1. cûreyek ji vîrûsan e. ji malbata coronaviridae ye. ji vîrûsên bi RNA ne. nifşek ji wan vê dawîyê nifşek jê, bûye sedema şewbê. li çînê destpê kir û niha li welatên din belav dibe. heta niha tenê ji bo çînê wek problem tê dîtin lê belî nabe. belkî bibe problemek gerdûnî jî. ne surprîz e ku li çînê derketîye, çimkî hemû heywan bi hemû awayan tê xwarin li vî welatî. ewil li bajarê wan ya bi navê wuhan derketiye. li wir jî zêdetir li derdora xebatkarên bazara mehsûlên deryayî, peyda bûye. ku li vî bazarî her cûre ajalên deryayî tên firotin. yên qedexe jî tê de.
loma çavkanîya nexweşîyê tam nayê zanîn. piştî vegirt mirovan, êdî dikare ji mirovan jî vegire mirovên din. bi riya nefesê (dilopên biçûçik yên di nefesê de).
bi kuxik, zêdebûna germahîya laş, zehmetîya nefesê û hwd. destpê dike. paşê dikare bibe sedema zatureyê û .... mirinê.

nîşaneyên vîrûsê weke yên sarsê ne (sendroma nefes standinê ya akut ya cîdî). navê vîrûsê kirine 2019-nCoV.
vîrûs ji heywanan vedigire mirovan. berî niha ev nifşa vîrûsê di mirovan de nehatibû dîtin.

ji bo vîrûsê derzî, derman û hwd. tune. yanî tedawîya wê tune. tenê encamên wê tên tedawîkirin. potansîyel tê de heye ku bibe hejmarek zêde ji mirovan.

2. Li bajarê ku ez niha dijim, li seûl a koreya başûr jî li 2 kesan peyda bûye.
Tirseka mezîn heye.

3. Tirsa min ew e ku ev Vîrûsa korona qira mirovahîyê bîne.Nizam çima wisa difikirim.Niha va ji bajêr derketîye û gihiştîye welatan.Mînak DYA (emrîka)

4. Min îsal xwe aşî jî kiribû lê fêde nekir. Ji ber ku ev mîratên vîrûsan bi mutasyonan şîfreya xwe ya genetîk diguherînin. nêzîkê deh rojan ez xistim nav livînan. Jixwe ez behsa nermojan û janbir û bi tonan çayêya kesk û leymûn nakim. Laşê min disincirî, berê sibehê ez bi kuxikê şîyar dibûm û xew li min diherimî kuro. Bi roj jî dev ji poz û firnikan berde heta bi guhên min dixetimîn. Lê şikr min berê xwe da xêrê ez î baş im elawekîl

5. Helbet wê carekê vîruseke wisa, rojekê belav bê û ne kemî 100.000.000'î mirov wê mirin. Eynî weke pandemîya înfluenza 1918'ê.

6. Li gor factcheck û politicfact 10 hezar kes mirin e.Lê ev raste ne rast e hê nehatîye erê kirin.Qasî ku tê gotin.
Hejmarek pirr mezine û mirov ditirsîne.God bless Kurdistan!

7. Nizanim çime ji min re wek grîba mirîşk û xenzîran tê. di rastî de ev grîp qasî behskirinê bixeter e gelo? nizanim. piştî çend rojan behskirina grîp wê dawî be. hêvî dikim.

8. îro serkerên tirka balafirek şiyande wuhanê bo ku tirkên li karantînayê bênê tirkîyê. law di karantînayê de ne tê wan bênê çi?!
û îro vîrûsek din derkete holê bi navê lassa virus. li nîjerya derketiye û 41 kes mirine heta niha.

9. Daxuyaniya who :
Here lînkê

10. Ez bawerim ev vîrûs û filanbêvan li me kurdan têhsîr nake.

11. (bnr: gelheya gerdûnê 7 milyar e)

13. Vîruseke nû ye. Ji famîleya SARSÊ ye. Li Çînê bi hezaran nexweş ketin û sed heb zêdetir pê mirin. Gihîştî her deverên Çînê û şanzdeh dewletê din. Dibe ku gihîştibe Tirkîyê jî, negihîştibe jî li hemana ye. Ji bo pirsgirêkê tevdîr divê. Anha dermanê vê nexweşiyê tune ye. Tedawî ya semptomatîk he ye. Yanî êşa can kêm dikin, sistî û xewarî û behalî kêm dikin mîna nexweşîna sermayê.
Tevdîr çi ne?
Em heta dikarin destê xwe bişon, poz û devê xwe bişon. Goştê baş nepijîyayî nexwin. Anha rûdank(maske) ne hivce ye lê ku lazim be wî jî bikar bînin.

14. (bnr: vîrûsa korona)

15. hejmara miriyan gihiştiye 563an û yên nexweş jî gihiştiye 28 hezaran. û herwiha ev vîrus di zarokekî nûçêbûyî de jî hatiye dîtin.

bbc: Here lînkê

nexweşiya ku hê jî dermanek jê re nehatiye dîtin.

16. Li gor hin kesan wek şerra bîyolojîk tê binav kirin jî.Bi rastî bawerîya min jî diçe li ser wî aliyê ku ev şerreke bîyolojîk be.Ji bo ku êdî dewletên mezin ditirsin ku şerrên çekan bikin ji bo wî Şerrên sîber / bîyolojîk hwd. didomînin ji bo ku hêzên xwe bidin erê kirin.

Serrastkirina dawî:

Li gor agahîyên ku li ser malpereke mezin a çînê hatine weşandin piştre jî hatiye jê birin

Here lînkê

154023 kes bi nexweşîyê ketiye û 24589 kes mirî ye. (01.02.2020).

wêneyê nîşande

17. Bi hisabê îro (2020.02.08) Hejmara kuştiyên vîrusa Corona ku li Çînê li bajarê Wuhan derket û li seranserê cîhanê belav bû, gihişte 724 kesan.
Li wir rewşa dawî roj bi roj te belavkirin: Here lînkê
Hema hema hemû mirî ji bajarê wuhanê ne.
Her roj bi hevalên xwe yên çinî we diaxivim. Rewşeka ecêb diqevîme li vêr. Yek ji hevalên min li bajarê shanghaiê dijî. Dibêje ez 3 hefte bûn tew derneketim derve.
Li bajarê ez niha dijîm, li seûlê jî hijmara kesên ketine wê nexweşiyê gihişte 24 kesan. Hemû hotel, loqente û marketên ku ew kesên nexweş derbas bûye hatin tetîl kirin.

18. li gorî hinekan ne hêja ye ku mirov ewqas jê bitirsin. dema mirov li hejmara mirîyan jî binêre, ne hejmarek ewqas zêde ye ku ji bo dinyayê an jî çînê tehtîd be. lê ji ber ku agahî ne zelal in, heye ku ji tirsa me jî zêdetir talûke hebe.
te dît, jixwe her sal ji ber grîbê bi sedhezaran kes (300-700 hezar) dimirin. piranîya van mirîyan jî, ji kesên extîyar û bedena wan lawaz, pêk tên.
di vir de problem hinekî ji ber taybetîyên çînê ye. ji ber rejîma faşîst ya li wir, em nizanin agahîyên ku didin çiqas rast in an jî derew in. belkî hejmara mirîyan gelek jê zêdetir be. îhtîmalek mezin jî wisa ye.
li gorî agahîyên fermî, rêjeya kuştina vîrûsê nêzikî %2.5 e. yanî eger hemû dinya enfekte bibe, wê bi qasê 190 mîlyon kes bimirin. tabî yên nemirine, dema laşê wan hinekî ji quwetê ket, dikarin bimirin vê carê.

li çînê, li herema wuhanê, gelek nûçeyên trajîk tên. her dawî yekemîn doktorê ku qala vîrûsê kiribû(li wenliang), ji ber vîrûsê çû ver rehma xwedê. dema cara ewil behsê kiriye, ji alîyê polîsan ve hatîye tehtîdkirin.

bi kurtasî em dikarin bêjin ku dewleta çînê derewan dike lê rewşê jî gelekî cîdî digire. qey tirseke wan heye...
di vê navberê de li tirkiyê jî gelek kes maskeyan peyda dikin û amadekarîyê dikin.

19. Gorê amarên ten aşkire kirin êdî hijmara kesên nexwaşiyê derbas dikin ji yên nû nexweş dikevin zêdetir e.
wêneyê nîşande

20. nexweşiya ku bi min tê fişal kirin. ji xwe mirovên pîr, ên xwedî nexweşiyên giran, bi sermayekî dibin pnomonî û dikarin jê bimirin.

21. giha ye wan'ê. ji xwe terciha favorî a bobelatan vê dawiyê wan e.

hindik ma zivistan xelas bibe. ev meseleya corona'yê jî bi îxtîmalek mezin wê di mahekê de felan wenda bibe.

22. (bnr: pê girtin)

23. Vîrûsa ku bandora wê li çînê kêm dibe lê li cîhanê zêdetir dibe. Gelek welatên ji xeynî çînê hejmara miriyan çiqas diçe zêdetir û gurtir dibin.

(bnr: îran)

(bnr: koreya başûr)

24. serok erkanê çînê Si cinping gotiye ev vîrûs hê tiştek tevlihev e.

dibe ku ev vîrûsa korona ku bibe sedema mirina milyonan...

navê wî fermî Covid-19 ango Kovîd-19

hesabeke twittirê ku mirov dikare bi zindî rewşa vîrûsê bişopîne. https://twitter.com/COVID_19NEWS

25. Çend rojan berê Li wir (li koreya başûr) jineka ku ew nexwaşiya lê hebû beşdarê perestîşên kilîsê bûybû.
Ji rûyê wê de gellek kes nexweş ketin û yekten hijmara nexweşên koronayê mezîn derket.
êdî nikarin pêşiyê jê bigirin. Bi evlahî Şoppîng moll, danişgah û gellek saziyên din hatin tetîl kirîn. Niha Li der zêde kes tûne ye. Îro sibe li metroya seûlê siyar bûm hema hema giştkî wala bû.
Rewş her ku diçe xirab dibe. Êdî ji her aliyên koreya başûr wekayên nû tên tesbît kirin.
Ji bo nexşeya ku rewşa dawî ya koreya başûr: Here lînkê

26. îhtîmalek mezin êdî li tirkiyê ye jî. li wanê behsa 3 nexweşan hat kirin lê paşê gotin di wan de vîrûs nehatîye dîtin. lê ji ber ku li îranê heye, îhtîmal pir zêde ye ku gihabe tirkiyê jî.

duh hevalek gerîya, got ajokerek yê qamyonan berî 3 rojan hat dikana me, xwarin xwar û got 3 hevalên wî ji ber gumana koronayê nekarîne tkevin tirkiyê vs. lawik digot niha gewrîya min diêşe û ez ne baş im.
welhasil, îro me lawik şand nexweşxaneyek mezin ji bo tehlîlê. îhtîmalek mezin wê paqij derkeve lê vê heftîyê an jî ya din, em ê daxuyanîya fermî bibîhîsin ku yekemîn nexweşê koronayê li tirkiyê jî hatîye tespîtkirin.

27. vîrûsa korona çi ye ?


vîdyoyê veke

28. Li silêmaniyê 4 kesan de test pozîtîf derketiye û 3 zilam û jinek de vîrûs hatiye dîtin.Ew kesan qasek ewil ji îranê hatine.

Li vîetnamê jî 16 kesên ku vîrûs hatiye dîtin , pak bûne.

29. vîrusa ku meriv dide mereqkirin ku çawa heta niha xwe negihandiye tirkiyê. *

30. vîrusa ku gihiştiye 70 welatan û nêzê 90 hezar mirov ji vê vîrûsê nexweş ketine. û heta niha 3 hezaran zêdetir mirov mirine.

31. Li gor agahîyên ku tên li îranê 23 parlementer bi vî nexweşîyê ketine.Hevaleke rojhilatî heye ,dibêje ev nexweşî wê bibe dawîya wan.Ji bo ku xwedê wisa dixwaze.

32. Bijîşkên rojhilatî bi govenda xwe amede bûne ji bo vîrûsa korona.
Here lînkê

33. li ser vê vîrûsê zêde gotegot hene. boşûbelaş, zana, textor filan bêvan... her kesek tiştek dibêje. yên boşûbelaş siktir ke lê mirov ji zanayan jî bawer nake. û van kerên li tirkÎyê her henekê xwe bi vê vîrûsê dikin. her ku di twitterê de dikevim tag a vîrûsa korona, aciz dibim xebera dikime wan û derdikevim. miletek ev qas çawa dibe yaw!?!? xwezî vîrûsa kerona heba û van kera bikuşta. .
(bnr: vîrûsa kerona)

34. Wezîrê tendirûstiyê yê romê mikur hat ku yek kes bi vê nexweşiyê ketiye. Ev kes hatiye karantîna kirin herwiha kesên têkiliya wan bi vî zilamî bûne jî hatine dorpêç kirin.
Îroj hemu rektorên zankoya dê demjimar 18 da bicivin bo vê vîrusê. Herwiha îroj çend zankoyên taybet jî betlane dane.niha gel dest bi xistina berdevka kirine.

35. heta demeke dirêj rojeva cîhanê û kurdan dê ev be.
tişta herî girîng şûştina destan e û divê her kes baldar be.
ji vê nexweşîyê heta niha zarok an jî ew kesên ciwan nemirine. piranî van kesên emrê wan li ser 70-80yî ji ber lawazbûna hûcreyan û sîstema laşî nikarin li ber xwe bidin.
lewma girîng e ku her kesê pêşîyê hay ji xwe hebe û paşê jî hay ji dê-bav û dapîr-bapîrên xwe hebe.

36. Bêxwedîkê emê ji tirsa wê bimirin *

37. Em ne koronayê em tirsa bimrin

38. nexweşê/a duyemin jî peyda bûye li tirkiyê. kifş e ku van rojan wê jimar nexweşan zêde bibe jiber wextê kurkbûna vîrûsê hêdî hêdî diqede.

39. û herwiha li tirkiyê hinek pêşgirî ji bo belavnebûna vîrûsê hatine kirin.

- dibistan hatin betlanedan,
- ji bo hinek karmend û saziyên dewletê qedexeya çûna derewelat hat dayîn,
- û hwd,

40. û herwiha jî aliyê partiyên kurdan ve li bakur pîrozbahiyên newrozê ya 2020an hatin betalkirin.

41. zûbizû guh nadim tiştên fîşalkirî. ji xeterên bi ihtimaleka piçûk zûbizû natirsim. lê belê ev yek zirava min qetand. ne jiber ku ji bo xwe ditirsim. zirava min qetya jiber ku min di jiyana xwe da tişteka weha nedîtîye. û min bawer nedikir ku heya mirinê bûyereka wisa çêbibe û ez bi çavê xwe bibînim.

do ez baş tê gihîştime ku ev yek tofanek li pêşberî me ye. (bnr: catastrophe) bandora vê vîrûsê (vîrûsa korona) ne bi tenê li ser tendirustî, li warê aborî, civakî, danûstandinê, siyasî, hilberînê û hwd, û yên din, û yên din... bandora vê vîrûsê hema bibêje dê li ser her tiştî çêbibe. Êdî dinya ne wekî berê ye, qey demekî nû destpê dike.

42. Li Tirkiyê Hejmara nexweşan bûye 18.

Li gorî îstatîstîkên rêxistina tenduristiyê ya cîhanê (who) jiber vê vîrûsê li cihanê 163 hezaran zêdetir mirov nexweş ketine û 5746 mirov mirine. Û li 146 welatan ev vîrûs belav bûye.

Çavkanî: Here lînkê

43. Vîrûseke êdî psîkolojiya me xirab kiriye. Xwedê me jê biparêze çi bêjim wa em nikarin xwe biparêzin.

44. Bûye sedema paqijiyê. Ji her derê bêhna qolanya û sabûnê tê. Hingî min destê xwe şûştibû îro min tiliya xwe danî ser mekînê, şûna tiliya min nedixwend, şûna tiliya min jê çûbû. Bi saya wê emê 3 hefta bêhna xwe bidin. De xwudê ji min û wê re mezin e.

45. Ew çi bu li me qe wimî? Pirî mala xera kirîye. înca bi rastî xelayî tê.

46. xetereyek gelek gelek mezin e.

korona derew e/118291


spoilerê veke

47. Mîjarên derbarê vîrûsa korona de weşanên bi zimanê kurdî heta niha 6 rûpel cîh li ser google girtiye. Here lînkê

ev jî tê vî wateyê ku lêgerîna û nivîsên bi kurdî pirr kêm in.Berê min nikaribû bi kurdî bigerîyama lê êdî ez gelemperî bi kurdî tiştan digerim.Dema kurdî bigerî divê bi zimanê îngîlizî da google'ê bikarbînî bo ku zêdetir tiştên bi kurdî têkildar tîne pêşberê te.

48. wezîrê tenduristiyê a tirkîyê gotiye kesa yekem ji ber vîrûsa koronayê giyana xwe ji dest da.

edît:serokvezîr na wezîr e , kes jî hişyar nake*

49. Rewşa nexweşiyê li Tirkiyê:
- 97 nexweş ketiye
- 1 miriye

Li cihanê:
- 184,876 nexweş ketiye
- 7,529 miriye

Here lînkê

50. Çiqa dibihure mirî û nexweş zêde dibin. Ya herî dawî min xwend digo 2 kes mirine ,198 jî pê ketine. Her kes ketiye hundirê xwe û dikan filan jî girtîne. Rewş ber bi nebaşiyê de dere. Ji mala xwe derneyên, haj xwe hebin.

51. vîrûsa ku bûye sedema nederkatina gel ji derve. xwe parastina herî baş mal de mayîn e, heta ku dermanê vê vîrûsê hat afirandin..başûr û rojava derketina derve qedexe bûye.hejmara mirîyên rojhilat û îrane herroj zêde dibe.derîyen sînor hatine girtin.balafirxane naşixulin.li cîhanê de kurbanîyen herî zêde îtalî ne.tê gotin wî welatî 3500 derbasbûyî ye.hejmarên mirîyên îtalî ê çîn ê derbasbûye.jı bo xwe,ji bo malbata xwe,jı bo netewê xwe divê gere mirov xwe biparêze.

52. (bnr: korona derew e)

53. Van rojan ji ber vîrûsa koronayê kitêba (bnr: albert camus) ya bi navê (bnr: the plauge) an jî bi wergera tirkî (bnr: veba) cardin ketîye rojeva dinyayê, ya xwendevanan û nivîskaran.

du nivîsên îngilîzî yên di derbarê vîrûsa koronayê û vebaya albert camus li jêr in.

Here lînkê

Here lînkê

54. mixabin li tirkiyê ji hemû dewletên din leztir belav dibe.
yek ji van sedeman jî ew ehmeqên cahîl in ku dubêjin korona derew e fîlan.
cahîl in, ji ber ku him nizanin, him jî haya wan ji nezanîna xwe tune û di ser de jî mîna profesoran diaxivin.
- korona derew e
- em misilman in, tiştek bi me nayê
- vîrûs nikare me tirkan
- em mirovên paqij in
- ev lîstikên dijminên me ne
û hwd.


ji ber ehmeqên wisa, vîrûs bi bedena wan belavî her derî dibe. rewş bi rastî jî ne baş e. rewş ji hejmarên fermî jî gelek xerabtir e.
vîrûs piştî ku dikeve laşê mirov, piştî demeke dirêj nexweşî xwe dide der. heta wê demê jî mirov li hemû derdora xwe belav dike. îhtîmalek mezin, mirovên wisa li tirkiyê vê gavê bi hezaran hene. di nava 1-2 heftîyan de wê hejmarek mezin nexweş bikevin nexweşxaneyan û nexweşxane bixetimin.

min behsa wan ehmeqên cahîl kiribû, newsa?

55. (bnr: pandemî)

êdî bûye pandemî û rê li ber nayê girtin. jiber vî qasî dewletên mezin dixwazin belavbûna nexweşiyê bi awayek hêdî û giran bêxin di bin kontolê xwe de, ji ber ku kapasîte û fonksiyonên sîstema tendurustiyê ji hedê xwe zêde nexweşan n,kare hilîne.

û herwiha hejmara nexweşan 250 hezaran û hejmara miriyan jî 10 hezaran bihûriye.

58. (bnr: vîrûsa koronayê)

59. Vîrûsa ku bi lez û bez belav dibe.li gor agahiyên min bi dest xistine hejmara kesên pê ketine li romê gihaştiye hezara.wer dixuye dê hîn jî bêhtir bibe. Hikumat hêdî hêdî hejmarê bilind dike. Dernekevin derve, yên ciwan dibêjin bi me nagire û dertên, law ma bi we nagire îja hûnê werin malê dêbavê xwe, kal û pîrên xwe pê bixin.heşê xwe bi serê xwe din, li malika xwe rûnên.

60. bi sedan kes pê ketine û aşkereye ku wê gelek kes jê bimirin li tirkiyê, ji riyê nezan û bêaqilan da tiştên xirab tên serê meriv, ji ber vê yekê baştire qederekî mirov li mala xwe bisekine û dernekeve derva.

61. Kesik min bawer nekir, digotin fikra te tirt û wala an ji tespîtek peradayîye.
Werin kerem bikin wî zilamê guhdar bikin.
https://www.facebook.com/314483922066046/posts/1608740532640372/?extid=GaGFK3h5HW5XRJsD&d=null&vh=e

62. (bnr: covid-19)

63. Li romê hejmara miriya gihaştiye 21 a, hejmara kesên pê ketine jî bûye 987. Li gor pispora kesên pê ketine 10 qatê vê hejmarê ye.

64. Haya nivîskarê ku ev mîjar vekiriye dibe ku nizanibe mijarek wiha jixwe heye
(bnr: vîrûsa koronayê)

65. korona nîne, çewt e, tenê tirk wisa dinivisînin, navê wê yê rastî (bnr: coronavirus) e

66. Ka korona hebu, qayyum ji bo çiye?

67. Hûn tirkî aciz dibin, lê belê îngilîzî aciz nabin '' em çima corona binivîsin? ''
Bila em ș'yê jî bikin sh
Bila em ç' yê jî bikin ch
Ji ber ku tipên tirkî jî hene.
Ma na be?
Birêz @afa

68. malpera worldometers rewşa dawî ya vîrûsa koranayê bo hemÛ welatan parwe dike. Here lînkê
di nav lîsta wan de welatên ne-serbixwe mina saint lucia, cayman islands, palestine jî hene. lê kurdistan tinne ye.
dive navê kurdistanê (başûr) jî êdî di lîstên wisa de her tim hebe. bi wê sayê dinyayê zêdetir hînê navê kurdistanê bibe.

69. ji rûyê vê vîrûsê heta niha hejmarên yê ku mirine 20 hezarî derbasî bûye,hejmara yê kû tuşî vê vîrûsê bûyîne jî nêzî nîv mîlyon kesin!!!
xwedayê dilovan me hemû mirovên cîhanê biparêze.

70. bobeletek pir mezin e.
heta xelas bû wê bi xwe re bi sedhezaran mirov bibe. wisa xûya dike.
dawiyek hêwilnak li benda dinyayê ye.

71. Agir bi dinyayê xistiye. Ez jî di nêv de. Îroj şûnde têkiliyê min wê zêdetir be. Mijarek wek pêşniyara jî hebe wê xweştir be.

72. Wê bibe sedema krîzek global û di sîstema navneteweyî de guherînên girîng bi xwe re bîne. Reaksiyonên ku dewletên mezin didin dê piştî pandemîyê cihê wan ên nû di nav vê sîstemê de kifş bike.

Û herwiha ev nexweşî qelsiyên di nav pergala birêvebirina dewletan û hikumetan de jî derxistin holê. Û wê ev jî bibe sedema jêpirsînên bideng ên ji aliyê girseyên mezin ve. Yek ji van jêpirsînan jî ew e ku heta niha çima bi milyaran serwet ji bo tiştên leşkerî hatiye xerckirin lê ji bo teknolojî û kapasîteya pergala tenduristiyê zêdetir pere nehatiye dayîn.

Li vir bill gates di sala 2015an de di axaftineka xwe ya tedê de li ser mijara xetereya pandemiyek cihanî diaxife û qala qelsbûn û nebesbûna sîstema tenduristiyê ya navneteweyî dike û dibêje sibe dusibe pandemiyek biqewime wê bi mîlyonan însan bimirin. Lê tu kesî guhdarî gotina vî camêrî nekiriye mixabin.



vîdyoyê veke

74. Hîna destpekê de malik li tenduristvanan şewitandiye. Li çavderiya domdar dişixulim em jî dikevin nav "nexweşxaneyên pandemiyê". Çar nexweşên bi vê şikê heye me test ji wan şand lê ev sê roj e hê encam nehatine. Em newêrin herin mala xwe. Ger encam pozîtîf derkeve wê ji me jî ornek bistînin û bişînin. Hê tu semptom li cem min tuneye lê dixwazim tomografiyek pişikê bidim kişandin û nizanim beyî semptoman heftak bes e an na. Loma min biryar daye du-sê rojên din jî bisekinim. Belkî heta wê çaxê encamên nexweşan jî were û em zanibin çi li pêşiya me ye.

75. bobelateke mezin e...
li gorî îstatîstîka daneberhevdana îtalya û tirkiyê rewşa tirkiyê ji îtalyayê xirabtir e.
di roja 16an a eşkerbûna covîdê de li îtalyayê 1701 nexweş û 41 mirî hebûn li tirkiyeyê jî 3629 nexweş û 75 jî mirî hene mixabin.
doktorên wek canan karatay, oytun erbaş û yavuz dîzdar ji vir heta du sê hefta beriya niha jî derdiketin televîzyonan û digotin li tirkiyê ti tişt bi me nayê. bi taybetî oytun gotibû di kişwera behra spî de yanî li derdora behra spî de dê ev vîrus zêde belav nebe. lê me dît ku li îtalyayê hejmara mirîyan ji çînê jî zêdetir e û her roj bi sedan mirov dimirin. mixabin oytun gelek populer bû. hama bêje mîna popstarekî ji qanaleke radibû hê qûna wî ziwa nebûyî diçû qanaleke dî loma tesîra gotinên wî yên derê zanîstî li ser civakê çêbû. gere dîplomaya her sê doktaran jî ji wan bên girtin û nema karibin doktoriyê bikin. hê jî civata me bi pirranî hay ji giringiya vê vîrusê nîn in.
ez bawer im li kurdistanê gelheya nexweşan dê bigihêje sed hezarî.

dewleta tirkiyê jî hem ji ber aboriya xwe ya qels hem jî ji ber rêlibergirtina sistbûna desthilatdariya akpyê hê jî pêngavên sereke neavêtine sed mixabin belkî heta saleke dî bi milyonan welatî li ber vê nexweşiyê bikevin.
ez jî xanima min jî em di sektora tenduristiyê de dixebitin ji loma ez halê hazir nezaniya xelkê her roj dibînim. xeber nakeve serê wan, ji bo ku serê wan diêşe tên doktoran, li ber mala min bazar heye heftaya borî min lê nêrî heta devê derî însan hebûn.

76. Bobelateke mezine ku hêj gelê me girîngiya wê fêm nekiriye. Hêj li navçeya me weke ku tiştek tune be hemu dikan, kargeh vekiri ne. Bazar bidev re ye. %80 gelheya welat çi jî bikin dê pê bikevin. Ev rastiya vê şohbê ye, lê ya gring heta ji dest mirov bê divê xwe biparêze û xwe ji der û dorê xwe xalî bike. Da ku dereng bi vê nexweşiyê bikeve. An jî xwe di nava %20 î de bihêle.Çi qa dereng pê bikevin ew qas baş e. Ji ber heke hemu kes carekî de pê bikeve pergala tendirustiyê dê neçar bimîne û bikumuşe. Û bila guh nedin vanê dibêjin simaq, biyok, hinguv hwd. Derman e. Her carê yek dertê dibêje peyamger hatiye xewna min û dermanê wê ji min re gotiye. Ese ese guh nedin van sixtekaran.

77. Dirana min diêşe dibêjim ji ber corona ye, serê min diêşe dibêjim ji ber corona ye, piçek xwe bêhal hest dikim dibêjim aha ez mirim.. heke ne ji ber vîrûsê be jî, em ji ber psîkolojî ya xwe ya xera bimirin elawekîl.

78. Her roj vîdyo û parveyên derbarê koronayê de her diçe zêde û balkêş dibin.Xwedê Kurdan biparêze.

79. Navê tevahiya vîrûsên "covid-19, sars û mers"ê ye.

80. vayroza Koronayê pir xeter e. Lê mixabin kes ji vê yekê ne agahdar e. Neagahdariya kesan jî ji bo aboriya wan e. Nexweşî wê gelekî belav bibe. Bi xwe parastina kesane pêşî li vê nexweşiyê nayê girtin. Xuya ye dewletên li ser rûyê cîhanê giş kapîtalîzmê diparêzin. Nikarin heyvekê bacê ji gelê xwe nestênin an jî standina bacê heyvekê paşve bixin. Dîsa çareseriya herî girîng xwe parastin e û mayina maldeye.

81. Hejmara nexweşên li Tirkiyê û bakurê Kurdistanê gihiştiye 10 hezaran û hejmara miriyan jî gihiştiye 131an.

Here lînkê

82. vîrûsa ku îtalya, îspanya, amerîqa û fransa daye pey xwe rapêç kiriye diçe

83. Virûsa ku Tirkîye ji bo pera kampanya çêkirî ye.

84. Her tişt li alîkî dibêjin ji ber ku piştî belavbûnê vê vîrusê xelk li malên xwe ne, qirêjîya hewayê jî gelkî daketiye. Dinya jî ji xwe re bêhnek girt

85. Niha li romê hejmara kesên pê ketine gihaştiye 15679 a, hejmara miriya jî bûye 277.

86. rêjeya berbelavbûnê pir zû bilind dibe. hikûmeta tirk naxwaze (nikare) barê qedexekirina derketina kolanan hilgire û budçeyek bo pêwîstîyên gelê xebatkar terxan bike. Herkes diçe kar lewma korona wek ba belav dibe. Heger Çîn ji xwe re bikin mînak rêbazên wan bên sepandin û qasî heyvekê derketin mînîmîze bikin wê ev bela ji stûyê me vebe. Lê vê dewletê çi karek qenç kirye da ji vê qrîza global rûspî derbikeve. hêj wek parsekan pere ji milet dixwaze. Çi dewletek pîsek, rezîl û xwînmije.

herî zêde dilê min ji bo bijîşk, hemşîre û xebatkarên tendirûstîyê diêşe. Ew sax dikevin rîska nesaxîyê. Hêvî dikim bi kêmtirîn mirin em ji vê vîrûsê rizgar bibin.

87. belavbûna wî pirr pirr hêsan e bo ku gel vî yekê fêhm nake.Bi rastî min jî fêhm nedikir , lê piştê dîtina tûşbûna kesên navdar ku şewbayê ketine min fêhm kir, ev pirr hêsan belav dibe.Ji bo ku li ser tiştan ve digire û zû zû jî pûç nabe.mînak li ser tiştên plastîkî heta 72 saetan disekine.Kesên ku li derva devê wan vekirî digerin , ew kesên ku fêhm nakin e.
Ew kesan , ji derve bi rêya bêhnvedanê nebe jî şexbaya ku cil û kinc û serê van ve digire tînên mala xwe derbasê kesên din jî dikin.
(bnr: xemsar)

88. Ez bawer kena bi eno halê xwu do nêweşî hemî ca de vila bo. şarê ma qet aqilê xwu nêgêno serê xwu. şîret zî ên rî feyde keno! homagirteynî nêzanî vîrûs çî yo, feqîrê homayî nêzanî xwupawitiş çî yo.

Ez xebera ra ewnêna Merdim qarantîna ra remayo. Hey kêmaqil! Ti xwu nêfikirênî dor û dormarê xwu bifikiri. Maya xwu baw û bapîrê xwu bifikiri.

Homa ma na nêweşîya pandemî ra bipawo, vernî de hiş û aqil bido ma.

89. mixabin bûye sedema mirina xoceyê me yê pir pir hêja, prof. dr. cemil taşcioglu.
camêr dr.house'ê fakulteya tibê ya stanbolê bû.
yekemîn nexweşê koronayê ya li tirkiyê, li cem wî muayene bûbû. bi vî awayî vîrûsê vegirtibû. ev ji 10 rojan zêdetir bû ku entube bû. berî çend saetan çû ber rehma xwedê.

tu xwendekarê fakulteya tibê ya stenbolê tune ku wî nas neke û jê hez neke. xwedê rehma xwe lê bike.

90. hewce ye ku derketina kuçe û kolana qedexe bibe

91. li dinyayê hejmara mirovên ku jiber vê vîrûsê nexweş ketine bûye 1.1 milyon û yên mirine bûye 60 hezar.

li tirkiyê û bakurê kurdistanê hejmara nexweşan bûye 20 hezar û ya miriyan bûye 425.

nexşeya koronayê ya zanîngeha john hopkinsê: Here lînkê

92. Esselamu Aleykum
Gelî tirşikvanan;

Koronavîrus belayeke, bobelateke ji aliyê Xwedê ve hatiye şiyandin e.

Pey de bi tinaz kirinan, bi henekan, bi kenînan wê pergandin. Kengî li tora medyaya civakî dinêrim henek kirina bi vê babetê û pêkenî.

Temam bes, besss...

Aya hîç ji vê rewşê, ji hêrsa(xezeba) Xwedê ditirsin nîn in?
Bela û bobelat bûye tiştekî hêsan.

Tirane kirin, bi taybetî li ser vê mijarê yekcar karê şeytên e. Û ev rewş nîşaneya hişkbûna dil e.
Xweda wisa ferman dide:

''Qet nebe di gava tengasiya ku em bo wan ecibandîbûn gihîştibû wan, lava kiribana. Lê dilê wan hişk bû. Çunke şeytan ji wan re kirinê wan bi xeml û xweş nîşan da.''
(6, En'am: 43)

Em tiştên li derdora me rû didin qey nabînin? Nexweşan, miriyan nabînin?
Gelo em li benda çi ne?
Li benda bobelateke mezin de ne ji asîmanan bihê xwar û me ji hal de bixe ku fêre jê derbixin û ji Xwedê lêborîn bixwazin?

Misilmanan li hember karesat û bobelatan çi divê bikin qey nizanin?
Divê misilmanan li hember bela û musîbetan; bi tobe kirinan(bi hişê xwe nûyandinan), bi dirozan(bi du'ayan) û ji Xwedê lava kirinan hewar dabixin.

Û tu!
Kesên vê rewşê bi henek, pêkenî û kenawerî re belave dikin...
Bi te re hest nîn e, dil niye, pejn nîn e.

Perwerde rawestiya, sînoran hatiye girtin, deriyên mizgeftan hatiye dadan, Nimêja Înê û bi civatî nimêj kirin rawestiya.

Bangbêjan dibêjin limêjên xwe di nav malên xwe de bikin.

Ummet ji hevdû veqetiyan...

Mirovên li rûyê erdê dihîn fêre ji vê dernexistin.

Aya Xwedê bi vê bobelatê hêrsbûna xwe ji me re ragihand?
Qey ev bobelat e bergîdana kiryarên ku em bi destên xwe ked kirine?

Ew hişyarî ye, hişyarî!

Tişteke gelte pê kirinê niye!

Xwedan wilo radigîne:

''Heyf çi heyf e li wan bendeyan! Her resûlê(pêxemberê, peyamê, şandiyê, hinartiyê) ji wan re hatibê, nebûye ku wan hey pê tinaz nekirine.''
(36,Yasîn: 30)

Resûl ji bo rast kirina riya xwe ne hişyariyek e? Nexweşî ne ji hişyariyê ye?

Ev ayet ne tenê bi taybet ji bo Resûlella hatiye hinartin. Bi rastî ev ayet hemî peyamberan digre nava xwe.
Wekî bi gotina Xwedê:

''... . Em hey bi mebesta hişyarîkirina bi tirsandinê beratên derhoze dişînin.''
(7, Îsra: 59)

Ku îroj netirsê tu wê kengî bitirsê?

Li gel dirozên(duayên) umêdwar yên ji Xwedê daxwaz kirî ji yekî re kesayetî peyde kirin jî pêwîst e.
Ev kesayetî jî bi tobe kirinê(bi hişê xwe nûyandinê) û bi kirina kiryarên baş pêk were.

''... . Xwedayê me! Me xwe bixwe zilm kiriye, heke tu li me neborînî û tu li me nayîrînî bi vebirî emê bibine ji wan kesên windakiriyan.''
(7, A'raf: 23)

Xwedayê me, me ji kesên îstixfara xwe anîne bike.

Xweda wisa radigihîne:
''Bêguman emê berî ezabê mezin(berî ezabê axretê), ji ezabê hindiktir(ji ezabê dinyê) bi wan bidin çêjandin( tam kirin), hêvî heye ku vegerin.''
(32, Secde: 21)

''Bi sedema ku mirovan bi destê xwe (guneh) ked kirine, tevdanî( fesadî, xirabî) di reşayî û deryayê de xuya bû, dibe ku wan ( ji kirinên xwe) pey de bizivirin, (Yezdan) hinek ji kirinên wan bi wan bide çêsandin(ta'm kirin).''
(30, Rûm: 41)

''Û heke (civatê wan welatan) bawer kiribûbana û bi berpirsyarane tevgeriyabûbana meyê li ser wan de zêdehiyê ax û ezmanê li ser piştê vebikira lê derewandin. Êdî me jî bi sedema keda ku wan kiribûn, wan hişk pê girtin.''
(7, A'raf: 96)

Xwedayê me, me ji wan kesan bike ku bi tobe kirinê xwe arasteyî te kirine û me bixe nav wan kesan ku xwespartiyeke bidilsozî xwe spartine te.

Tu mezin î û tu ji hemî kêmasiyan dûr î.

Yezdan wilo ferman dide:

''Haydê, bo kêmasiyên xwe lêbprîna xwe ji Xwedayên xwe bixwazin. Û paşê bi tobe kirinê(bi hişê xwe nû kirinê) xwe arasteyî Xwedê bikin; ku Xweda jî heya wê danê(demê) navdayî we bi awayeke xweşik bide jiyandin û ji hemî bêhnpakan re bergî bêhnpakiyên wan bide. Û heger hûn berê xwe jê biguherînin, êdî (hûn baş bizanin ku!) ez ji wê şapata roja mezin, ku bi ser we de were, ditirsim.''
(11, Hûd: 3)

''Ji Semûd re hemnîjadê wan ê Salih şiyandin. (Salih) Got ku: ' Gelê min!', tenê ji bo Yezdan re perestî bikin, ji Wî dîtir Xwedawend tine (ku hûn djê re bendetiyê bikin). Ew e hûn ji ax afirandiye û ji we re behreya avakirina axê pêşkêş kiriye. Hingê ji bo gunehên xwe lêborîn hey ji Wî bixwazin û bi hişê xwe nû kirinê( bi tobe kirinê) berê xwe bidin Wî; çimkî Xwedayê min (ji kesên berê xwe vegerandine Wî re) nêzîk e, tekane mercî Ew e ku dirozan(du'ayan) qebûl bike.''
(11, Hûd: 61)

Xwedayê me, em tobe dikin. Tobe û du'ayên me qebûl bike.

Eger kesên serpêhatiyên û encamên mirovên ku berê me jiyan kirine tatêl dikin hebin, teqez;

Ji sûreta Ta Ha(20) ji ayeta 100ê heta ayeta 135a (heta dawiya sûretê)
û
sûreta Îbrahîm(14) ku ji bi 52 ayetan pêk tê

Bixwînin.

Belku bîst deqîqe bi xwendina wan naçe lê jiyana we biguhere û jiyana we watedar be ku Xwedê bike.

Li gel silavên germ.
Bîmînin xêr û xweşiyê de.

93. Vîrûsa ku bûye pêlîstok bo hemû hişmendiyan. Her hişmendiyek sedema hatina vê nexweşiyê bi awayekî bi xwe ve girê dide. Bisilman dibêjin, ev nexweşî bo ceza kirin û bal kişandina xeteriyê mirovan ji aliyê xwuda ve hatiye şandin. Komunîst dibêjin, bi vê nexweşiyê, rewşa pergala kapîtalîst derketiyê holê û bi vê pergalê jiyan nameşe, divê dewletên kapîtalîst heşê xwe bi serê xwe din û li sosyalîzmê vegerin.
Wer hasil hemû hişmendî wekî ku di dîrokê de kirin e, îroj jî dîsa dixwazin kirîzên gerdûnî bikin firsend ji xwere, lê wekî ku ji kesê aqilmend re jî kifş e ku ev vîrus nexweşiyeke ji nexweşiya ye û ne cara yekem e, dihê serê gerdûnê.
Em mirov dibên qey di fezayê de tekane zîndewer in û ev hemû feza li dora me digere. Lê mixabin ne awha ye. Mirov jî cûreyek ji zîndeweran e ku li ser ruyê erdê dijî. Ev gerdûn bi milyona sal e digere û mirov jî hew tenê 60 hezar sal e li ser vê gerdûnê ne.yanê gerdûn mayinde ye , zîndewerên li ser wê diguherin. Mixabin û sed mixabin heke qira mirovan jî bê , gerdûn dê dîsa weke xwe berdewam be....

94. Here lînkê

95. rewşek pir nexweş e xweda alîkarê me be bi taybetî yên ku bê dewlet *


sazkirina jêr: Min rêzefilma the walking dead xilaskir lê seasona 10mîn hêj min peyda nekir*, paşî min bi versiyonek din a bi navê fear the walking dead destpêkir. bawer bikin min bêhna xwe teng kir bi wan filman we.

Ferz bikin ku ew sîstema niha em tê da bi temamî herifî ( (bnr: têkçûyîn) û em wegerîn jiyaneke bê qontrol. Ne leşker/asayîş ne dewlet/dadgeh hene. Çikesê jî hay ji çikesan an Jî çi erdan tune be. êca aliyekê lêgerîna xwarinê aliyekê xwe parastina ji diz û talankeran ji kujeran... insan li ser hebûna xwe dîsa pisyaran dike ez çi me, kî me, gelo ew çi rewş e, em çi dikin, çima wisa lêhat û em ê çi bikin... di wê halî de jiyana berê û rewşa niha di mêjiyê mirovan da lihevdixin hinek wenda dibin hinek ser dikevin hinek bindikevin. tiştek esil jî ew e ku jiyan wek berê nabe. Lê dîsa jî bi şiklekê mirov rêya xwe peyda dikin.

Di wê rewşa niha de jî çi bibe bila bibe ger benî adem(bnr: human race) sax bimîne, wê rêyekê ji xwe re dîsa peyda bike. ku rewş zêde giran an jî siwik ferq nake insan dê he xwe biparêze û jiyana xwe berdewam bike.

96. Bi xêra vê vîrûsê carina xwe weke dîstopyayekî de hîs dikim ev demeke her çi qas min xwe zêde îzole nekiriye jî ji gelek tiştan.
Min xwest fîlma pandemî temaşe bikim ku dinyayeke ya rastî Amerîkayeke ji ber vîrûseke li ber manûnemanê teswîr dike, min nekarî bibim serî ji ber ku zêde karîkatûrîze hat, min fêm kir ku tiştek heta ku rastiya wê ya bel û berbiçav heye çîrokên pevxistî tu tamê nadin.
Bi xêra Vîrûsê min hay ji gelek rastiyan çêbû.
- xwûdê heye û wê rojekî bi rastî jî bela mirovên jirêderketî ji binê lingê wan bide wan!
- mirov û dinya di nav ahengeke zêde zêde zîz û zirav de diçin û tên. ev nefs û xawên û serxweveçûna mirovan wê bibe serê sebeba wan û dinyaya tê de dijîn.
- sektora tenduristiyê bi kêrî seriyek pîvaz nayê, digel hemû pêşveçûnên teknîkî hîn jî nekarîne serwextî can û cesedê mirovan bibin.
- hemû dewlet di serî de jî dewletên mezin ji bo parastina sermiyan û sermiyandaran heye, xelkê ji rêzê ne xema wan e, li ber mirina xelkê na li ber têkçûna sîstema nexweşxaneyan dikevin.
- dewlet ku mirovên rêkxistî ne hemû enerjiya xwe ji bo berhemînana çekan li dijî hev dimezêxin li hemberî felaketên rastî hîç amadekariyek nekirine. ji bo forsê ketine nav rikberiywkî ji bo bidin pêşiya hev di çûn û vegirtina heyv û stêrk û galaksiyan de lê hîn hay ji qûa xwe ya tazî nîn in, Vîrûsek nanometrîk dikare tirrê ji qûna hemûyan berde.
- rabûna sînoran tev derew e! ya rastî tim derew bû tenê Kurdên ker yên xweliya amarayê bi serê xwe de kirine li ber hatibûn.
- mrov bi tenê ye, tenê tê, tenê dijî û tenê dimire!

97. Vîrûsa ku kifş e di vê meha avrêlê de wê berbilavtir û geştir bibe. Sîstema navneteweyî wê çiqas û heta kengê li ber xwe bide nizanim lê ezmûnekê mezin dide niha.

99. vÎrÛsa ku neçalakbÛna bijîşkên tirşikÊ berçav kiriye. mixabin bijÎşkên tirşikê di vê ezmûnê de di polê de man. bi qasî ku ji dest wan dihat raya giştî û tirşikvana agahdar nekirin. herwiha kesÊn dibÊjin korona derew eji baş serwext nekirin e. her çend hewl dane çend agahiyan bidin jÎ bi ya min ev agahî û hewldan kêm û lawaz mane. ji xwe derketina kesÊn ku ji vÊ vÎrÛsê bawer nakin jÎ vÊ idayÊ piştras dike.

100. jiyana hemû kesî guherand. ji zarokê 1 salî heta, zilam an jî jina 80 salî, jiyana herkesî giherand.
beriya 2 heftiyan kê bawer dikir wê rewş bê vê astê.

wisa xûya ye ku wê hê gelek bidome û wê bibe mirina gelek kesan.

101. li îtalîa êdî xelq di malê xwe de dimrin , meytê wan dibe berete .

law corona te me zevt kir di vê dêndar bûnê de .
bêdadê , zalimê

102. Hejmara nexweşan li dinyayê bûye 1.7 milyon û li Tirkiyê û bakurê Kurdistanê bûye 52 hezar.

Hejmara miriyan li dinyayê bûye 107 hezar û li Tirkiyê û bakurê Kurdistanê bûye 1101.

Piştî bûyera diho ya li Tirkiyê qewimî, kifş e dê hejmsra nexweş û miriyan zêdetir û berbilavtir bibe.

Here lînkê

103. Ev vîrus bûye toqa nehletê ketiye sitiyê mirovan, ez bawerim pirahiya mirova pê ketiye û derbaskirine jiber ev nexweşîn 2-3 meh zêdeye heye dema nû derket taxê qewlî bavê teyar me jî para xwe û zarokên xwe bir malê û me qedand. dema li çînê ev mîqrob derket eynî wan roja serê min keliya,heraret rakir, serê min êşiya pozê min bû çemê nîlê gewriya min bû çola sehrayê û her kuxtek zirtek pêre, laşê min wekî qeşa antartîqayê dikim nakim germ nabim roja ewil wiha didomiya min lîmon û çay û nehna ter û hingivê sexte di cîhê şekirda kire qedehek çayê êdî çewa têde bi cî bû nizanim min vexwor nîv seetek derbas bû limin girankir ez bûm wekî miriyek birêde here bûm term min dev ji kar berda ez çûm malê nizanim çewa çûm malê û çewa bû şeveq jixwe ev nexweşîn li alîkî êşa diran li alîkî û ez jî li alîkî ez bawerim eleqeya vê nexweşînê û diran jî bihevre heye werhasil piştî nixamtinek baş ez şeveqê piçek başbûm min çû pakêtek hebên kedewê a bi navê (bnr: katarin) ev pir başbû ez bûm wekî bizmar vê carê min li nexweşînê girankir lê jiber çixarê û jiber vê seqemê ava min derxistibû êdî kuxikek ziwa her dikuxim qirka min diêşê dengê min bû wekî dîkê qîlqîlo, bu bire bira min bi taybetî bi şev dengê min qelew dibû heftekî wiha domiya hefta dudiya û sisiya jî bi hişê xwe natim edî hêdî hêdî başbûm
Ez texmîn dikim ew korona bû lê min got jixwe hersal salê carek serma distînim ev jî ewe min cîdî negirt min zanibûya meyê du kapa jihevra bavêta oxira wê nebixêr bikira

Ez bawerim pirahiya mirova carek derbas kiriye jî pê ne hisiyane dibêjin şofe


Her wiha ev vîrus jî lutfek xwedaye, xweda hatiye rehmê ji mirovahiya fehşbûyîre lutfa xwe nîşan daye. wê mirovahî rojek baş nebîne ji niha pêde ev niha rihmete ji mirovan re wê mirov li van rojan bigerin vê vîrusê keys û dersek xweş da, dide û wê bide nemirova, hê wê xwedê were xezebê jî ka ev çiye.. êdî jiyan herama li rojên xweş negerin. Xwedê hesabê xwe distîne hesabê wî seriye. Ka rojên pêş çi tê serê mirovên têr û tor û fehş emê bihevre bibînin

104. şewba hê li tirkiyê giringiya wê nehatî fêm kirin e.
sedema wê jî elbet rêvebirên vî welatî ne.
rêvebirên hemû welatan derketin, bi awayek net û eşkere gotin mesele pir cîdî ye, wê bi sedan hezar kes bimire felan. boris johnson got wê gelek malbat hezkiriyên xwe zû wenda bike. trump got bila xwedê emrîkayê biparêze.
ên vî welatî derdikevin dibêjin, belkî em vê yekê 3 heftiyan de biqedînin, rewşa me pir baş e û nizanim çi.
çima tu rastiyan nabêjî. çima nabêjî li gor texmînên me, wê hinek rojan 300-400 kes bimire. belkî wext were rojê hezar kes bimire.

hê, li vî welatî ên ji corona'yê bawer nakin hene. welhasil çi bê serê me em heq dikin.

105. Her kes tiştekî dibêje ji wê vîrusê.Bê gûman sedama wê jî heye.ew sedem çi ye?hinek dibêjin yek Hechecîkan xwar mir û ew vîrus belav bû. Hinek jî dibêjin ew vîrûs destê însana hatîye amedekirin.Her du jî çikasî rast e jî, xwarina Hechecîkan çava belav bû min pir meraq kir. Çinê
Her roj dixwarin tişt ne bû anha bû û wê dinya yê bele. Gelo hûn bawer kirin? Gelo hûn bawer dikin ku destê İnsanan ew vîrûs bê amadekirin? Ew jî ne Mûnkûn e. Ji be ku genetîka vîrûsa nayê lîstin. Yanî ew vîrûs nav mirovan berê hebû.Her çikasî mirov xwe ditirsîn e û xwe Îzole diki ji ber wê vîrusê û devlet ji bo vîrûsê têkoşînek mezin didin.
Û ji bo wê vîrusê dimrin lê ez ne bawerim ku mirov ji wê vîrusê bimrin. Bêguman ecelê xwe bi kurtasî îzna Xwedê dimrin.


vîdyoyê veke

106. ev vîdeo nîşan dide gava ku vîrus digihîje meriv, çi dibe, çawa dibe, çi tê serê meriv
keremkin


vîdyoyê veke

107. vîrûsa ku derfet daye herkesî ku propagandaya bawerîyê xwe bike.

ji wê rojê û vir ve ku talûkeya vîrûsê giha tirkiyê, heçî yên ateîst in, dibêjin we dît?dînê we kêrî tiştekî nayê. wê dîsa zanist we xelas bike falan fîlan. tê bê jî qey misilmanan gotine derzî derew e, maske ne hewce ye û hwd. heta di rastîyê de ew ê ku digotin ev vîrûs ji bo tirkiyê ne talûke ye û girîngîya wê tune, yên wek doç. dr. oytun erbaş, prof. dr. canan karatay û prof. dr. yavuz dizdar bûn ku cananê nizanim lê li gorî texmîna min herduyên din ne misilman in.

em werin misilmanan: îja ew jî propagandaya xwe dikin: xwedê teala digot destê jinan negirin, we guh neda û vaye ji ber vîrûsek biçûk, hûn êdî nikarin destê xwe lê bidin. we digot qey hûn gelek quwet in lê vaye derket holê ku teknolojî û zanîna wê nake pênc qurîş falan fîlan.

çi yên bawermend çi yên bêbawerî, dema parvekirinên wek yên li jir dibînim: dilê min ji wan mirovan dixele û berê xwe ji wan vedidim.

çepgir jî vê yekê dixin stûyê kapîtalîzmê û dibêjin wê ev vîrûs dawîya kapîtalîzmê bîne fîlan. erê, ji ber ji ber zêdebûna nifûsa mirovan û ji bo pereyan, mirov zêde zêde ketina nav jîyana heywanan û mala wan xerab kirine û sedemeka derketina vîrûsê ev e lê belê mixabin ev vîrûs ji welatekî komûnîst derket. dema tu wisa bêjî, wê ji te re bêjin komûnîzma rast ne ev e.


hinek jî vê meseleyê wek tolhildana xwezayê, didin nîşandan lê belê ev jî pûç e. berî bi hezaran salan jî vîrûs an jî şewbên wisa derdiketin. ma wê demê jî teknolojî hebû, petrol hebû, enerjîya nukleer hebû, fabrîqe hebûn, cih li heywanan teng bibû?
bêguman na.


komek din jî heye ku vê şîroveyê dikin: vîrûsek demokratîk e çimkî me hemûyan kir wek hev. lê belê ev îdîa jî ji binî ve pûç e. belê herkes dikare bi vê nexweşîyê bikeve, lê jixwe hemû nexweşî wisa ne. ferqa di navbera mirovan de, derfetên wan in ji bo standina tedawîyek guncan. yanî erê dewlemend jî nexweş dibin lê îhtîmala mirina wan, ji feqîran kêmtir e muheqqeq.


lê ev îdîaya ku piştî vîrûsê wê dinya êdî ne dinyaya berê be, rast e. belkî wê ewropa belav nebe lê bawerîya wan ya ji bo hev û hevkarîya wan wê gelek bêtir sist bibe. wê amerîka hilneweşe û ji quwetê nekeve, lê îmaja wan ya "serokê dinyayê" wê gelek lawaztir bibe. belkî wê gelek dewlet çînê sûcdar bikin û an tazmînatan bixwazin an jî ambargoyan dênin ser. di hilbijartinên amerîkayê de, destê trump gelek lawaz bû ji ber vê nexweşîyê. wê bandorek gelek mezin li ser van hilbijartinan bike û belkî wê ev yek bandorek mezin li ser meseleye rojavayê bike.
tirkiye jixwe di krîzê de bû, ev mesele krîzê gelek kûrtir dike. him ji alîyê sîyasî ve him jî ji alîyê ekonomîk ve wê tirkiye belkî êdî nekare di nav axa surî, iraq û lîbyayê de bimîne.

ev tenê texmîn in tabî belkî encamên ji texmînên me gelek cûdatir jî derkevin holê.

108. Malbata koronayê hatî ye ew vîrûs lê medya me tirsekî mezin xistî ye dilê me û wek fîlmên Hollywoodê de ji mere par ve kiriye.
"Lê bila em statîstîk bidin kesên ku dibêjin li italyayê mêze bikin

Temenê navînî yê kesên ku li Italytalya mirine 79.5 e

û hetta yên ku mirine ne tenê pîr in, di heman demê de pîr û jî kesên bi yek an jî zêdetir nexweşiyên kronîk re ne.

Ji sedî 99 ê kesên li Italytalyayê mirine nexweşên kronîk in

Zêdetir îstatîstîkên din hene ku dibêjin ev grîpê wekî ku tê gotin xeternak e. naha ez ê hemûyan li vir parve nekim.

Lêbelê, tirsek mezin bi zanebûn li dinyayê hate xistin. Bi şîroveyên ku di medyaya kevneşopî û civakî de hatine çêkirin, ev tirs bi eşkereyî mezin bû û bêîstîkal bû. Ez nizanim gelo ew pargîdaniyên dermanxane ne yan jî hewldanên kesek din e. lê ji bo niha ew serketî bûne. Ka em bibînin ka dê ji bin çi bibe.

109. Dermanê wî tînere, tînera selolozîk wekî hun zanin an nizanin tiner qat qat ji qolonyayê bi tesîre xwe pê desenfekte(biparêzin) bikin. Jiber ez çapkarê cila me dinava tînerêde emrê min derbas bûye min gelek caran kişandiye jî (di pozê xwede) ez tînerê baş nasdikim nava dilê meriv paqij dike, devû pozê meriv vedike kezebameriv dişo hênikdike.. ez di dawiya emrê wede we nekim muptezel û muptelayê tînerê : )

Hişyarî: divê tînera sentetîk nîn be, belê sedî sed çareseriye lê zêde bikarhanîna wî jî nebaşe weki hertiştî, û ne tiştek xwarinêye meriv bi deva naxwe, bi poza bîn dike piçek dikşîne û hew maddeyek bi talûkeye agir pêdikebe di qabek girtîdebe nêvzî agir bibe diteqe agêrê wîjî heta tînera wî ne fire natemire dûyê wî jî pir pîse û madeyek serxweşî dide (3-5-10 dk qafa dide we halisunasyana dît normale) û ev madde an hişber meriv bi xweve girê dide divê meriv zêde bikarneyne zêdeyê wî jîxwe gunehe, ji kesên entubere (yên bi alîkariya cîhaza nefes distîninre) pir pêşniyar nakim divê meriv li ser wan jî bi ceribîne bibîne .. tîner li cem nalbûra peyda dibe teneke an bîdona wî di dora 100 banotîdeye ev teneke têrî pêşî û paşiyên we tev dike hun dikarin xwe pê bişon jî * zêde bikar neynin çibû aîdê min hadê derbasî be

110. tîner dermanê wîye kesin belavbikin Kesên bi tînerê îtibar nabin jiwanre reçeteyek din binivîsim
Demek berê ji cixarê û jiber min lixwe nedinihart bronşît û sînozît biminre hebû, hero di kuxiyam wextê razanê nefes ne distend ev îlac yek bi yek dihatin
illiadin: spreya Jibû pozê meriv vedike sinuzit
Duact kapsul ev ji çirabû nizanim niha heye tune nizanim
Sekrol şiruba zarokan jibû kuxikê niha ev jî heye tune nizanim tirşikvanên bijişk gelekin dizanin niha, ev derman dibe virusê ji holê ranekin lê meriv bi van îlaca nexweşînê rihet derbasbike jibû extiyara jî jixwe e'mrê xwe xwarine bira bicihimin herin : )

111. di serî de ez vê bêjim, ne vîrûsek sentetîk e. Bi timamî xwezayî ye û ji familyaya vîrûsekê ye. Ne pêwîste teorîyên komployê ne yanî. hêjmara sedane ya kuştinê ya covid-19yê ne biqasî sars-cov û mers-covê ye lê têgerîya wê ji ya van herdu pismamên wê zêdetir e. ji ber wê yekê kaosa ku xistî cîhanê ji ya herduyên dî zêdetir e. ji destî gelekê digihêje mirov ji ber wê yekê destê xwe her gav bişon. têgihiştina min a li ser vê quzzulqurtê evqas e. tiştek bala min kişandî hinek tixtorên pêşnîyarên ji bo ku mirov ji stresa wê dur bikeve kirî ye. mînak tixtorê tirk ê li emerîkayê dijî mehmet oz gotîbû ''ji bo ku hûn ji stresa coronayê dûr bikevin hûn dikarin seks bikin'' gelo xoce tû baş dibêjî lê hûn him dûrîya civakî dixwazin him jî dibêjin ji bo ku ji stresê dûr bikevin li hev şa bibin. ma em bikutin vîrusê dqn :/

112. (bnr: eser çetîn) bijîşkekî ji dêrika çiyayê mazî ye û di derheqê koronayê de agahî û bersivên kurdî dide. Gelek bala min kişand. Agahiyên ne pir cûda ye lê li ser tora civakî bi kurdiyek resen vîdyo û peyama parve dike. Wê bala we jî bikêşîne*

Here lînkê

113. Hejmara mirovên ji ber vê vîrûsê nexweş ketine bûye 3.2 milyon û hejmara miriyan jî bûye 213 hezar.

wêneyê nîşande

115. nexweşe koronavîrûsê ya nû ye. ew vîrûs, vîrûsê rna ye. cara pêşîn li wuhan da derket.
ger ew dikeve nav wicûdê mîrovan, mirov pê nexweş dibe.
septoma nexweşî:
-ser êşin
-germahiya laşê zêde
-dil hevdiketin, vereşîn
-nefes qutbûn
-kuxik
-hê tişten nexuya jî heye
ew nexweşek pandemî ye. jê re dibêjin sars-cov-2 jî. mırov ji bo we vîrûsê nexweş dibê û pê dimire jî. ji bo ku tu nekevî we nexweşî:
-dûr nexweşe be
-ger tu ne mecburî der nekeve der, li mal da bisekîne
-wexta ku tu li derve kar dikî bi maske û lepik bikarbîne
-destê xwe bi sabûne 20 sn bişu
-destê xwe nebere(ne birin) ser rûyê xwe
-hewkêş û binîzam xweyî bûn (yanê şîv bixwin û mêwe bixwin, roj bi roj 2 lt av vexwin... hwd)

116. a ku heta niha bûye sedema 247,033 mirovan.
hê jî wê çawa biqede, wê çi qas mirov bimirin, wê bi çi awayî biqede ne diyar e.

gelek sektoran da kar û bar sekinîne, xebatkar jî bêhna xwe vedikin.

erê him ji bo feqîran gelek zehmet e, him jî bû sedema mirina gelek kesan lê aliyên baş jî hene. xweza bêhna xwe veda, mirov karîn ji jiyana xwe ya qelebalix serê xwe rakin û binêrin bê ka çi dikin û di nav xirecirek çawa de ne.

117. Li welatên weke brezîlya, ekvator, hindîstan, meksika, hwd. hijmara mirîyan her ku tere pir dibe.
Zate bill gates jî qala debekê werg kiribû ta ku gotibû gava vîrûs li welatên "developing countries" belav bû rewşê xirabtîr bibe. Zerara wê yê ji ya ewropayê pir pir zêdetir bibe.
Xwedê bike werg nebe.

118. vîrûsa ku vaye bi qasê heftiyekê ye, leza belavbûna wê hindik bûye, bi taybetî li ewropa.
li brezîlyayê rewş her ku diçe xerabtir dibe. her roj zêdetirî 500 kesan dimire li wir.

li tirkiyê jî hejmara nexweşên nû rojê 1500 'an de felan sekinî. ev tê wê wateyê ku ger em hinek din sist bibin, wê belavbûna vîrûsê zêdetir bibe.

elbet em heta hetayê nikarin li malê, bi vî awayî bijî. lê ev jî heye, di nav 3 mehan de belkî wê dermanek gelek bitesîr derkeve, belkî piştî 6 mehan wê taman derkeve. yanê, mirov xwe çi qas jê dûr bigire ew qas baş e.

aniha li tirkiyê mortalite %3-4 felan e. yanê ger hejmar rast bin.
nexweş bi piranî ciwan in lewma rêje ev qas kêm xûya dike. yanê ji bo mirovek, temenê wî 60'ê derbas kirî, mirovek bi nexweşiya şekirê an jî qelbê û hwd be, rêjeya mirinê wê derkeve herî kêm %15-20'an. yanê talûkeyek pir mezin heye bo wan.

divê tu kes ji hejmara nexweşan felan, cesaret nestîne. ger dê bavê we hebe, emrê wan ji 60ê derba bûyî an jî xwedî nexweşiyên kronîk, teqez haj wan hebin.
xetere hê jî pir pir mezin e, bi taybetî ji bo nexweşên di kategoriya rîskê de ne. ..

119. hejmara nexweşên vê nexweşiyê 4 milyonan û ya miriyan jî 280 hezaran bihurandine. her çiqas hejmara nexweşan li dewletên pêşketî û yên ewilîn ji nexweşiyê para xwe hildan kêm bibe jî li dewletên nepêşketî û feqîr yên gelek qerebalix in de berbilavtir û bihêztir dibe. kifş e bandora nexweşiyê di wan welatan de wê bibandortir û xirabtir bibe.

120. va çenda di nav kurdan de dîsa mewlûd û nanê fitarê didomin, bû çend cara gazî min jî dikin, ez dibêjim tiştê hun dikin ne rast e, dibêjin "tiştê ku xwedê nivîsandibe wê bibe".

nizanim bi xwe û çi guman dikin ewqas, û xwedê jî dikin hevalê gunê xwe, her tiştên pak xirab dikin sitûyê xwedê, law ma we çi kir û hun çi dikin, ka wusa dibe malnemîratno.