1. paşgira ku dema bi lêkerekê ve dibe wateya "dîsa kirin"ê didê. bo nimûne çûneve yanî dîsa çûn, kirineve yanî dîsa kirin. hevwateya re- ya îngilîziyê ye wek restart (dest pê kirineve, dîsa dest pê kirin) . nemaze li devera badînan bi kar tê lê di nav kurmanciya navendî de jî belav bibe dê gelekî baş be. hayê hin kesan ji vê paşgirê tune ye û bawer dikin ku pêşgira ve- bi wateya "dîsa kirin"ê tê û hewl didin ku wê bi kar bînin wek venivîsîn (dîsa nivîsîn, nivîsîneve) lê ev awayekî çewt e. çimkî di kurmanciyê bi gelemperî pêşgiran wateya xwe ya bingehîn wenda kiriye, bo nimûne pêşgira da- bi asayî bi wateya "livîna ber bi jêr ve" dida lê niha tenê di hin lêkeran da ev wateya xwe parastiye (wek di daketinê de) lê di damezrandinê ti pêwendiya wateyê bi livîna ber bi jêr ve tune ye. loma jî çêtir e ku em -eve bi kar bînin û bingeha 've-'yê xera nekin.

çend nimûne:
me li kobanê hemû xanî ava kirineve.
(me li kobanê hemû xanî dîsa ava kirin.)
ez nivîsên jêçûyî dinivîsimeve.
(ez nivîsên jêçûyî dîsa dinivîsim.)

2. bi taybetî di nav xeberdanên tehsîn îbrahîm doskî de, dibihîzim. Here lînkê