19. ne dijwar e. ku bixwazim dikarim pakêt carkî de berdim alîkî lê bi min dîsdestpêkirin dijwar e. çiqas berdidim dîs dest bi cixare dikim. gerçî niha kêfeke jî jê werdigirim.

20. ku vêya jî binivîsim di vê mijarê de dibe entrya min a sêyê..*

neyse hevalno weka ku ciwan jî gotiye çendîn tiştekî zor û zehmet be jî gengaz û pêkan e..

dijwariya vê yekê ne ev e ku tu nikarî berdî, berdan an jî terikandin hêsan e lê problem pê re dest pê dike, dewsa rîtuela ku tu bi cixareyê wek kiraseke li xwe pêçabû, nayê dagirtin. ango her û her valahiyekê heye, min gelek caran ceriband her dem bi ser diketim lê çend rojên dî ji bela ku dewsa cixareyê tije nedibû, min cardî dest pê dikir...

bi vî awayî min belkî hezar heb pakêtên xwe yên cixareyê di nîvê hêlişiye, guvaştiye û avêtiyê sergoyê, jixwe ez qet behsa hesteyên stûxwar jî nakim, a soxî, min dîsa dest pê dikir..

niha cardî dikêşim/vedixwim, beriya sê hefteyan min terikandibû lê bû du hefte ye ku dîsa kêşana wê didomînim..

tu dema bi şewba kêfa cixareyê dikevî, tiştekî wek tendurîsî, pere, bîn.. hwd nayê hêşê te. ji ber ku tu jê zewqeke mezin distînî, dema dû û duxana cixareyê ji devê te derdikeve, ligel çay û qehweyê westa xwe vedidî, tu vê kêliyê dibî bextewartirîn mirovê cîhanê.

ez dema dil dikim ku biterikînim, vê pirsê li xwe dikim 'gelo jiyan bo çi ye?' ma herkes bo ku bextewar be hewl nade? nexwe tu çi ji vê zewqa xwe dixwazî? çima pê re dikevî rikê? va ye tu hej jê dikî, pê re bextewar î lewma jî dev ji pere, bîn û tendurîstiyê berde û xwe noqî vê kêfxweşiyê bike''

erê tirşikvano ez bi vê pirs û bersivan xwe qanih dikim, dixapînim..

21. terîkandina cîxarê ji bo gencerê nehewceye.heke tû dengbejekêmê yî zêrîn bê cixarê gûhterî kirîye heyfe heyran.xwede ew peçîyan çima daye ? ne jibo pêlekirîne klavye, daye ku meriv pelê cixare bipêçe .le dîsa jî pir nekişînin , xwe pe ra nekujin.meriv extîyar dibe zatî pe ra cixarê hêram dibe.

22. biryareke ku mirov bi xwe jî jê bawer nake. dema mirov ket wê xefkê xelasiya gellekî zor e. em ne bêjin terikandin lê belê 'ceribandina terka cixarê' wê rasttir bibe

23. Ya ku ez bi xwe nizanim tiştek çawa ye lê dibêjin gelek zehmet e.

Lê pêşniyariya min ev e. Berî her tiştî xwe îkna bikin û bi rastî divê hûn bixwazin dev jê berdin. divê hûn alê derûniyê de her tiştî hel bikin û biryarek tewez bidin. Bêjin min biryar daye ez ê dev ji kişandina cixarê berdim. Paşê ne hêdî hêdî lê carekê de dev jê berdin. Dev jê berdan ne rehet.



Ji bikaranîna dermanan netirsin. Îlacên baş û bibandor jî hene ku dikarin ji we re gelek bibin alikar.(bnr: zyban) Li nexweşxaneyan di nav beşa nexweşiyên singê de poliklinika terixandina cixarê heye. Bi tirki sigara biraktirma poliklinigi. Herin li wê derê îlaca xwe bistinîn û dev ji vê jehrê berdin.



Despê kirin xeletiyek mezin bû lê ya mezintir jî domandin e.

Tenduristiya xwe û derdora xwe, perê xwe û zarokên xwe ên ku wê bi meyzandina we dest bi cixarê bikin bifikirin..

24. (bnr: her meh perê tu didî cixarê bibexşîne kobanê, bila kobanê 3 mehan de ava bibe)

25. ji bo yê dest pê nekiriye pirr hêsan e *

26. bi ya min ne ewqas zehmet e jî. mîna dana kîloyan e. jê re îradeyek lazim e û hew.

hinek kes hema yek carê de dev jê berdidin û êdî venaxwin. nexwe mirov çawa dev ji tiryakên herî dijrar berdidin?

bi ya min xaleke girrîng jî ew e ku mirov cihê sîgareyê, bi tişteke din tije bike. lê ji kerema xwe re bila ev tişt ne maraş otu be.

27. çalakiya ku (şoreşa ku) bûye belayê serê min..

dema berdidim, di dilê xwe de dikevim hezar nîqaşan loma ger we dev jê berda, qet bi xwe re nekevin nîqaşa devjêberdana cixarê, ji lew hûnê tim têk biçin û cardî dest pê bikin..

rojeke temam nedikêşim şev dibe nîvê şevê bi xwe dikevim nîqaşekê 'kuro te dev jê berda, de baş e, çi ket destê te? hi? niha bêtir bextewar î? bêtir dikarî tehma jiyanê ji dev û pozê xwe bigirî û berbidî? bêtir dikarî bi tiştên dî yên xweşî û başiyê ne eleqedar bî?' bersiv; na kakagiyan, ev bû 24 saet in mejiyÊ min leqiyayê, ne bi saet ne bi saniye, saliseyekê jî ji bîra min neçû, ji dewsa ku cihê wê tije bikim, min bêtir valahiyeke kûr di dilê xwe de venişte'

di dawiyê de tÊk diçim, şev nîvê şevê derim û cixareyek distînim, têm malê pêdixim, cixareya ewilîn ya piştî demekê min girtibû kûrahiya laşê xwe, laşê min dicirifîne, tevz dikevin canê min û rehet dikim lê bi cixareya duyem cardî ew laşxweşiya min diçe û dîsa ji kişandinê poşman dibim.

loma pêxistina cixareya ewil gelek girîng e û rê li ber stendina pakêtan vedike, heta hûn yên ewil pênexin û hefteyek sebr bikin wê derbas be.

helbet sedî sed derbas nabe, de bifikirin tiştê ku hûn di rojê de bi salan 20 car dikin, dest ji diqeherin, pirr zor e..

ez ê wî hevalê xwe nim ku bû sebeb min dest pê kir!

28. terikandina ku wekî terikandina jiyanêye meriv dikare bibêje cixare ji rih şêrîntire destê meriv jê nabe, kesên bi carekî dev jê berdane ne bawerim hebin herî kêm sê çar car ceribandine devjêberdanê û pirî jê bi sernakebin.. ez dı xwede zanim min deh sala kişand dema jin dev jê berda niha va sê sale ez nakşînim hê jî tê xewna min dibe kabûs.. meriv çewa di terikîne? ji alîkîde meriv dibêje jixwe emê bimrin û bira hima ji cixarê be.. li alîyê din dibêjin hetanî nexweşîn neyê meriv qîmeta xweşîyê nizane yanî hetanî wextekî meriv dikare bikşîne ji wî pêve meriv nikarebikşîne timî kuxte zirta merive dev û poz girtîye... dev ji wî jî berdin ger hişê meriv hebe jî niha pêde meriv cixareka pakêta wî bi milyon kî meriv rabe 6-7-11 milyon bide dewleta bênamûsa werhasil dev jê berdin ger bi we nabe yên tekelê nestînin/nekşînin.. hertişt li alî kî wî pereyê meriv dide bi cixarê cardin bi fikirin meriv dikare pê çi neke? ...

29. dema ku ez nexweş dikevim dilê min ji cixareyê diçe, heta bizanibim ku ew bibe dermanê nexweşiya min jî ez ê nikarim bikşînim. du hefte berê ji ber tevlîheviya rewşa hewayê nexweş ketim, aloqên min nepixî û sê roj di nav livînan de mam. tam sê roj nikaribûm cixare bikişanda lê, roja çaremîn ew xwesteka jehrê dîsa hat cihê xwe û ji xwe re cixarekî pêçand û dam navbera her du lêvên xwe lê lê, cixarê vênexistim. ji xwe re fikirîm, ma jixwe ez sê rojan nekişandî me, ka binêrim gelo ez çiqasî dikarim bê cixare bisekinim. û dawiya dawî di rêya terikandina cixarê de 11 roj, 6 saet, 43 xulek, 27 çirke derbas bûye.

30. Dema ku xanîda tê kişandin (vexarin) bêhnek pirr ne xweş tixe nava xanî û hemû kinc , nivîna ,lihêfa hwd.

Dema ku tê kişandin nava dû de gelek tiştên kîmyasal hene ku mirov dikişîne hindirê xwe...

Piştê kişandindê xwelîya ku dertê der , xwelîdankê tijû dike.Ji xwe bêhna wî jî tiştek dine.

Rojê kêmtirîn 5 xulek ji bo cixarek tê veqetandin. 5*20 dike 100 xulek.Waxtê xwe hemî didin cixarê.

Bihar , payîz ,havîn , zivistan firq nake , her dem ji bo cixarê waxt divê bê veqetandin.

Encamê de waxt ,tenduristî , pere her roj her xulek cixare ji jîyanê dibe.Li gorî lêkolînan emrê mirov 10 sala jî kêm dike.Ev jî ji bo emrekî mirovekî ku 65 sal be , pirr waxtek zêde ye.

Li gor min ji eroînê bêhtir ne baş e.Lewra kuştina mirov nava 40 sala dike.

31. ji bo min tiştekî rehet e, dikarim bi lêz dev jê berdim lê ji ber go hormona dopamîn avzê dike naxwazim biterikênim. Bi saya dopamîn mirov bêhtir li ser kar û şixûlê xwe konsantre dimîne.

32. a soxî min jî terka vê ziqqûmÊ kir...
min di berfenbara 2008an de dest pê kiribû va ye min di berfenbara 2021an de terka wê kir.
law min tam 13 sal bênavber kişandiye/vexwariye
piştî sezdeh salan wa bû çar roj in min devê xwe nedaye wê.
ez xwe pîroz dikim, min bawer nedikir ku destê xwe jê bişom, min kêngî bigota ez berdidim, bêtir du an sê saet bi şûn de min dîsa dikişand. piştî ewqas salan cara ewil e ku çar roj jê bi dûr im.
min di rojê de pakêtek an pakêtek û nîv xelas dikir. aniha hesab dikim belkî min pereya xanîyekê pê re kiriye xwelî.

13*365 =4745 pakêt. min parlement dikşand, aniha buhaya parlementê 21.50 tl ye ango
4745*21.50= 102.017 tl

yani bi buhaya îroyîn min kêmtir sed hezar pereya tirkan kiriye xwelî, ger min li şûna cixareyê her roj dolar/zêr bikirrîya muhtemelen aniha di hesabê min de 200 hezar zêdetir pere hebû.

jixwe ne hewce ye meriv qala bêhna wê bike, meriv her roj serê xwe dişo, cilûbergên xwe diguherîne lê dîsa jî têr nake. min her sal diranên xwe paqij dikir lê disa du sê roj paşê zer dibûn. belkî hûnê bêjin fîşal dikî lê di çar rojan de diranên min dereceyekê spî bû, ezê hefteyeke paşê dîsa herim diransazekî û diranên xwe paqij bikim. muhtemelen dê êdî zer nebe.
sê roj e îştaha min vebûye belkî dezavantajeke wê ev e ku meriv pirr dixwe vedixwe lê ji ber ku ez yekî lavaz û zeyîf bo min ne xem e, beravajî ez dixwazim heft heyşt kîlo bigirim.

min dîsa dirêj kir, hevalno dev ji vê ziqqûmê berdin. naxwazim mîna yekê gelek bi tecrûbe xeber bidim, xwe bikim qurre, jixwe here were bû çar roj, lazim e meriv xwe îkna bike ku cixare tiştekî berredayî ye, tu feyda wê tune ye, tu car nikare stresa meriv daxîne, bilakîs nebûna an tunebûna nîkotînê ya di laşê we de, stresek çêdike laşê we dişê pê, lê hûn du roj sebir bikin derbas dibe...

roja înê min li kurê xwe nêrî; min got yaw ez çima rizq û qismeta kurê xwe didim dûmaneke kanserojen?

33. Qencî ya ku divê rojekê herkes pêşîka ji bo xwe, pişt re ji bo derdora xwe bike.

34. min jî sala 2008-09ê dest pê vê ziqûmê kirîbû, piştê deh sal kişandinê sala 2019ê min berda. 2 sal min nekişand û piştra mixabin ev 4-5 mehe min dikşand lê dîsa ew 2 hefteye min dîsa dev jê berdaye û bawerim yê wisa berdewam bike.
Here lînkê ji bo vê peyamê min peyama xwe nivîsand û me herdû ya ra jî serkeftinê dixwazim, cixare poşmanetîye..