salên 1983, 1984 û 1985an jî kaset çêkirin. Anku di jiyana xwe ya hunerî de wî tenê çar kaset çêkirin. Strana herî naskirî ya Eyaz Zaxoyî newroz e.

Eyaz di temenê 25-saliyê de li roja 20/01/1986an çû ser dilovaniya xwe. digel keçeke endama tîpa hunerî ya duhok peywendiyek evîndarî hebû û peywendiyê tesîr li ser jiyana wî ya hunerî jî dikir, loma di warê strana evîndarî de, gelekî serketî bû. Eyaz bi berhemê xwe yê kêm jî şiya bala xelkê bikîşîne û heta niha xelk ji hunera wî hez dikin.

Gelek mamoste û helbestvanan helbestên xwe dane wî û alîkariya wî û erdewan zaxoyî kirine. Ji wana ebdulezîz silêman, bedirxan sindî, beşar mihemed û gelek din.

dibêjin ku Eyaz bi rêya jehrê ji aliyê rijîma baas ve hatibû kuştin. (wek erdewan zaxoyî)


çavkanî: kawe alîxan: peyama kurd hejmar 73, sal 2006

2. stranbêjekî nazik û qeşeng e. deng û awaza wî pirr xweş e lê bextê wî reş bûye ku di demeke xeter de jiyaye. di emrekî pirr ciwan de ji aliyê rejîma saddamê gor bi gor ve, ji ber ku bi kurdî distirê hatiye kuştin. ev stranên wî gellekî xweş in:
gulek tenê besê min e:

vîdyoyê veke