1. êl û eşîreke kurdên elewiyan e ku ji 22 gundan û hin mezrayan pêk tê. vê herêma ku gund lê ne jî dîsa navê vê eşîrê ragirtiye. di nav sînorên meraşê de ye û hema hema hemû gundên wan girêdayê elbistanê ne. êleke kurdewar û welatperwer e. gelek kesên ji vê êlê li ewrûpayê ne. min gelekan li londonê nas kir. li wir di nav hemû dezgeh û saziyên kurdan da ya herîdilsoz û welatperwer saziya wan a bi navê alxas-kom e.

dersên kurdî li vir tên dayîn. ciwanên wan li peyî şopa gelê xwe diçin. gelek panel û civîn tên çêkirin û piraniya wan bi kurdî ye. wek dînî hemû mihebetên xwe bi giranî kurdî dikin. ez rastî tirkî pir kêm hatim. belê kêmasiyeke kurdên ewrupayê ye ku bi xwe kurdî biaxivin jî zorak û ciwanên wan bi tirkî diaxivin. ji ber ku welatparêz in û gelek bedel dane kurdbûna wan derbasî pêş elewîtiya wan bûye. ez dikarim bi eşkere bibêjim ku naxwazin elewîtiyê pir derxin pêş û ji bo vê hewil didin.

gelek kesên ku min wan nas kir ji gund derketine û rasterast çûne londonê. pir perwerde nedîtine tenê li wir dewlemend bûne. bûne xwedî mal û milk. alxas-kom ji hemû saziyên kurdan ên londonê ji kurdish community centre - komkar -federasona elewiyan bêhtir kurdewar tev digere û piştrast e.