1. (bnr: rêzefîlm)ekî kurdî ê ji rojavayê Kurdistanê. Hê nû beşa yekem li 7 ê pûşperê hate weşandin.

(bnr: hawarnews.com) danasîna rêzefîlmê bi vî awayî da ye;

Senaryoya rêzefîlma Tava Sor ji aliyê Ehmed Tahir ve hatiye nivîsandin. Her beşa rêzefîlmê ku ji 16 beşan pêk tê, bi qasî 45 deqeyan digire. Di rêzefîlmê de 35 lîstikvan û 1500 fîgûran dilîzê. Derhênerê rêzefîlmê 7 beşên ewil Teymûr Evdikê û Deştî Resûl, 9 beşên dawî jî Nûman Yiğit derhênerkirin.

Di heft beşên destpêkê yên rêzefîlmê de berxwedana YPS'ê ya li Cizîrê ya Bakurê Kurdistanê di navbera salên 2015-2016'an de tê vegotin.

Di rêzefîlmê de gelek mijar tên nîqaşkirin, di serî de netew, îxanet, têkoşîn û têkoşîna resen a Kurd.

Berxwedana di wê demê de hat jiyîn û rewşa Kurdan a li her çar parçeyên Kurdistanê û rastiya şerê li Cizîrê derketibû holê.

Zilm û binpêkirinên dewleta Tirk ên piştî şer li ser ciwanan jî di rêzefîlmê de tê vegotin.

Rêzefîlm di 7ê Pûşperê de yekemîn beşa xwe weşand.


Fragmanê rêzefîlmê:


vîdyoyê veke

2. Rêzefîlmeke li herêma cizîra rojava hatiye çêkirin. Fîlm li ser behsa şerê cizîra botan ya salên 2015-2016an li bajêr qewimîn dike. Xwuya ye gelek ked hatiye dayîn û hatiye fînansekirin. Ji aliyê komîna fîlm a rojava hatiye çêkirin û keda tev-çandê jî tê de heye. fîlm wek ku hinek propaganda jî dike û gel serwext dike. Loma rêzefîlmên weha ji bo avakirina hişmendiyekê jî tên emilandin.

Wekî din divê diyalogan hinekî din jî zûtir bikin ku ji ber hêdîbûn û klasîkbûna wan mirov aciz dibe. Xalek din jî eve ku dialogên tirkî qet wernagerînin û binnivîsa kurdî lê zêde nakin. Heçku hemû kurd tirkî zanin an tirkî zimanê dinyayê ye. Teknîkek weha li tu derê tune ye. Fîlm kurdî ye û bo kurdan hatiye çêkirin lê cihê tirkî ne werdigerînin ne jî binnivîsê datînin. Yê ku tirkî nizanibe wê çi fêm bike? Divê ji vê şaşiyê vegerin. Hêvîdarim beşên din ne bi wî awayî bin.

Roja sêşemê beşa ewil li ser televîzyona stêrkê hat weşandin. Li ser youtubeyê kanala nefel production weşandiye.



vîdyoyê veke