1. geroka webê ya ku ji aliyê googleê ve tê derxistin û piştgirîkirin. google amadekariya xwe ya pergaleke xebatê jî dike ku wê bi dendika linuxê be û li ser bingeha chromeê be. loma navê wê jî weke chrome os hatibû diyarkirin.

neyse ger em vegerin google chrome browserê, ev bernameya ketina înternetê gelekî sivik û lez e. bi vê taybetiya xwe bi ya min di nav hemû gerokên webê de ya herî baş e. lê ji ber hinek sedemên din (ên weke pêvekên kêrhatî yên ku nikarim dev jê berdim û hwd.) ez dîsa jî firefox bi kar tînim.

li gorî îstatîstîkan %51ê tirşikvanan bi google chrome'ê dikevin tirsik.netê.



google chrome xwediyê versiyoneke bi çavkaniya azad jî heye: chromium

bi qasê min dîtî, tu ferqa wê ji chromê bixwe tune û li ser linuxê ev versiyon tê bikaranîn.

2. di versiyona linuxê(ubuntu) de (chromium) dema mirov navnîşana malperekê binivîse û paşê valahî bihêle û peyva lêgerînê binivîse û pêl enterê bike, chrome rasterast wê peyvê di malperê de digere.
dîqat: ne bi riya googleê digere, dikeve malperê, di qutiya lêgerîna malperê de lêgerînê dike.
taybetiyek gelek xweş e. di tirşikê de, turkcekurtcesozluk.comê de û hemû malperên din de dixebite.
dema hûn "ti" binivîsin, weke mînak, jixwe ew bixwe tirsik.netê temam dike, hûn hema valahiyek û peyva xwe dinivîsin û lêgerînê dikin.
min ji vê taybetiyê hez kir. lê di chroma min ya di windowsê de ev taybetî tune bû.

3. motora lêgerînê ya googleê + google chrome = di nav big tech-ê de ya herî xwînxwar ev in. hemû zanyariyên veşartî/vekirî yên bikarhênerên xwe dikin profîl û bi profîlên din re girê didin ku bi wan profîlan tevnekê bi hezaran mirovan pêk tê, ava dikin û ji bo qezenckirina pereyê dixebitînin, di serî de di zeviya reklamgeriyê de. lê doza facebook rê da ku ji bo siyasetê jî tên firotin. bi riya agahiyên ku hevdane, robotên wan dikarin texmîn bikin/bizanin ku jina yekî himle ye -ya ku hîn ew bi xwe nizane.* pênç şeş sal in min dev ji gerokê berda ye û heta ji destên min bê motora lêgerînê bi kar nayinîm. lê heke motorên din encamên lihevhatî neynin, li ser gerokekê pêewle wekî firefox - vivaldi - brave di rûgera* taybet de wê bi kar tînim.