1. logoya ku aniha hat guhertin û li gorî daxwazên tirşikhezan dikare dîsa biguhere.

2. ji bo destpêkê logoyek baş e lê mirov dikare hinekî din lê bişixule û tiştekî spehîtir û estetîktir çêke.. berê her tiştî mirov ne mecbûr e xwe bi hêma û motîfên tirşikê û tiştên di nêv tirşikê de ve girê bide.. yanî em ne mecbûr in logoya tirşikê ji bacanê reş an bacanê sor an ji hîçharan çêkin.. dema mirov li sembolekî an logoyekî ji bo tiştekî dihizire divê pêşiyê kar û karînên wê tiştê bide ber aqil û fikra xwe.. yanî ev ferheng bi çi armancî derketiye û dixwaze çi bike.. li gorî bersiva pirsên wihareng mirov dikare logoyeke spehîtir û levhatîtir çêke..



ji bo logoya di halê hazir de ez dikarim bêjim ku:



- şêwe û ebat û xet û xêzên logoyê li gorî dîzayna malperê û fonta nivîsan zêde qebe hat li ber çavên min.. mirov dikare hinekî din ziravtir û teniktir bike..

- rengê bacanê reş û rengê nivîsa li ser bi rengên din yên di malperê de li hev nake.. mirov dikare rengnên din biceribîne..

3. logoya ku min gava din dît.

Bi min spehî çêbûye. Di paşerojê de elbet dikare bê guhertin an jî baştir kirin, lê ji bo niha têra xwe baş e ..

Destê ê ku çêkirye sax be ..

4. bi raya min bacana ku di logoyê de pal daye û zik berdaye erdê ne li gorî urf û edetên me kurdan e.. bacanên ku em di dehl û baxçeyên xwe de diçînin û dihewtînin biçûk û teşabet in lê tamxweş in jî lê evê bacana di logoyê de tê bêjî qey şûşeya hormonan bi ser xwe de kiriye.. ûr li milkî ve çûye û qûnik li aliyekî ve! *

5. ji xwe re bacanên bêhormon digere.

6. beriya bîstekî ji bo logoya tirşikê fikrek bi min re hasil bû..

hûn zanin gewlaz çi ye ma ne?..

berê wekê niha sera filan tunebûn û pê re malzemeyên tirşikê jî bes mehên havînê bi dest mirov diketin ji ber hindê kebaniya malê malzemeyên tirşikê yên wekê bacanê reş û firingî û hîçhar dikirin gelwaz anku bi tayekî re dikirin û ji bo hişk bibin didan ber tavê û paşê ji bo zivistanê hiltanî.. û dema dibû zivistan jî ji malzemeyên hişkkirî tirşik çêdikirin û jê re jî tirşika bacanên hişk dihate gotin..

axirê ez bêm ser fikra xwe ez dibêjim em dikarin logoya niha bi logoya ku ji gewlazeka ku ji malzemeyên tirşikê yên hişkbûyî hatî pê biguherînin..



ji bo çend nimûneyan:

https://www.google.com.tr/search?q=dehydrated+vegetables&um=1&ie=UTF-8&hl=tr&tbm=isch&source=og&sa=N&tab=wi&ei=x6PWUefQMsrmswabsYHYBA&biw=1366&bih=630&sei=06PWUfioBciHtQa68oDoDA

https://www.google.com.tr/search?q=kurutulmu%C5%9F+sebze&um=1&hl=tr&biw=1366&bih=667&ie=UTF-8&tbm=isch&source=og&sa=N&tab=wi&ei=QqPWUcGfBomCONzCgfgM

7. nimûneyan te ez naecibinim tiştek din bila bibe

8. ev çi bacan e pîvaz bûya wê çêtir bûya.

9. logoyek zêde amator e.. xwezî xweyîxêrekî logoyek baştir li ber bejna tirşikê fesilandibûya..

10. aniha ev e: https://www.tirsik.net/logo.png

lê jixwe niha li tu dera malperê nayê nîşandan.

ji bo pêşniyaran li benda fikrên tirşikvanan e. rasterast logo neyên şandin jî qet nebe fikir dikarin werin dayîn.

11. rasterast di malperê de newê nîşandan jî dema lînkeka tirşikê di malpereka din de tê parvekirin ev logo jî di binê wê lînkê de dixweye.. ji ber vê logoyê tenê ez şerm dikin ku lînkeka tirşikê li ser hesabê xwe yê facebookê parve bikim.. an dema reklama tirşikê di derekî de were kirin wê ev logo derkeve pêş..

12. logoya ku hinek nivîskar jê şerm dikin. em ê hê ecêban bibînî *

13. tenê ji bo ku fikir bide dikare li wêneyên li jêr jî were nêrîn:

https://www.tirsik.net/1.png

https://www.tirsik.net/2.png

https://www.tirsik.net/3.png

https://www.tirsik.net/4.png

https://www.tirsik.net/5.png

14. ji ber ko ew ferheng e; di ferhengan de peyv giring in. lowma dive herfÊn wÊ peşanÎ bibin, ne şekleka din...

15. hinek alternatîfên nû ku dikarin werin sererastkirin;

https://www.tirsik.net/danes/n1.png

https://www.tirsik.net/danes/n2.png

https://www.tirsik.net/danes/n3.png

https://www.tirsik.net/danes/n4.png

https://www.tirsik.net/danes/n5.png

https://www.tirsik.net/danes/n6.png

16. logoya ku divêt wisa be.

https://www.tirsik.net/caps/picture.php?/655/recent_pics

17. logoya ku êdî nûmûneyekê jê, êdî li malperê bi cî bûye. destên karmatî sax bin, wî çêkiriye.

18. Logoya ku piçekî bi ecemîtî hatiye çêkirin * lê fikr xweş e, spas ji bo kesê ku çêkiriye.

19. logoya ku ne min çekiriye lê min tenê peşnşiyarkir ku logoyeke wisa bibe logoya tirşike. *

dest û tiliyên ku vê logoya xweşik çêkirî û kirî logoya tirşikê sax bin.

20. logoya dê qismetê tirşikê zêde bike, înşileh.

21. logoya ku ez ne xelet bim bayesar çêkiribû. spehî çêbûye lê bi min renga backgroundê zer bûya wê baştir bûya.

22. Logoya ku min jê zêde hez nekirìye ye. Dìsa jì destê we sax be.

23. bi font û tavê xwe ve hinek dişibe logoya kovarê tîrojê re.

24. logoya ku tîrêjên roja wê 21 ba bê çêtir bûya *

26. heta vî emrî min logoyek dî wekê vê logoyê bêteşe, bêwate û bêmerês nedîtibû.. spas tirşik!

27. logoya ku bi tirşikê neketiye. paşdîzayn cuda logoya nû cuda qet li hev nayên. meriv dibê qey logo ji 1980yaN wan maye lê dîzayna tirşikê hinekî nûjen e. bi kurt û kurmancî min logoya nû neecibande û hinekî amator e çî ye?

28. logoyeke hêsan e û diyarê ku ji destê ecemîyekî derketiye.

29. logoya ku bûye sebeb pirraniya nivîskarên tirşikê xweziya xwe bi logoya berê ya tirşikê bînin..

destê yê çêkirî sax be, û xwudê xêra wî jê binivîse, lê bi xwudê ne tu logo ye, û nayê avayê.. hemû cidiyeta tirşikê bi derbekî re li erdê xistiye.. ka xêra xwe logoyê dî bînin vê ji vir rakin..

30. logoya ku biwêja ''rehmet li kefendizê berê" tînê bîra mirov. bi rastî logoya berê gellek xweşiktir û ciddîtir bû. tê bêjê qey hema zarokekî ji ber xwe de çêkiriye..

31. logoya ku xwazîka min çênekirîbûya.

(bnr: temam bes lêxin logo mir)

32. wekê sêva gezkirî ya appleê çima logoya tirşikê jî ne pÎvazeke gezkirî be?

wek tê zanîn kızıl elma ango sêva sor sembola turanîzmê ye, çi qas rast e nizanim dibêjin rojekî li diyarbekir, bedîuzzeman mele seîdê kurdî û ziya gökalp liqayî hev tên, di navbera wan de li ser îdeala turanîzmê munaqeşeyek çêdibe, li ser vê yekê mele seîd ji seîdê kerê çolê re dibêje, ez seriyek pîvaza kurd bi hezar sêvên sor nadim!

33. bi rastî jî dikare pîvazek gezkirî be lê divê xêrxwazek ji me re yeke baş xêz bike.

35. tişteke wiha? lê divê xetên gezkirinê hilûstir bin û belkî rengê pîvazê jî wekê sêva appleê metalÎk ve wê çêtir be.

http://i.hizliresim.com/jv4BVj.jpg

36. (bnr: me her tişt safî kir vêca dora logoyê ye)

37. dikare tiştek wisa be:

http://i.hizliresim.com/rmgErz.png

38. bi destên min ve hatiye afirandin.



Here lînkê



Here lînkê

39. logoya nû logoya tirşikê/61638 ya ku ji aliyê remlavêj ve hatiye amedekirin tişteke hêja ye, bi dîzayn û rengê xwe bi awayeke nûjen hatîye çêkirin lê bacan ne çiklandî û dirêjkirî bûya û nivîsa " tirşik" jî li jor bacanê -dîsa bi awayekî nujen- nivîsadî bûya temam dibû. wekî nivîsê tenê "tirşik" bes e bi min

40. vêga logoya ku remlavêj çêkiriye, ye. em binêrin ka vê carêw ê tirşikvan biecibînin.

41. logoya qasî logoya min watedar nîne lê ji ewa min nûjentir û pratîktir e.bi ser xêrê be.

Here lînkê

42. bacanek sor(frengî) jî li ber be wê xweştir çê bibe *

43. Logoya hinekî amator e, bawerim dikare bibe mijarek ji bo duyemîn civîna nivîskarên tirşikê a li amedê. ser xêrê be

45. li gor daxwazên we ji nû ve sêwirandim.



Here lînkê

46. Heta yeka xweşiktir neyê çêkirin a herî xweşik ev e. Destê te sax be remlavêj

47. gerek şamik, îsot û bacan pevre be. bes bi bacan tirşik çênabe û çênebûye jî. heke ku çêbûbe ji mir bÊjin. qey ez xelet zanim ha?

49. zebzeya tirşikê tirş dike bacansor e, lewma dê bacansor pitir li ferhengê bêt. ya duyem jî bacanreş nêre, dişibe tiştekî, bacansor jî mê ye, xweşe... ji bo temsîlîyet û dîdarek çêtir ez bacansor pêşniyarî konseya rêveber dikim. ger bêjin me j' mêj ve bacanreş girtye û em qet bernadin, ji bo ferhenga demoqratîk û azadîya zayendan dikarin logoyek rengorengo çêbikin ku tê de bacanên sor û reş li hev dibişirin.

50. Pêşniyara min jî ev e
Here lînkê

51. Logoya Bacana sor û îsot jê kêm e. Herdu jî hebin dê tam bibe tirşikek xweş. İmm.
Edît: xezeba klavyeya t9ê.

52. logoya ku tirşikvan bo wî zerzevatan pêşniyar kirin e.
ev ne xwarin e , malper e.

53. wek png ango backgrounda wê vala: Here lînkê

54. pewiste ku ji nû de werê dizayn kirin,
tenê bi bacaneke reş qet estetîk xuya nakeಥ_ಥ

55. erê wille tenê bi bacanekê binefşî çênabe, divê hebek jê xweştir were dizaynkirin.

56. Alternatîfek
Here lînkê

57. (bnr: https://tirsik.net/index.php?peyam=143171) baş e ku te demarên wê xêz nekiriye * lê ceribandinek xweş bûye