1. konsepta internetê ya ku mirov weke avatar yan jî weke listika gta wê bikar bîne ye.

facebook li ser wê tiştê xeylek wext e dixebite. lê niznim ew ên xebatek çawa derxinin holê.

ji bo kesên îngilizî dizanin li vîr berfirehî hatiye îzah kirin: Here lînkê

2. (bnr: ready player one)

spoilerê veke

3. facebookê çend roj berê ragihand ku ew ê 10,000 kesan tenê ji bo Metaverse bixebitîne. Ev kes jî di heman demê de divê endezyarên astbilind bin. Û her wiha ne tenê Facebook, gelek şirketên mezin jî berê xwe didin Metaverse-ê. Ev metaverse-ê ku di devê her kesî de ye, di rastiyê de çi ye?

Ka em pêşî lê binêrin ku peyva metaverse ji ku tê. Peyva "metaverse" ji hevgirtina peyvên "meta" (bi wateya wêdetir) û "verse" (Gerdûn) pêk tê. Ev têgeh cara yekem di romana honaka zanistî ya neal stephenson a bi navê snow crash-ê de hatiye bikar anîn. Tê zanîn ku têgeha metaverse di gelek fîlim û lîstikên vîdyoyê de wek the matrix, pokemon go, minority report, ralph breaks the internet, black mirror de hatiye teswîr kirin.

Metaverse ku bi kurdî dikare wekî 'gerdûna ferazî' were wergerandin, dixwaze ku bikarhêner, di nav cîhaneke bi înternetê ve girêdayî de bijî. Wisa jî dikare bê gotin, metaverse-ê ku wekî pêşeroja înternetê tê dîtin, li ser bingeha "bila înternet bi tenê ne ji bo, şopandina hin mirovan, nûçeyan; danûstandin û xwendinê be. Bila înternet tiştekî wisa be ku mirov di gerdûneke ferazî û 3-rehendî de tiştê ku bixwaze pêk bîne." Metaverse dê zemîneke 3d(3-rehendî) û xeyalî, ji bo mirov tê de: danûstandinê bikin, lîstikan bilîzin, karên xwe pêk bînin, bigerin, biçin konsert û pêşengehan amade bike.

Tê gotin ku em bi saya avatarên ku me ji hêla berçavkên 3d (3-rehendî) an kaskên 3d û berguhkên pêşketî ve afirandiye, bikevin nav metaverse-ê. Ji bo hêsantir bê fêm kirin vê mînakê bidim. Bifikirin ku hûn gta5ê dilîzin. Ger hûn bixwazin dikarin bikevin nav vê gerdûna ferazî. Hûn hem dikarin lîstikê bilîzin hem jî dikarin wek lehengê sereke di nav lîstikê de bin. helbet em werin aliyê aborî jî. Ger em ketin vê dinyaya dîjîtal, em ê her ji bo ku tiştê pêwist pere bidin. Cil û berg, pirtûk, mal, erebe belkî jî xwarin...

Dema em lê dinêrin Facebook tiştên xwe gelemperî bê pere derdixe pêşberî mirovan û bi reklamên ku dixe nav karên xwe pere qezenc dike. Çawa ku em di instagramê de digerin û reklamên hatine kesandin derdikeve pêşiya me, di metaverseyê de jî wê wisa be. Em ê bikevin nav vê dinyaya ferazî û em ê di kolanekê de bimeşin û di panoyeke de dê wisa binivîse. tirsik.net li benda kurda ye, werin bibin endam. Facebook dê bi saya van reklaman gelek pere bi dest bixe û bi saya vê rêbazê, metaverse hem ji bo bê pere ye dê bala mirovan bikşîne û hem jî facebookê roj bi roj zengîntir bike. Kurteya vê hişê jî ev e. Çiqas mirov hebe ewqas reklam heye, çiqas reklam hebe jî ewqas pere heye.

Di vê gerdûna ferazî de, em ê bikarin biçin konserên stranbêjên ku em qet nikarin biçin, muze û pêşangehên ku em qet nikaribin biçinê jî. Wisa bifikirin ku niha teqrîbî zêdetirîn 100 hezar kes dikare biçe konsertekî lê em di dinyaya metaverse-ê de, dev ji 100 hezarî berdin belkî dê 100 mîlyon kes biçe konsertekî. Konsertên bi vê rengî jî dê gelek caran bên lidar xistin. Ji ber ku tê de gelek pere heye. ji serde çend meh berê konsertek bi vê rengî, ji hêla fortnite-ê ve konserta travis scoot hat lidarxistin û ji hêla 12.3 mîlyon kesan ve hat darî kirin.

Aha em dîsa werin ser aboriyê. Bifikirin ku dê 10 mîlyon kes beşdarî konsertek wiha bibin. Dê şîrketên mezin ji bo sponsorîyê hevrikî bikin û mîlyon dolaran bidin ku bibin hevkarên hev. Dê her bi awayî Facebook pereyek gelek zêde bidest bixe. Ji ber wê metaverse tenê ne bala facebookê dikşîne. Şîrketên wekî unity, epic games, nvidia ji bo metaverse-ê milyonan xerc dikin û projeyên nû derdixin holê.

Pêşerojek gelek kelecanî û talûke li ber me ye. Ev du sed sal e jiyana me her car diguhere û em êdî nagihîjin leza vê dinyayê. Em êdî nikarin serî ji vê lezê re rakin. Êdî vebijarkek tenê dimîne. Wan qebûl bikin û li gor vê hêz û lezê bijîn. Hûn ji bo pêşerojeke wisa re amade ne?

hûn dikarin ji bloga min jî bixwînin: Here lînkê

4. pêngavek gelek mezin e. sînora derfetên ku metaverse dide, tune. di eslê xwe de tenê înterneta 3d ye. belê eyn wisa ye lê belê dema mirov li hurgîlîyan difikire şok dibe. wisa:

niha di înternetê de navnîşana tirşikê tirsik.net e. Hûn di geroka xwe de wisa dinivîsin digihin tirşikê.
di metaversê de wê înternet 3d be wê navnîşana tirşikê belkî wisa be: kuçeya 12564, bajarê kardox, kurdistana yekbûyî, gerstêra venûs, galaksiya riyakadînê. divê hûn bi keştîya fezayê werin.
----
tirşik ji nivîs û wêneyan fîlan pêk tê û ev nivîs jî di harddîskek kirêkirî de tomarkirî ye. dema hûn dikevin tirşikê ev nivîs û wêne di rûpelekî de derdikeve pêşberî we. me çawa dîzayn kiribe, wisa.
Di metaverseê de dema hûn hatin navnîşana tirşikê hûn ê belkî avahîyek 50 qet bibînî. (perê me têra çiqasî bike û mîmarê me (nivîskarê me yê kodan) çiqas jêhatî be gorî wê). Di wê avahiyê de wê qatek ya pirtûkan be, yek ya fîlman, yek ya nîqaşan, yek ya sohbetê, yek ya karê wergeran û hwd.
----

dema niha em dikevin tirşikê, di panelê de em navên kesên girêdayî dibînin û dikarin peyamên taybet ji hev û din re bişînin.
di metaverseê de, dema hûn hatin avahiya tirşikê, em dîrekt rûyê hev, bedena hev û din bibînin. dema em çûn qata wergerê em ê bibînin ku brzn li wir fîlm werdigerîne. em ê jê re bêjin quwet be û derbasî qata nîqaşê bibin. em ê li wir bibînin ku merwano û heval.js li ser meseleya hdpê ketine nîqaşê, em ê hinek bala xwe bidinê lê em ê zêde nemînin.
dema em hatin salona pirtukan an jî pirtûkxaneyê em ê bibînin ku yûsiv bi tena serê xwe li ber maseyek gelek mezin yê darîn rûniştiye, bi dehan pirtûkan danîne ser maseya xwe û ji bo yek nivîsekî, lêkolînê dike. qene li rûyê me jî nanêre. ji aliyê din yê pirtukxaneye shorbevan cîgara xwe dikişîne û tiqetiqa wî kena wî ya bêdeng e.
di saet 8ê êvarê de civîna mezin ya tirşikê heye, em hemû li qata terasê li ber hewzekî mezin dicivin. azîzko ji me re li gîtarê dixe. piştî konsera wî, sohbet û gûftûgoyên me destpê dikin. mijara me polîtîkayên rêveberîya kurdistana yekbûyî ye. di civînê de nêzikî 2.000 kes hene.

---
di vê avahiya tirşikê de em bi hev re li fîlmên me wergerandî kurdî, temaşe dikin. bi hev re karên wergerê dikin, mûzîk çêdikin, t-shirt dîzayn dikin, karîkatûran xêz dikin, hevalên ciwan ji bo ygsê didin şixulandin û hwd.
lê li sînorên kurdistana yekbûyî şer heye. tirkan em li vir jî rihet nehiştine. lê li vir her tişt cûda ne. qanûnên gerdûnî hinekî wan asteng dike lê dîsa jî şer şer e û çek, tang û top li vir jî bi peretî ne.


welhasil. metaverseê wê kopyeya vê gerdûnê be. lê tenê ji aliye mantiqê ve çimkî li wir sînor, tenê di destên avakaran de ye. li wir xweda ew in. dikarin dînazoran jî vejînin, qiyametê jî rakin.

ji bo ku mirov vê gerdûnê de xweştir bigere û bêtir nêzikî rastîyê hîs bike wê berçavk, kask û cilên din yên elektronîk werin îcatkirin. wê kabîn û paldankên taybet werin çêkirin.

metaverse wê kengî bigihe asta min behskirî? nizanim lê eger tiştek derasayî nebe, wê nifşa me bibîne. tenê facebookê ji bo vî karî, 10.000 endezyaran stand. tabî ev tenê metaversea facebookê heye. dema popûlerîteya vê gerdûnê kêm bû, problem derket an jî tam tê de nema, belkî herkes berê xwe bide gerdûna şîrketekî din: kurdsverse


ev mesele dikare here gelek senaryoyên dîstopîk yên weke matrix û hwd. lê eger em tenê bala xwe bidin alê wê ya keyf û lîstikan fîlan, fîlma ready player one rasterast raveya metaverseê ye.

5. Simurg mîjara xwe de vî yekê baş aniye zimên.Min xwest metaverse ya microsoft jî bi rêya lînka youtube bi we re parve bikim.


vîdyoyê veke

6. metaverse/137610 ez metaversek ku qala tirşikvanên jin nake û keda wan hinda dike, navêm. Û metavers biborin mêraversa we ji we re pîroz be...