1. bûyera rê li ber derketina yekê gulanê vekiriye. Bûyera ku piştî grevên di yekê gulana 1886'an de li Louisville, Kentucky a dye despêkirî dîsa li wî bajarî di 4ê gulanê li qada haymarket pêkhatîye. Di 1ê Gulana 1886'an de Konfederasyona Sendîkayên Karkerên Emerîka li Chicago Yekê Gulanê wek roja grevê û sepandina 8 seet kar ragihand.

Ji nîv mîlyon zêdetir karker beşdarî xwepêşandan û grevên 1ê gulana 1886'an bûn. Di dîroka emrîka û cîhanê de yek ji rojên piştgirîya navnetewî herî bilind bûyî ye. Li louisville ji 6 hezaran zêdetir karkerên reş û spî bihevre meşîyan. Wê demê parkên vî bajarî li reşikan qedexe bû. Piştî meş bidawî bû karker bihevre ketin 'parka netewî'.

Grev û xwepêşandan piştî yekê gulanê nesekinîn. Gelek karker 3yê gulanê jî derketin qadan. Karkerên ji kargeha mccormick hatîn avêtin jî kombûn. ber bi dawîya mîtîngê ve polîsan gulle berdan karkeran. 4 karker hat kuştin, gelek jê birîndar bûn.

Ji bo vê êrîşê şermezar bikin 4ê gulanê li qada haymarket çalakîyek hat li darxistin. Ber bi belavbûna çalakvanan, bombeyek ji alîyek nediyar ve hat avêtin li pêşîya polîsan teqiya. 7 polîs mirin, 69 birîndar bûn. Piştî vê bûyerê Bi sedan karker hatin binçav kirin, 8 ji wan bo îdamê bijartin.

Di komcivîna enternasyonala duyemîn a 1889'an de bi pêşniyara nûnerek karkeran biryar hat dayîn ku 1ê gulanê li tevahîya cîhanê wek roja yekitî, têkoşîn û piştgirîyê bêt pîroz kirin.