Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    11 mijar û 13 peyam
    helbestên ku nivîskarên wan ne diyar in - tirşik
    helbestên ku nivîskarên wan ne diyar in
    (5) (0) (4)
    di mijarê de bigere

    1. ez cara ewil rastî vê helbestê hatim ku nayê zanîn nivîskarê vê helbestê kî ye. geh di malbata min de hin kesan vê helbestê dixwendin. min her ku dipirsî carek digotin cegerxwîn carek filankes carek bêwankes... werhesil min nezanî ku ev helbest a kî ye. tenê xebateke li ser vê helbestê hatibû kirin ku di wir de jî digot -niha navê mela û lêkolînerê nayê bîra min- melayek ji gimgimê belkî nivîsîbe lê li gor lêkolînê ihtimaleke mezin a wî meleyê jî nîne. tişta balkêş helbest gelek xurt hatiye nivîsîn û epîk e. her ajalekî di helbestê de remza qewmekî ye. nivîskar xwestiye rewşa kurdan, tirkan û ermaniyan bide nîşan. vê peywirê gelek xurt aniye cih. hûn jî kerem bikim bixwînin û bibînin ku çendî bi tehm e:


    gur û rovî û keftar

    gur û rovî bûn heval
    b’can û dil û ruh û mal

    pir bi hev dû şirîn bûn
    her dû bi hev emîn bûn

    keftar jî cîranê wan
    bi her sêya yek eywan

    dest û milan dane hev
    kar dikirin roj û şev

    rovîyê pîsê hîlekar
    gurê şand ba keftar

    go dilxwazîya me ev e
    tu j’eywanê derkev e

    keftarê got mamê gur
    dujmin nabe dostê kur

    gurê ser eşkê nezan
    dirêj kir çû eywan

    wî yû keftarê şer kir
    serê keftar perçe kir

    rovî j’para lê xist
    keftar serdev erdê xist

    keftar çû mal nexweş ket
    ji hêrsa pir ferc lê ket

    malê xwe temam firot
    ji kincan û hetta pot

    jê ra ma bû yek baxçe
    fîyet danî bîst axçe

    gurê da rovî pere
    go her’j’me ra bikire

    keftar gerçî pê zor hat
    ra bû kir terk a welat

    gur û rovî man ortax
    baxçe kirin gul û bax

    baxçe tijî bû ji gul
    him reyhan û him sumbul

    gur xebitî bi rastî
    ruh can xwe derxistî

    rovîyê bê bext û soz
    xirabîyê kir e doz :

    ev gur ne j’qewmê min e
    kara wî j’mi ra tu ne

    ya baş ji bo me ev e
    ew jî ji vir derkeve 

    çavê wî jê ne d’birî
    tiştek jê ne d’ket serî

    bi min tenê nabe ev
    him bi roj û him bi şev

    rabû gerîya dit heval
    bav û ap û kur û xal

    got wan em ê hevdû ne
    gurê reşê pişt cûn e
     
    eger keysê bibîne
    wê me ji vir derîne
     
    tedbîra xwe bibînin
    em wî j’baxçe derînin

    dane hevdû sozê xwe
    gur derxînin ji nav xwe
     
    rovî şand pey gur
    got bira bê hetta vir

    gur hat gîhîşt hinda wan
    xweş nedît rûçikê wan

    selam da û sekinî
    rovî b’dizî pê kenî

    rovî bûye şerwan e
    ji  gur ra dîtî mane

    pirsek ji vir yek ji wir
    hetta xwe lê kire gur:

    gur serê te mezin e
    tiştek te l’baxçe tune

    gur go tu b’desmêj î
    tu van pirsa dibêjî
     
    wî got pirsa ez béjim
    ji can û dil dibéjim
     
    qesem navê xwedê kim 
    ez ê gohê te jê kim

    pir bi zora gurê çû
    wî go ez nadim recû

    rovî go: tu feqîr î
    tu rêjber î ne mêr î

    gur go: baxçe ê me ye
    ferqa min te tune ye

    wî go qewmê min heye
    ê te kes’kî tune ye

    gur go: gerçî bêkes im
    ji qewmê te ra bes im

    rovî go: gur deng ne ke
    apo bê te terb’ye ke

    gur go: apê te tune
    nizanim mêr e jin e

    rovî bakir dergeva
    ap û xal hatin meydan

    gur di cî da sekinî
    rovî rabû pê kenî

    gur zanî hal xirab e
    bi rovî ra şer nabe

    rovî go gur çewa nî
    gur gote mîr tu zanî

    rovî go: gur zalim e
    jê ra terbîye lazim e

    qewmê ku gur darda ke
    rovî go: îcab nake

    belê heqqê wî dar e
    welew ew xebatkar e

    rovî emrê apê kir 
    gohê gurê reş jê kir

    gur sekinî ne qedand 
    çû mal gohê xwe kewand 

    gur tenê ma li mal e
    ne bav û ap û xal e  

    xwe avêt bextê rovî
    rû berda bû ye sofî  

    rovî meznayî lê kir
    wî islahê nefsê kir

    rojek pezek jê xwestî
    goşt xwar û da gur hestî

    gur hestî xwar bi giranî
    qîma xwe wî pê anî
     
    gur rabû çû zewicî
    hestîyan kirne du cî  

    çendek wusa derbas kir
    hetta hestî xilas kir  

    paşê zarûkê wan bûn
    kufletê wan giran bûn

    ewladê wan mezin bûn
    tev law û mir û jin bûn

    gur zêde bûn bûne pir
    hestîyan têra wan nekir

    ji bo hestîya şer danîn
    rabûn qira hev anîn

    paşê rabûn bûne yek
    nivîsandin kaxizek

    kaxizê wana ev bû
    tev bi zêr û zeber bû:

    hestî ji me ra hindik e
    ser û pê ihsan bike

    dane destê dergevan
    rabû çû gote wan:

    dilxwazîya wan ji me
    ser û pê jî bidne me

    rovî li textê jor bû
    çav li serê wî sor bû:

    îro doza serî ye
    sibê doza hemî ye  

    qewmê min ji wan pirtir e
    hestî ji wan ra pir e

    eynadê bi kin e bazar
    dê herin li rêya keftar.

    çenda ku gur nebin yek
    ji xwe daneynin serek

    ji ber rovîyê fenek
    rezîl bibin yek bi yek.



    2020.04.02-21:14 | roberz

    2. min helbestek wiha ji stranbêjekî bihistibû lê nehat bîra min , dibe ku hozan marûf be.
    Lê bi rastî min nizanibû evwas bi bandor e û şibandinê de çewtî nebe wek kelamên xwedê bo kurdan.
    kurd - gur , romî - rovî , ermen - keftar.
    Ev hate bîra min.



    2020.04.02-21:36 | brzn

    3. di erebî de jî ji bo helbestên ku nivîskarên wan ne diyar in "la edri" tê gotin



    2020.04.02-23:49 | bedirxan

    4. (bnr: silav çîyayê kurmênc) yek ji wan helbestaye ku xwedîyê wê ne dîyar e.



    2021.08.31-00:21 | pîroz

    dengdanên dawîn (Yên Din..)
    elmas [1]
    Ji sala 1954an vir de di laboratwaran de jî tên çêkirin, ti ferqa wan ...
    rişmil [2]
    Navçeyeke Mêrdînê ye. Navçe biçûk e û belawela ye. Newalek di navb...
    mîhrîcan [1]
    ev peyv me'neya festîwal, şahî û ahengê dide. Bi farisî mêhregan, bi û...
    qûn elimiye tiran dev elimiye viran [2]
    gotineke pêşiyan e. rastnivîs wisa ye,
    Qûna elimiye tiran, dev...
    beranberdan [2]
    Koçerên me gava beranberdanê beran bi boyax û bi rîskan dixemilandin....
    belki ev jî bala te bikişînin
    » helbestên melayê bateyî
    » nivîskarên ku hejmaran bi tirkî dixwînin
    » wan dicemide
    » diyar kirina êzîdîtîya bê şengal û kurdan

    Kategoriyên mijarê:: wejehlbst wejehlbst wejehlbst
    nivîskarên ku li vê mijarê nivîsîne


    sitemap
    reklamokên beredayî