1. berê dema diya min digot "filan tiştî neke wê perê me here" an jî "te îro klîma pir vekir, pêrê me zehf çûn" min digot qey pere dizîka ji cizdana diya min derdikevin û hêdîka ji mal derdikevin. min îtiraf kir, oxweyş ez rihet bûm.

2. (bnr: li xwe mikur hatin)

(bnr: bi ser xwe dan)

(bnr: li xwe anîn der)

4. Bi rastî jî ez hîn Kurdî nizanim*

5. carina fikrên nijadperest difikirim.

6. min hê mem û zîn'ê temaşe nekiriye/nexwendiye. zanim bekoyek bêîman heye û hew. *

7. ev tirşik bi kêrê min hat.

8. ev heftakik e ez li tirşikê me lê nivisê min deha derbas nakin, ji ber kû ez baş nizanim bi kurdî binivîsim.

9. car caran dinêrim ka çend çepkirin u çend reşkirinên nin hene *

10. di twitterê de ji tirşikê peyam ji min re hat.got:tu endamê tirşikê yî min got, erê lê derew bû.rotira din ez bûm endam.

11. pir caran bêriya nivîsandina tişteke li wîkîferhengê dinêrim, bo ku peyvên standard dikaribim bikarbînim. ji bo mînak min teze peyva "peşîman" tevlê hevokeke kir*, le belê ez bixwe li derwe û li mal dibêjim "poşman".

12. Te dît di brazzersê da zilamê keçel heye. Ew ez im.

13. carinan tirşik min ji malperê diavêje. heçko min pêl derkeve kirî ew bi xwe min ji malperê derdixîne .

gelo tu ji min kerixî û bezar bûyî ?

pir xemgîn dibim tirşik, çima wisa li min dikî ? wisa neke ..

14. Bi zaroktî min bi xwe de dimîst, lê min bera stuyê birê xwe dida...

Navê min bû jîrikê, navê wî ma kelmîzo...

15. ez ne qut im, ne dirêj im, takrîhana şax diavêjim

16. gelek caran bi qestî û bizanebûn û li ser hemdê xwe telefona hinekan venakim.. û paşê jî dema li wan vedigerim -tabî eger lê vegerim- dibêjim ''qisûrê efû bike ez nûka sÎnyal an lêgerîna te dibînim, an dema tu li min geriyayî ez zêde ne mûsaît bûm..'' ji vî kar û ji vê kirina xwe carinan hezzekî ecêb werdigirm û carûbaran jî eger yê/ya li min geriyayî biçekî feqîrok û bêgueh be û ji bo kar an xizmet an qewîtiyekî li min geriyabe û ji ber venekirin Û bersivnedana min a telefonê ew kar û xizmeta wî/wê bicih nehatibe poşman an biqewlê wîkîferheng û bahdîniyan pêşîman dibim..*

17. ji ber ku vaye 3-4 roj e min nedikarî bikevim înternetê, min gelek meraq kiribû tirşikê de çi qewimiye, çi hatiye nivîsadin . a rast min tiştên hêvî dikir nedît. lê hejmara nivîskaran zêde bûye pir kêfxweş bûm . ji xeynî wê bi dehan sernivîsên nizanim çiyê kurdistanê hatiye vekirin *

18. mehekî sax bi înterneta bi kotaya 1 gb êdare dikim û vê mehê hê nava mehê de înterneta min qediya. hema ez jî wek pênaberek bê welat, xwe diavêjim ber diya xwe û birayê xwe da telefonên xwe bidin min. giriyê kafiran li min tê . roja borî, li sûka mêrsînê, min destê xwe vekir û got "xwedê ji we rezî be 2-3 mb înternet bidin min". bi vî awayî min heta êvarê 179 mb înternet berhev kir û ez hatim malê . ez niha bi wê têdikevim. xwedê xêra wan jê bîne .

19. ji ber ku yên min nas dikin li ser tirşikê hene ez nikarim bi rihetî îtirafan bikim û vê yekê îtiraf dikim. ka herin lo, hema qet nebe online nebin heta saetekê.

20. welle mi rojek keçek rewndibû çi bikim ma mi hez dikir

22. (bnr: www.nasname.com)

23. dema ez deh salî bum yek mêvan kî hatibû mala me.ew û bavê min û birayên min di odekî de rûnîştin bun û qise dikirin.ez jî ketîm odê û ser mînderkî rûnişt.deme ez rûniştim min mêzekir dengkî hat, min xwe hînek da hêli kî yek berçavkkî şkesti.ew berçavkka mêvan bu.ez pirr tirsîm.dura ez fikirîm min got ezê çi bikim.birayê minê biçûk jî nîzikê min bu.min ev berçavk derxist holê û min ji bavê xwera got birayê min ew berçavk şkandî.bave min ji bawer kir û ev suc li ser milê birayê min ma.dura çi bu?tiştek jî ne bu.

24. ferhengên kurdî-tirki tûnebûna ez jî tûnebûm.

25. heya îro jî min digo qey ferhengên înteraktîv weke forûman e. *

26. dema dikevim tirşikê ewil lê dinêrim ca çepik dane nedane.

27. wext têra min nake . dixwazim rojekî bibe 40 saet. tiştek bikim a din kêm dimîne tiştekî din dikim yekî din kêm dimîne* mesela dixwazim guhdarÎ FILM BIKIM û DI HEMAN DEMÊ DE DIXWAZIM PIRTûK JÎ BIXWÎNIM.HEWCE YE DERS JÎ BIŞIXULIM Û HEVALÊ MIN, MIN VEXWENDIYE XWARINÊ. DIVÊ MALÊ PAQIJ BIKIM, XALIYAN RÊKIM BO PAQIJKIRINÊ, JI MIN RE 2-3 TIŞT HEWCE NE DIVÊ JI SÛKÊ BISTÎNIM HWD . DAWIYA DAWÎN HEMÛ DIMÎNE. NIKARIM YEKÎ JÎ BIKIM . TENÊ TÊRA XWE DERS DIŞIXILIM Û WEXTÊ MAYÎ JÎ LI INTERNETÊ ME .

28. hê jî temase barbie dikim.

29. beriya vêga bi çend salan, helbesteke min di rojnameya postayê de, di rûpelê yurdumun şairleri de weşiyaye, ku îro ez wê wek helbest nabînim û ji ber weşandina wê fedîkar û poşman im. Beşek ji helbesta bêqîmet:



...

piştî qasekî din mîna dizê şevan dikevime hundir; bêhis û bêdeng

da ku rêhevalê min şîyar nebin ji xewa xwe yî şêrîn

da ku nebînin girîyê min î keskesorî yê ji boyî te.

31. nexweş im.

nexweşî tiştek gelek nexweş e. qet nexweş e..

32. (bnr: îtîrafên bêwijdanî)

33. vaye 17 sal e dibistanê dixwînim lê heta niha carekê jî, dibistana min ji ber berfê neketibû betlaneyê. lê îro sala min a 17 emîn de, çûm dibistanê û piştî saetek din gotin zaningeh ji ber berfê 2 roj ketiye betlaneyê . çi qas kêfxweşbûm nikarim vebêjim .

35. min hê jî fêm nekiriye ku omer dilsoz û dilgeş dilsoz yek in an na?

36. dilê min îşev li ser hespekî rewan e, dibeze ax dibeze..

henek menek dilê min ev çi qas e tê bêjî qey hatiye xesandin..

ev çendik û çend sal in bi ser navê eşq û evîn û muhbetê tu tişt lê şÎn nabe..

tê bêjî qey teqîneka nûkleerî lê çêbûye.. erdeke rip û rût û trafîkeka transît.. heçî tê diçe, heçî tê diçe..

37. dixwazim xwe hînî zimaneke nÛ bikim.. û dixwazim xwe bielimînin çend bernameyên nû yên endazyariyê..

û ji bo vê yekê min hemû hesabê xwe yên sosyal medyayê sekinandine, divê destê xwe ji tirşikê jî bişûm, lê dema ku dibînim layê çepê yê tirşikê virt û vala ye û bûye berdîwarê sêwiyan, xwe nagirim tişta tê ber dest û devê min li tirşikê direşînim..

dixwazim dinyayeke bi temamî kurdî ava bikim..

dixwazim dinyayeke ji binî ve bi kurdî ava bibe..

38. dikim û nakim tênagihijim bê ka insan bi çi dijî?!

ya ku zanim ne hezek e ku arjen arî di helbesteka xwe de lê digere..

39. şevên ku dimînim nobetê û hemû rojên din yên ku sibehan li kar im û ne pêkan e têkevim tirşikê; tiştên ku tên bîra min telefona xwe de lîste dikim û dema dû re têkevim tirşikê wan hemûyan yek bi yek dinivîsim *

40. min doh şev mamosteyekî xwe yî ku min wî qet nedîbû di xewna xwe de dît (bawer dikim çavê min tirsiyabû, lê îro dema dersa wî de mi dît ku rûyê wî kesî û ê xewna min ne yek in.



Xwedê mere ji xewnên werê bisitirîn e.

43. ez sîxurekî ku di tirşikê de kurdan fîş dike, me.

44. ez tirkî ji kurdî baştir dizanim. hêj ez nehatîm li vir min digot qey kurmanci zehf sanahiyê lê belê çen rojê ez li virim ez bi kutahî du hevoka diînim cem hev.

45. Ez naha hewl didim ku hijmara peyamên rojane yên tirşikê zêde bikiM.. Çi bikevê ber min ez dinivîsim..

46. ez o se heb moron em lı odake dıjın *

47. yek ji feqiyêteyran hat: http://i.hizliresim.com/xEBd2z.jpg

48. kampanyaya ku îro birê ket û baş an xirab çû serî, dilxwede min dabû destpêkirin û mîratê heta çend deqîqe mayîn ji kampanyayê re jî min nekarÎ ez tu amadekariyekî bikim, spontane hema çi hatibe ber dev û dest û dilê min, min li alema twitterê wer kir, hinekan jê girt û hinek jî kes nizanim bi kû ve wenda bûn..

50. JI BO KU HIJMARA PEYAMÊN DUH HATÎN NIVÎSANDIN BIGIHIJIN 300Ê MIN HETA DEQQEYA DAWIYÊ JÎ PEYAM NIVÎSANDIN.. mIN XWESt ÎRO (YANÎ DOH) EM REKOREK NÛ BIBÎNIN..

51. ez ji bo tirşikê pirtûkên kurmancî dixwînim

53. ev sê heftî ne karê ku ez karim di sê rojan de bikim, ez nikarim xilas bikim..

îro projeyeka ku min berî 5 mehan çêkiribû bi hênceta ku kêmasiyên wê hene bi ser me de rêkirin, ev cara ewil e projeyek li min vedigere, yanî di ser min de dimîne.. eger projeyê sererast nekim û cardî rênekim ez ê nekaribim heqê xwe bistÎnim û bi xwe re nabînim destê xwe li tu tiştî bidim..

berê min di rojekî de 20 rûpel werger dikir, lê êdî heta rûpelekî xilas dkim nîvê ruhê min diçe..



hilbijartinên şaredariyê nêzik dibin û ez hê jî nizanim bê ez ê çi bikim, berê min digo ya baş ez neçim ser sindoqê di mala xwe de rûnim, du roj berê ji partiya aşitî û demokrasiyê keçikek û xortek hatin ber deriyê malê û pirsa hilbijartinan ji min kirin, min jî ya dilê xwe ji wan re got, wan jî got em herin ber deriyê kîjan malê her rexne û gazindên bi vî awayî tên kirin û gotin em bi xwe jî ji van tiştên tu dibêjî ne razî ne, û di nav partiyê de jî dibêjin, lê kes zêde guh nade me, min go madem welê ye, hÛn çima simsariya vê siyaseta çewt û çelexwehrî dikin, yekî got birayê min li serê çiyê ye û ya dî jî got min di nav vê siyasetê de çavê xwe li dinyayê vekiriye.. seb xatirê van herdu ciwanan tenê mabe dixwazim wê rojê herim ser sindoqê û dengê xwe bidim gülten kışanakê, lê dema navê gülten kışanakê û tiyatroya destnîşankirina endamên şaredariyan ku jê re önseçim dibêjin tînim bîra xwe cardî poşman dibim û vedigerim ser fikra xwe ya berê..

55. dema ku ez li cihê dawîn hatîn reydan avatara xwe dibînim, ez dibişirim, pir kêfxweş dibim û ez tu rayan nadim peyaman da ku avatara min ji wê derê ranebe *

57. ji endazer hez nakim.

58. ez ji ezmûnan kerixîm. bes e yaw. îsal tenê îsal ez ketima ezmûna 11 stajan.

her ezmûn stresek din, rojên tenê bi ders şixûlandinê derbas dibin, xwarinên ji derve hatî xwestin, kar û barê ku ji ber ezmûnê hatine talûk kirin bi xwe re tîne. paşê ezmûn derbas dibe, rojek tenê jî betlane tune ye. roja din dîsa dibistan heye. hê mirov ezmûna din ji bîr nekirî a din tê. şikir ji xwedê re ez ji hemûyan jî derbas bûm.

lê min tu tişt ji vî salî fêm nekir.emrê min 23 e. ma ez ne guneh im, ciwantiya xwe li malê bi şixulandina dersê derbas dikim.

vaye 2-3 roj e, li amedê ji ernê min, dinya ew qas xweş e ku.. pencereya odeya min li derve dinêre, wek di filma hababam sinifiyê de, li derve dinêrim û dibêjim "dinya gelek xweş e, herkes bi hezkiriya xwe digere" û dû re jî dibêjim bena na. bena na ez li malê me û ders dişixûlim.

59. ezmÛna mina öss(ygs lys) tune buna. ezÊ dinav tirşikÊ bÊtir zehf aktÎf buma.

60. li qursa kurmancî ez hîn di asta yekemîn de me.

62. çay û cixare tune be. ez nikarim bifikirim *

63. mijara ku ji alîyê admîn ve hatîye vekirin û ne li gorî formata tirşikê ye.

(bnr: sen de mi brütüs)

64. mijara ku yek ji mijarên taybet yên derî formatê ye (min vê jî niha ji ber xwe avêt *). ji bo mînakek din;

(bnr: tirşik forum)

(bnr: stranên ku nivîskarên tirşikê vêga guhdarî dikin)

65. ez teknîkerê tendurîstiyê me û min kpss qezenç kir ez ê heta meheke paşê herim dest bi kar bikim lê min stenbol qezenç kir bi xwedê min hê di xewna xwe de jî stenbolê nedîtiye ez nizanim çi bikim ji ameda rengîn ber bi dojeha mirovan wê çawa bibe nizanim.. şeytan dibêje neçe lê bêrika min jî dibêje gûyê ji serê xwe mezintir nexwe û biteqize...

66. min ti carî ji helbesta cegerxwîn hez nekiriye. full stop.

67. deh malên min hebin, ez odeyekê jî nadime kejê bêmal.

69. kîsikê mejiyê min ji xwendekarên qedexeparêz diçe!

70. dilê min ji kurdÎtiyê dixele..

dilê min ji edebiyata kurdî ya serdema îroyîn dixele..

dilê min ji siyaseta kurdî dixele.

di teoriyê de azadî û serxwebûna kurdistanê dixwazim lê dema kurdan dibînim dibêjim heft xwezî bi bindestiyê..

dilê min bi teyyîb erdogan dişewite..

li ber mirina tu kesî nakevim ya berkin elvan û ugur kaymaz û yên dî jî tê de, û bawer nakim ku ji dêûbavên yên mirî û hatîn kuştin pê ve tu kes li ber mirina tu kesî bikeve..

û

ey xwuda ataş baran e baran e

xaniyê dilê'm wêran e wêran e..

72. ez xiyalperestekî me. heta wê rewşê min ew çendî pêşve çûye ku, carinan, qasê çend çirkan, ji bîr dikim ku tiştên ez difikirim û diaxifim, xiyal in.



dibe ku rewşeki psikolojîk be, heke wisane, nexwa min zû da pê girtî ye.

73. di dilê min de çoleke virt û vala heye..

74. her car wek îtîraf tijji tiştan dinivîsim lê dû re reş dikim..

75. ez gava ji kurdiya xwe sar dibim, dikevim youtubê û stran û klîbên hozan serhad temaşe dikim. dengê wî hêzeke bêhempa dide min hetta dikarim bibêjim ku wek bandora afyonê li ser min pêk tê

76. dema ku bi tena serê xwe dimînim bi dizî li strana dombrayê guhdar dikim. *

77. ez dixwazim ku navê tirşik.netê biguhere!!

de bipirsin çima?

yaw yabo dema ez ji heval û derûdora xwe re behsa tirşikê dikim ez eyn gêj dibim yaw. dibêjim ferhenga înteraktîf e, dibêjin ew çi ye, 2 saet qala ferhengê û qala înteraktîfê dikim. bi qeda û bela merama xwe li dû hevudu rêz dikim di dawiya ravekirinê de ji min re dibêjin navê wê çi bû? ez dibêjim tirşik.net e paşê heneka xwe bi min dikin dibêjin em tirşikçî nîn in qaşo henek dikin bi qewlê tirkan 'zavallılar' rebenê xwedê ne dizane ferheng çi ye ne dizane înteraktîf çi ye û bi ser de jî henek û tinaza xwe dike.. bes e bila navê tirşikê bê guhertin ez jî rehet bikim hûn jî:-)

78. ez çi dikim çi nakim dîsa jî nikarim fediyokbûna xwe li ser xwe biavêjim... mixabin ku min pirr hewl da dîsa jî bi ser neketim. ji zarotiyê min heta niha ez wisa me min 4 sal zanîngeh xwend di sê bajarên ku çanda wan ji hev cuda de jiyam, ketim gelek civatên cur bi cur, min bi sedan pirtûk xwendin lê feyde nekir hê jî fediyok im hê jî fediyok im... ji min re psîkolog û terapî divê. ..

80. min di eksisozlukÊ de deh entry nivîsand û piştî wê hew du-sê caran tenê ketimê. rojekê hevalÊ min ji min pirsî, got "ka tu bû nivîskar?" min jî li eksisozlukê nerî û ez bÛbûm nivîskar. lê piştî demekê ez jî adiz bÛm û min nenivîsand. hevalê min got ka şîfreya xwe bide min, ezê binivîsim. min jî da wî. nêvî bêtir entry yÊn wî ne. piştî min şîfre guhert û neda wî, min dest bi jê birina entry'yên wî kirin lê naqedin mîratmayon. * *

81. xweşa min ji hun çawane heval))))))) re diçe. ji ber ku, wek zarokên şûm, di tirşikê de çirtikan diavêje* *

83. Helbestên ku ez herî zêde hez dikim bi tirkî ne.

(bnr: bir intihar mektubu teşebbüsü 1)

(bnr: bir intihar mektubu teşebbüsü 2)

84. ez kurdî nizan im

85. ez kpss naşixulim û bibe sedema birçîbûna min *

86. ji ber ku %70ê wextê xwe li cihê kar im, nikarim bi komputerê bikevim tirşikê û loma bi telefonê dişopînim û tiştên ku hatine bîra min li derekê qeyd dikim û dema têm malê ji komputerê van tiştan dinivîsim *

87. dema ku ez vê mijarê dibînim ez difikirim da tiştekî li bin vê mijarê binivîsim. *

88. ez hê nizanim bê ka butona kul û derd çi ye û kêr çi tê

89. rasteqîn, cinorek û dogania * xeyidîne, xatirê xwe xastine û çûne. êdi di tirşikê de nanivîsin. xuyaye ku ji ber rexneyên min revîn. eger vegerin, ez soz didim ku êdî ji wan re tiştekî nabêjim. li ser de wek mamosteyên xwe endazer heqeretan bikin jî ez dengê dernaxim.

90. carinan hin hevalên me yên ji tirşikê, hin tiştan bi îngîlîzî dinivîsin yaw bi xwedê gelek zora min diçe ji ber ku ji xeynî çend peyvên jiberkirî tiştekî din bi îngîlîzî nizanim lewma fêm jî nakim. divê hevalên me wisa li min neheqî nekin! ez ê heqê xwe helal nekim haa! mesela navê fîlman bi îngîlîzî dinivîsin ez jî dixwazim tevlî wan mijaran bibim lê fêm nakim behsa kîjan fîlm tên kirin. hay ji vê yekê hebin

94. ez ew karakter û qehremanê di vê helbesta xwudênehiştiyê îsmet ozelî de me, ne kêm ne zêde;



''uzak nedir?

kendinin bile ücrasında yasayan benim için

gidecek yer ne kadar uzak olabilir?

başım açık, saçlarımı ikiye

ortadan ayırdım

kimin ülkesinden geçsem

şakaklarımda dövmeler beni ele verecek

cesur ve onurlu diyecekler

halbukı suskun ve kederliyim ''



yanî;



'' çi ye dûr î, û kû der e?

ji bo yekÎ wekî min ku ji xwe jî dûr ketiye Û dûr dimîne

heta kû derê diçin rê û bi ser çi ve dibin?

serê min ripûrût e, min pora xwe ji nîvê re

kiriye du şeq

ji kÎjan welatî bibihurim

yê min ji deqên li ser ceynikên min, nas bikin

yê bêjin çi qas jêhatî û liberxweketî ye

lê ya rast bêdeng û xemgîn im''

95. min çend wextan qedrê celladê xwe girt,min wî rind xwudan kir bi xeberên şîrîn,bi keniya ji dil,bi kilam û hikayetên bav û kalan,bi hingîva heqîqî,sêvelokên ser banê mala babê min hatîne hişk kirin..ne mirî me zindî me lê kulek mam.gava dimeşim piyê xwe ê çepê dûv xwe radikêşim.yek bi baldarî guh bidêre wê dengê xuşîna dengê piyê min bibihîse..

96. mêjiyê min sekiniye. dikim nakim tiştek bikim peyam an jî mijar û binivîsim nabînim. li hêviya xêrxwazekî me ku mijarên eletewş veke em jî bikevin navê.

97. kam ke bi kirdî/zazakî binuso, ez ey rê çeppikan cenena. *

98. dema endazer siyasetÊ nake kÊfa min pir jê tÊ lÊ dema dest bi siyasetê dike haho Û haho...

99. ceynika serê min ji siyasetê diçe, heta ji min tê naxwazim tevil û têkil bibim, lê dema dibînim kesên ku ji siyasetê fêhm nakin tên di tirşikê de bi ser navê siyasetê sempartîzaniyê dikin û ji bo berjewendiyên xwe Û partiya xwe aliyên din di bin tohmetê de dihêlin, xwe ranagirim çi tê ber dev û destê min li wan wer dikim.. zû bi zÛ aciz nabim lê dema nanxwer û şûrkêşên rijd yên hêz Û hizbekî dibînim hiş di serê min de mamîne..

100. ez dizanim demekê dirêj e ku tiştên tewşo mewşo dinivîsim baş dizanim. lê çi bikim? dikim nakim ji dilê min nayê ev bajer êdî ji bo min wek dojeh tê ji ber ku westiyam.

101. ji ber strana şemamê, carekê gelek rizîl bûm.

hevalek tirk ji min pirs kir ka wateya wê çi ye. ji ber ku li derdorê kesek ku ji min zêdetir kurdî bizane, tunebû. min jî (ji ber ku stranê de dibêje şemamê û domamê) got bi qasê zanim wateya wê "keça mamê mirov" e, lê 2-3 deqe din derket hplê ku ne wisa ye.

103. jÎ ceso hez dikim.*

104. madem ceso û xwelî li ser mikur hatin û evîndariya xwe bi me re parve kirin divê ez jî li paş nemînim:-)

ez jî ji endazer û ji nazim tolhildan hez dikim:-)

105. Yê ku reşşikan dide mazlumozdogan ne ez im! Bê henek ceso/22480

106. min hesabekî vekir di twitterê de, beriya niha jî di facebookê de, ku bi wêneyekî keçikek xweşik e û bi navê keçan e. bi vî awayî min reklama tirşikê kir. lê bila xwedê we bide bawer kirin, metod û rêya herî baş ev derket. yanê ew çi hewes û eşq û kêf bû * her roj bi dehan kesan daxwaza hevaltiya dişaniya, bi sedan kesan peyamên teybet dişaniya. lê paşê ji ber ku di demek kurt de hejmara hevalên min zêde zêde zêde bû, facebookê hesaba min girt. niha jî ji min nasname dixweze *

neyse min niha jî heman tiştî di twitterê de da despê kirin. ez ê tweetên tirşikê rt bikim .



(bnr: yaw ez çi beraz im) *

107. min dinyayek tişt nivîsand û paşê bêyî ku li derekî qeyd bikim min jê bir..

108. xemgîn im, betilî me nizanim bê ka ezê çi bikim. jiyanek tevlihevbûyî dibihure û ez di nav wê jiyanê de mame nikarim xwe tev bidim. ne dikarim paş de herim ne jî dikarim pêş de.. di holê de mame û li benda destekî me ku wê xwe dirÊjî min bike û min ji vê quzilqirtê xelas bike.

Têbinî : ne şaş bim hat*

109. duh sibehê ezmûna me hebî, mamosteya me jî qene kopye negihijin destê ti kesî em bi dedektorê qontrol kirin, dilxwede me nikarî em bi xwe re telefon tablet laptop netbook hwd bibin hundir, lê ez û telefona xwe em ji dedektörê reviyan û koma me jî dawiyê de ket ezmûnê*, axir yên ezmûna wan xelas bî min go wan alo

di koma min de kêmî 80yê pûan nînê û bêhna min fireh e, ez ne poşman im*

110. biskek berê di rawestgeha taxa gewranê ya ofîsê de rastê wê hatim bi qasî 3 deqe li wê nêriyam lê tirsayam ku herim bêjim merhaba...

111. van rojan ji tirşikê bêhtir ekşî-yê dixwînim. gellek caran jî nizanim çi dixwînim, ji tiştê ku dixwînim ti gû fêm nakim. carinan jî dibînim ku google vekirî ye û weke gêjan lê dinêrim nayê bîra min ku min ji bo çi ew vekiriye. nizanim depresyona biharê hatiye serê min an ez hino hino dÎn dibim...

112. ez nema bi xwe re dibînim bitirşikînim tirşika rengîn..

113. min hê jî helbestên Selim Temo yên kurdî nexwendiye. *

114. her çiqas ez gundî bim jî, ez boxer'êr Calvin Klein li xwe dikim. lê kes nabîne/nizane, qas perê diçin. bijî derpeyên spî!

115. her çi qas ku ez bajarÎ bim jî bê derpî digerim. kes ne dibîne ne jî dizane bê ji çi qas mesrefê difilitim. bijî timahîzm

117. wextê min cara yekemîn li xezê filmê kurmancî seyr kiribû min digo qey hinek ketine pişta tvyê û bi kurmancî dişitexilin *

118. min hê jî guhdarî the godfather û the lord of the rings nekiriye.

dikarim nîv saetan behsê bikim lê min temaşe nekiriye *

119. ew qas westiyame ku, nikarim peyaman bi dawî bikim. tişta ku dixwazim bêjim di niviyê de dimîne.

şevbaascsvsvzjcacvac.

120. ji xwarina tirşik Ê hez nakim. lÊ ferhenga wÎ xweşÊ.*

122. min qet texmîn nedikir ku bûyerek bê serê tirkan û ez ev qas xemgîn bibim. min digot qey piştî ev qas êşan ku kurdan ji destê tirkan dîtine, êdî çi bê serê tirkan ew qas tesîr li min nake.

lê wisa nebû, hingî wêne û nûçe û çîrokên mirovan ên li qezaya li somayê mirine dinêrim kelogirî dibim..

karkerên hêjar, xizan herdem reben û bêkes in ..

123. ez li xwe mikur têm..

Ez qet ji ereb, tirk û farisên baş hez nakim

Dixwazim neyarên me hemû xerab û ker bin

124. gelek sal berê bû.

ez di ortaokul'ê (dibistana navîn) de bûm.

ji dibistanê hatibûm, birçî bûm û li malê kes tunebû.

demên wisa de, edeta min bû, min herdem ji xwe re çay çêdikir û bi çayê jî penîr dixwar.

lê wê rojê min got, ez ê vê carê ji xwe re hêk bikelînim.

te dît, ez zêde biaqil im û zana me, loma fikrek hat bîra min; min ava çayê xist çaydankê de û danî ser êgir.

paşê min hêkan jî êxist di nav vê avê de û wisa keland. dema hêk çêbûn, min wan ji avê derxist û paşê çaya xwe çêkir. qaşo fikrek aqilane bû û min bi vî awayî teserûf kiribû.



paşê dema ku carekê bi apê xwe re, li malê tenê mabûn ez rabûm ji me re hêkan çêbikim lê mamê min wisa nabe. min got çima, hema tenê li min nêrî û min fêhm kir.

xwedêyo aqlê min li ku derê bû wê demê.

niha jî dema tê bîra min, dilê min ji ber xwe diqeqile. iççç!!

125. me îro tirşik û savar xwar pir xweş bu : P

126. min li ser tirşikê ji xwe re hesebeke nû vekir, min biryar dabû ku êdî bi heseba xwe ya nû binivîsim û min çend peyam jî nivîsand lê destê ji vê hesabê nabe loo/lêê destê min naçe ku diguherînim min ji 600 bêtir peyam nivîsiye heyfa min lê tê

127. min li ser tirşikê ji xwe re hesebeke nû vekir, min biryar dabû ku êdî bi heseba xwe ya nû binivîsim û min çend peyam jî nivîsand lê destê min ji vê hesabê nabe loo/lêê destê min naçe ku biguherînim min ji 600 bêtir peyam nivîsiye heyfa min lê tê

128. tantûnî xweş e. bi taybetî ya diya min.. hinekî tûj be jî hahoo ...

129. gava dî li ser youtubeê min stranek vekir, lê berî reklama cornettoyê derket û di reklamê de jî yalın straneka bi navê yeniden (ji nû ve) digot.. normalde ceynika serê min ji reklamên li ser vîdeoyên youtubeê û popbêjên tirk diçe, lê çawa min dengê yalın bihîst çar salên min ên lîseyê ketin bîra min de.. di serwîsê de her wextî radyoya powertürk vekirîbû û wextê nû derketî her gav û saet strana zalim ya yalin lê didan.. û dÎsa di serwîsê de cara ewil dema dilê min ji bo eşq û evînê wekê çûkekî serjêkirî diperpitî keşke (xwezîka) ya yalın lêdida.. ji ber wê hê jî kengî ji derinan dengê yalın bi ber guhê min bikeve bivê nevê dem ji bin piyê min dikişe û di bin barana bîranînên xwe yên xortaniyê de şil dibim..

neyse hevalê min ê malê ku êdî ji tirsa min newêre guhdarî stranên popa tirkî bike, bi ser min de girt.. *

130. Ez heyranê ajda pekkan im. Him mûzîka wê, him jî ew*

131. her çi qas ez * li dijberê dengdanê ji bo serokkomariya tirkiye ji bim di balefirgeha ataturk a li stembolê de dema min ew sindoq dîtin min nekarî xwe û min reya xwe bikaranî û min muhra ku serdê tercih dinivîse bin wêneya selahattîn demirtaş xist.

tişta ecêb ev bû ku di ser serê kabina ku min reya xwe bikaranî kamera hebû.dema min ferq kir ku kamera heye min li jor nêrî û min slavek da kamerayê min reya xwe bikaranî.*

xwedê xêr bike.xwedê wî * ji me ji neyne fihêtê.

133. li kÊfa xwe binêre :-)

134. biskek berê xalê min ê mezin telefonî min kir, 52 sal emrê wî ye, ji min re got ez niha derbasî kobanê bûm êdî venagerim, ji min xatir xwast...

ez ji xwe dipirsim, gelo min çi hîs kir û ez çi hîs dikim, nizanim êdî bi rastî nizanim ji her tiştî eciz bûbûm niha jî..

135. birayên ezîz ez jî dixwazim derdekê xwe ji we ra parve bikim. min doh nuçeyek xwend derbarê şervanên ypg ê de. cîwanek di Êrîşeke daişÊ de destÊ xwe yÊ rastÊ winda dike Û heval jÎ jÊ ra dibÊjin " tu dikarÎ şerÎ nekÎ lewra destÊ te yÊ raste ÊdÎ tune" ew hevalÊ delal jÎ naxwaze ji şerÊ dÛr bikeve Û ji ber hindÊ guh nade hişyarÎyÊn hevalÊt xwe.

Û ez xwe difikirim ji ber xwendina xwe, ji ber karê xwe ango ji ber berjewendÎyÊn xwe newÊrim bikevime şerÎ.

gava ez gehiştime 30-40 salÎya xwe pir ditirsim ku zarÊn min ji min bipirse " te wextÊ şerê daÎşÊ lenetÎ de çi kir" bersiva min : ...

136. willahÎ ez hÊj hostetÎ nizanim ka ezÊ çawa tirşik Ê bikar bÎnim. lawo peyam kÛne, çeppÎk heye an nÎne. nizanim ezÊ çawa hÎn bibim.

137. îroj du heb nûçe gihîştin min..

a yekê, kurê xalê min

a duyê, hevalekî min î dilsoz û jidil..

serê sibehê dadgeha kurê xalê min bû ku ji 5 sal zêdetir di girtigehê de bû, îro tehliye bû, cara ewil kêfxweş bûm piştre hevalekî min peyamek şiyand û got; xebera te jê tune ye? mi go xêr e çi bû? got sertîp li kobanê şehîd ket... ez kor bûm!

ey xwedê! ma ne bes e?

nizanim çi bikim nizanim çawa bijîm. ..

138. mijara 54 nivîskarên cuda li bin sernivîsa wê peyam rêkirîn. min li hemu mijaran nerêniye lê dibe ku rekorek be.

140. birÊz tırşık ez li wan Ê rabûm hatıme li van deran ji boy xwendinÊ lÊ qe kÊfa min tune ye . bÊ kes bÊ heval mame nizanim ezÊ çi gûyÎ bixwÊm.

estanbul xoştur ame bane na .



vîdyoyê veke

141. ez pir hez dikim di tirşikê de binivîsim lê ji ber kar û barên min gelek caran dem nabînin ku binivîsim.

142. carinan mirov xewnekê dibîne, 2-3 rojan nikare ji tesîra wê xelas bibe..

143. Min hej keçikekê kir wê jî hej min.lê ji ber bêaqilî ya min em negehiştîne hevdu..jiber hindê ez herro bo xwe dijûna rêzdikem ..

144. Ez qet dersê xo ra nêxebitêna. Her tim ser o gurreyê tewşan de vindena, şuxulêna. Hele ez biewnê dawîyê mi se beno.



Ha Hebêk keçêk zî esta, weş û rind a.

145. loma bêkari ji sibehi ez runiştime li xêvjimare û disekînim maçe beşiktaş-fenerbahçe ku ê dest pê be sehet hefteda.

146. ma gelo ez ê kenge bibim endamê tirşike

147. hevalê min ê malê nizane torrent çi ye, car heye 10-12 fîlman bi hev re davêjim ser torrentê û tabî bivê nevê dikutim qûna leza înternetê de, hevalê min jî ku tîryakê înternetê ye çawa dbîne ku înternet giran bûye tê dibêje yaw hacî ev çi ji vê înternetê hatiye, heta bi ser googleê ve dibim nîvê emrê min diçe ez jî her heman bersivê diidim û jê re dibêjim ''ez jî nzanim belkî ji ber pirsgirêkeke teknîkî be carina li deverinan baximê li xeta înternetê dikin ji ber wê giran dibe'' ji xwe ji bo wî înternet facebook û lîstikên sanal ên online in ji ber wê dilê min pê naşewiye û li ber nakevim.. *

madem mesele li ser înternetê vebû ez tiştekî din jî bêjim sê çar keçên teredînî yên cîranê hemberê mala me hene, sê çar meh berê bi awayekî pêhesane ku li malê înternet heye yek ji wan hat go tu dikarî şÎfreya înternetê bidî carinan spartekên me çêdibin em mecbûr dimînin diçin heta Înternet cafeyan min jî go ser çava, du sê roj di ser re bihurîn çi bibînin min dît hingî diçe înterneta gewr sisttir û girantir dibe min go ka ez li modemê binêrim ev çi mesele ye, ez çûm ser adrêsa modemê wey xwudêyoo ji 20 mekîneyan zêdetir bi xeta me ya înternetê ve girêdayî ne, tabî bi dest xwe re min têketina wan hemû mekîneyan asteng kir, bû roja dî min dît dîsa hat ber derî û go em nikarin bikevin înternetê qey te şîfre guheriye min go na şÎfre her eynî min neguheriye lê carinan ji mesafeyên dûr nakişîne belkî ji ber wê be filan..

axirê qey xanimê mesele fêhm kiriye kengî li asansorê an li hola apartmanê em liqayî hev bên, rûyê xwe ji min ba dide, mehdê xwe tirş û tehl dike tu wê bêjî qey min bavê wê kuştiye.. *

148. li vî bajarî, yanê li stenbolê heft mehên min qediyan, bi gotineke din, heft meh e ku ji amedê dûr im, heft meh e ku di jiyanê de hilnayêm û nahewim, dê nehewin jî.

belkî li hemberê xwedê neheqiyek be jî lê hîn hemû bawerî û îdealên min taluq avêtin, dibe ku biçin sergoyê jî..

jiyan di nava tirkan de, di nava şênî û civatên wan de wek gûyî ye, ji gûyî jî xerabtir, pîstir, genîtir û bêhnpêketîtir e, hê jî hînî wan nebûme, kî tê dibêje, tu yê hînî wan bibî helbet, ya rastî naxwazim hînî wan bibim, emr li min zêde dibin, her ku dihere madeya min tehltir û tirştir dibe, jiyan û pêvrebûna ligel tirkan ez ji jiyanê, ji xweşî û qenciyê, ji bêhngirtinê sar kirim, hew dilê min di asmîna kurdistanê de aso û aliqî maye, dil dikim ku vegerim, lê dibêm tu yê bi çi rûyî vegerî serhedo?

heft meh e ku li stenbolê me, biyanîbûneke beloq ji çavên min dihere, weka ku nêm ji rênasî bihere, li van deran naqosên dêran kerr minare kin nîn in, dilên rût ên bajariyan kerr û kin in, xwezî tirşikvanino mirin hebûya veqetîn tunebûya..

heft meh e pê hesiyame ku tirkiya min jî ne baş e, min berê digot qey tirkiya min li gor rêjeya tirkiya amediyan baştir e lê na bavê min! niha di nava wan de dibînim ku hîç ne baş e, dilê min bo ferqa bilêvkirina 'qaf' û kef'ê nekeliya û çû, hê jî nikarim bêjim kağıt, ew her qaxit e, û çi îşê me pê kağıtê heye? nizanim..

dema ku kurdek tê van deran dil dike ku siwarî keştiyan bibe û ji ser tengava stenbolê ve, ji hêlekê ber bi hêlekê ve here û sîmîtan biavêje bo qaqlîbazan; min carekê jî dil nekir û neavêt, min hej ji wan jî nekir, ji lew ew ajalên axa welatê min nîn im, dibêm qey ew jî neyarên min in, lê xaliqên xwedê ne, de were vê rastiyê bipejirîne... hîç ne pêkan e gidî!

heft meh e ku xwîna min li girava dîrokî ya stenbolê jî netevizî, hama qurteke kelecan jî di nava damarên min de negeriyan û tevz nexistin laşê min, darên parqa gulhaneyê, sûretek ji daristanên şewitandî ên welatê min dianîn bîra min; ku min digo xelk hej ji xwe û kêfa xwe dikin, ma sucê daran çi ne? lê bo ku darên ha bibin populer, darên min bûn qurbanî...

heft meh e ku ji amedê dûr im, xalî me, vala.. ketime di depresyonê re, ku zaroyên doyîn hê nû ji rewşa ha derketine, ma dibêm ne eyb û fedî ye ku tu nikarî ber xwe bidî? ma gidyanoo! jixwe rewş ne ji ber wê bû ku me go ha berxwedan ha berxwedan û mal li xwe şewitand û malik li xwe xerab kir?

mikur têm ku çi qas eciz bim jî ji kurdan hez dikim, hej jê dikim ku bi kul û derdên wan re bijîm, emr kin û elemgirtî be lê bes careke din dernekevim ji xaka xwe yaw, ku rojeke bikaribim vegerim, ez ê êdî hîç jê dernekevim -ji bo ger û geştê jî-

civata tirkan weka ekşîsozlukê ye bi xwedê, heke hevoka wan bi 'amk' dest pê neke nikarin bipeyivin, min bêriya dijmînên 'gedê bajêr' ên amedê kiriye, çêrên ku ji qirikî tê û dilê marivî rehet dike..

149. nêzê sal û nîv e ku endamê tirşikê me lê min hê jî avatareke li gor dilê xwe nedît yaww, dil bi êşan im tirşikkkêê!

mîna ebru gündeşê, ku serê carê sevgiliyê xwe dibedilîne, ez jî ji ecizî û nerazîbûnê avatara xwe dibedilînim, ebruya kafir dît mêrekî dewlemend lê min nedît avatarek! *

150. va fînalêt min destpêkirin.lê ez û hevalên min şev û roj bataq û okêy dileyzîn.xebitîna dersan sifir e.

151. îtîrafname: li tirşikê vegeriyam. min bêriya tirşikê kiribû. :(

152. min heta niha digot qey di stêra tirşikê de bi tenê ken li vir bû nivîsandî ye

(we çima negot tiştên din jî hene kafirno?)

piştî ku hayil bûm, kengî stêr bibînim têm li ser bê ka çi heye..*

153. min carêk li beqal benîşt dizîbû..gava min benîşt dizî ,ez zarokek 6 salî bûm.

154. ji sala 2006'a, heta sala 2012'a ez li ser wîkîpediyayê gelek xebitiyabûm. min gelek gotar çêkirin û gelek tevlêkirin kirin. lê motîvasyona min a ewilîn a di vî karî de pêşdebirin û baştirkirina kurdî ya min bû. herçiqas min bi vê motîvasyonê dest pê kiribe jî, dû re niyeta min her ku çû xalistir û jidiltir bû, ji ber ku, wek tê zanîn, rêya çêtirîn a elimîna tiştekî nivîsandin e. niha zûve ye ku ez têde kar nakime, lê ne ji ber ku meqseda min hasil bûye, ji ber ku wexta min nabe.

155. ji bo ku çomeziya min ji holê rabe û li ber vê eyba mezin fediyê giran nejîm, min vê peyamê nivîsand..*

156. heya wextekî min stranaa koma wetan ya bi navê sîne weke navê bajarê rojhilatê kurdistanê dizanîbû *

159. ihi ihi, beriya ku bipeyivim divê qirika xwe ya tehl paqij bikim

neyse tirşikvanîno em di mikurhatineke dî de careke din bi hev re ne*

îroj yanê piştî saeta dozdehê şevê şeş salên min û wê qediyan yanê şeş sal berê di vê rojê de me hev nas kiribû, teqrîban hesabên me yên wê çaxê, divê niha em zewicandî bûna lê çênebû, biborîna delala min, min tu bê stran şandî, bila hemû xezebên vê cihana qehbik li min biqewimin ku veqetîna me neheqiyeke mezin bû..

neyse vê carê ez ê dirêj nekim û serê we neêşînim, li xwe miqate bin û xwedî li evîna xwe derkevin. dinya pûç û vala û xalî ye

161. Dergîsek min ê turk hebu.ji min pirskir hayatım bi kurdi çiye min got jînamin.pişt wi gelek dem şunda ji minre got jînamin. Min jêre got ev peyv ji jinanre tê gotin Em gelek kenîyan.

162. îroj ji rojan şemiyê ye, ango dawiya hefteyê ye, wek şemiyên din dereng ji xewê şiyar bûm tavilê çûm li ber şibakê û pê hesiyam ku hê jî li ber dîmenên stenbolê şiyar dibim, mala min li pendîkê ye û behreke mezin û xaniyên bêserûber li pêşiya min in, tenê me dîsa, na ne tenê me dîmenek ligel min e û qaqlîbazên stenbolê ligel eciziya min didin perwazan, perên wan xweşik in û dibêjim bena ne

erê tenê me, ne hevalek ku bêhna xwe pê vekim, ne jî dostek derdên xwe pê sivik bikim.

derdê xeribiyê pênûs li mehmed uzun hêjandibû, fawaz hussein herdem behsa xeribî û mişextiyê dikir, ger ku nejiyabî pirr li ser naponijî, hay ji girîngiya welêt nabî.

xwe di axeke biyanî de wek bêkesayet hîs dikî, çi zanim ez dema li kolanan dimeşim dibêm qey her kes dizane ku ez xerîb im ne ji wan im, uryan im tazî me kirasa min qetiyaye, dil dikim ku vegerim û hîn nema piyên xwe rakim ji axa xwe ya pîroz, erê pîroz lê pîrozbûna axa merivî girêdayî axê nîn e, hemû bîranînên te li wir mane, kolan bi kolan, kuçe bi kuçe, tax bi tax, semt bi semt hemû tevde xwediyî rêç û şopên lingên te ne, hez bikî jî nekî jî hemû yên te ne bêî wan tu tune yî, xalî yî, vala yî, bêkiras î û ya girîng bê rih û giyan î..

îroj ji rojan şemiyê ye û ez wekî hemû şemiyên din li malê, çavên xwe bi tenê ji xewkan vedikim, li pêşiya min behreke mezin û xaniyên bêserûber...

163.

vîdyoyê veke

165. min di 2012'an de hemû ferheng û peyvên turkcekurtcesozluk.com'êHere lînkê'ê bi bernameya ku min çêkiribû, di çend şevan de daxistine ser kompîtûra xwe û min ji simurg56 re name şand ku ez jê destûrê bixwazim ku wan têxima wîkîferhengê, lê ji wî bersiv nehat û ez zêde bi şopê neketim û min ew têxistine wîkîferhengê.

166. ez qedera çend hefteyan e bûme tirşikvan lê tirsa nezanbûnê xwê şaşo paşo kirinê min nedivîsî.qasi çend dekka bêrê jî ketime tirşik ê ez çi bibînim hevalekî hêja dibêje kes nay nanivîse loma ez jî diçim .min jî li ji xwe ra got gere tu tirsa xwe bicuyî û derkevî holê ji mêjîyê te çi were bi xulamtîya tiliyên xwe derbasê li tirşik ê kî.



heval ferhanga şikestî tu jî xwe akî xembar ne bira ma derdê te ewê tu li nav tirşikvana modaya tirsik.net'ten siktirolup gitme derxî meydanê

167. Min jî hêviya xwe ji pêvajoya çareseriyê birî ..

168. min bi berxwedana xwe 4 kîlo girtin*

xwedê mezin e keçî bizin e*

169. belkî haya te ji vir hebe, îroj nebe dê sibe hebe teqez! ma dinya ne piçûk e? ma xwudê jî ne senarîstekî ecêb e? ma rêyên te wê nekevin li pêşiya min? helbet.

tu bayekî sar î, ji xeyalên te sir û seqem difûrin êdî. strana zülfü livaneli ya sevda değil ya ku te pênç sal berê ji min re gotibû, êdî ev stran jî vî bayî germ nake, tu mir î nema zindî dibî, êdî ji vir şûnda tu bifikire canim

170. (bnr: ev çi bû law)

171. (bnr: ferhenga şikestî îtîraf dike)

172. îro ezmunekê min hebu û ez neçûm, raketim.

173. Di Wextê xwe yê vale de radikevim.

174. ji bo dilê xwe xweş bikim îtiraf3en tirşikvanan dixwînim, lê ya ferhenga şikestî dilê min xweş nekir. jixwe min bi temamî fêhm nekir.

(bnr: hinekî din vekirî û bi kitekit)

175. erê roja newrozê bû tirşik ê xweşî û şahî bû ... deng hat dengê dîlan ê.herkesî destavête govenda delîlo yê belê em hekarîyî ji deverên dî cuda ne,divê cihêrengiya me hebe.û me destavête şêxaniya geveriyan..serçopî ez bûm destê min de jî hevalê min yê sinifa min hebû..piştî du deqayan dest ê min û hevalê min jêkvebûn û destek nerm û germ hate destê min.ew bû..wekî rojê bû..ji pirça wê ya sor ku dirêj û mişe bû min serûçavên wê nedidît.carekê pirça xwe avête pişta xwe û ew rûyê wek heyva çardeşevî bi çavê min ketin..hey yarebî te ev rûye ji ber peqlavê çêkiriye çi ?

piştî govend xilas bû sohbetek jî çêbû..temenê wê salek ji min pitir bû..lê ne xem bû.erê xem a min ne xem bû lê xem ek a wê hebû ew jî bo min bû xem..diyare di dilê wê xalî nebû.kesek ê li wêrê hey û ew ez nîn im ..wê gavê dinya ji ber çavê min reş bû..hêvî yên min şikestin û ewqas tirşik ê ..min çîrokek tehl bo te got dê niha bi xatrê te ...

176. ji bo vêca çiyeeee

(bnr: li cem her gulîsorekî simbilboqek heye)

177. bnr: tevgerên şîzofrenîk/20633

178. Ev du heyv bûn min tirşik jibîr kiribû, doh ceso anî bîra min, sax be*

lê niha jî fêdî dikim binivîsim piştî ew qas zemanî *



edit: jixwe min nivîsandin jî jibîr kiriye gelo me smiley û stêrk çewa li hev dianîn :(

179. kengî bibînim ku li derekê dibêjin çima kes di tirşikê de nanivîse wek ku hemû kom bûne û li benda bersiva min sekinîne ..belkî tenê ji ber vê dinivîsim niha

180. dema li xwaringeha nexweşxaneyê xwarinê bixwim, her car dirankolkek(kurdan) distînim lê hema bêje qet bi kar naynim û divêjim sergoyê.

181. Bi rasti ez pir Kurdi nizanim binifsînim. Hevîyamın ewe ku ez hîne nivisandina kurdî bibim.

182. ji sê tiştan pirr hez dikim;

kurd, kurdî û kurdistan

183. Dema min bihîst tirsik hatiye avakirin, ez bûm endamê tirsikê .Di serî de min derbarê qasî 15 an 20 mijaran de şîrove û tişt nivîsandin. Lê niha îtiraf dikim ku ev bûye salek min tu tişt nenivîsandiye. Eyba reşê, şerma giranê ji bo min ne wisa?

Ez ê ji vir pê ve hewl bidim ku zêdetir binîvîsim...

185. di tirşikê de nû me nizanim ku peyamên taybet mirov ji hev re dişînin admîn dikarin wan bixwînin an na. jvê mereq dikim. ji ber ku tişta taybet taybet e. *

186. Çend roj ewil hindik mabû ez zewicîbûm û xebera malbata min jî tinebû.

(bnr: tu çavê şeytanê)

187. min do şevê di sernava rasteqînê de bi qasî barê karekî tiştina nivîsandin, ji bela ku ji telefonê ketim û ji bela ku piçeke dirêj dem jê derbas bûn, bêî ku copy bikim min şiyand û min dît ku ne onlîne im:(

yanê ketim ber xezeba înternetê û piştre min bi xwe de nedît ku cardî binivîsim

188. ez îtîraf dikim ku tişta ku dê min ê bigota wê nebûna îtîrafek. lewma min negot.

189. min gellek tiştên nivisandina zimanê kurdî bi alikariyê tirşikê hû kir û êdî hû dikim. min berê kurmancî û zazakî tenê bila qeide zanibû.

190. yekşemê ezmûnê min destpêdikê le ez ne dikarim dev ji tirşikê berdim ne jî dikarim pênûsa xwe biavejim.ketim ê E'rafe ki mezin.

192. We qet diziya Xwedê kiriye?



Ez ne diz im û kesî jî diziya min nebihîstiye. Lê Xwedê min efû bike min berî çend salan ji Xwedê televîzyonekê dizî!



Ji sersalê re du roj mabûn û berfê rêya di navbera gund û bajêr girtibû. Vije-vija berf û bagerê ji mirov re digot ku dê heta hefteyek an jî du hefteyên din jî rêya gund venebe. Ez jî di mal de bi tenê me û hevala min jî televîzyoneka 55 nizanim çiye. Îca dema Xwedê ji mirov re li hev neyne, nayne. Tupa televîzyona min a ji dema hezretê Deqyenûs de mabû qediya û ez bê heval di odeya xwe de asê mam. Televîzyon xerab bibû û tiştekî ku ez xwe pê re mijûl bikim tunebû. Min herî zêde dixwest di yelevîzyonê de şahiyên sersalê bibînim û minê êvara sersalê yekem car bi kurdî di Kurd1a rehmetî de li fîlma Titanicê temaşe bikira. Televîzyon xerab bibû, bêhna min haşa hizûr diçû qûna min re.



Piştî banga îşayê bû û ez ji holika xwe derketim, min hinekî xwe bi avêtina berfa ser banê mijûl kir. Feqeyên mizgeftê piştî nimêja îşayê ji mizgeftê belav derdiketin û di nav berfê de ber bi malên xwe ve diçûn. Du feqeyên ku li ber deriyê min re dervaz dibûn qala fîlmekî ku mele wî evarî li mezgeftê bi wan daye temaşekirin dikirin.



Herçend ez nediçûm mizgeftê û min nimêj nedikir jî, min ji feqe û cimûetê bihîstibû ku Mele Bariş televîzyonek aniye, li mizgeftê fîlm û rêzefîlmên girêdayî cemaeta Silêman bi feqên gund dide nîşandan. Mele ji bajarekî tirkan hatibû û bi kurdî nedizanî. Wî qet ji min hez nedikir û min jî ji wî. Welhasil min zanî ku televîzyonek li mala Xwedê heye.



Piştî ku cimûet ji mizgeftê belav bû, minî kafir riya mala xwedê girt û ez bê destmêj ketim hundir. Ji ber heyveşevê hundirê mizgeftê ronî bû. Yekser çavên min li televîsîonê ket û min bê ku destûr ji Xwedê bixwazim kir himbêza xwe û bir mala xwe.



Televîzyona min û ya Xwedê di heman qalibî de bûn. Herdu jî 55 ekran bun. Lê ji ber markeyên wan ne weke hev bûn, diviya min hundirê wan veguhezta. Yanî kurt û kurmancî min ekrana televîzyona xwe kir nav ya Xwedê û ya Xwedê jî kir nav ya xwe û nameyeke bi kurdî ji Xwedê re nivîsî û wê nameyê jî kir hundirê televîxyonê û televîzyon bir û danî mala Xwedê. Ji bilî Xwedê kesî ez nedîtim.



Piştî du hefteyan min bihîst ku televîzyona Xwedê xerab bûye û televîzyon birine cem hoste. Nameyek bi kurdî ji alî îlahî ve di hûndirê televîzyonê de derketiye û mele ji bo xwendinê li kesekî digere.

193. di rojê de 9999999... car pêl li reklamokên beredayîdikim..

simurg56ez ê te dewlemend bikim*

194. ez itiraf dikem min şifreye xwe hındakırıbu,ewe cara duyemine ez dibim endam,hej wexte nu webi ,tirşik net ,andame we e awil ez bum..

195. heftiya vîzeyan e.ez dindik jî naxebitim.niza bo çi nakem xem.divêt ez bixebitim.jixwe min du ders hene ku dê salek din dîsa hilgirim.lê naaaaa...fayde naket.

197. çend sal berê me dukkaneke emlakê vekiribû.me tabelayek ji bo wê dabû çêkirin.jixwe hertişt bi vê yekê destpê kir.me mêze kir ku gava hinek erebe derbas dibin ji me re tîtikê lê dixin,silav didin,nîşana zaferê dikin.carek erebeya partiyê jî silav da me.em pêşî lê şaş man lê dûre me fêhm kir ku tabeleya me kesk û sor û zer e lewma ew silav didin me.

niha ez ji wan kesan re dibêjim: me ew tabela ji ber welatparêziya xwe çênekir.tenê tesadufek e*

198. Nêzika deh salan e jiyan ji min re giran tê. Ne ku bêhêvî me lê ji ber ku mirov bêyî kategorîzekirinê nikarin bifikirin ez pir diêşim. Gava bi yekê tirk re diaxivim ji ber ku mafê kurdan diparêzim bi yek carek dibim terorîst. Gava ku bi hdpîyan re diaxivim ji ber wan rexne dikim bi yek carî dibim barzanicî an jî hîzbullahçî gava ku barzaniciyan rexne dikim bi yek carî dibim murîd an jî evdoperest, gava bi ateîstan re diaxivim bi yek carî dibim erebekî hov ê biegal û şaşik, gava bi misilmanên serhişk re diaxivim bi yekcarî dibim har û jirêderketî... Pêşî dipirsin tu ji kîjan komê yî? çiqas bibêjim ez ceso me jî dîsa dipirsin tu ji kîjan komê yî... Dîsa dîsa dîsa...

Here lînkê

199. binavê "nemrud" û "chaco" li uludağ sözlükê dinivîsînim û min format hin nekir çû.

200. sibê ezmûna minê fîzîkê heye û heta niha nexebitîm :'((

202. dema ku bêhna min teng dibe, bo dermanî û bo bêhnvedanê entryên shorbevanî dixwînim, hama xwudê jê razî*

203. wextekî pîla mişka kombersa min xilas bibû, ez çûm min pîla bangesaeta hevale xwe yê malê jê derxist û li mişka xwe da û pîla xwe ya xilas bûyî jî li saeta wî da, min ji bîr kir ez ji hevalê xwe re bêjim.. hevalê min ê malê mamoste ye, sibehê zû radibe diçe mektebeka gund, axirê sibehê ez rabûm de ji xwe re taştê hazir bikim, min dît ku hevalê min jî li malê ye, min go te xêr e, tu çima neçûyî mektebê, go saeta min a bangê xirab bûye, vê sibê lê neda ez jî di xew de mam û min nekarî bigihim servîsa mektebê..

min jê re behsa pîlê nekir, min go ka bîne ez ji te re çêkim, ez çûm marketê min pîlek kirî Û li saetê da, bu tiqtiqa saetê, ez çûm min saeta wî dayê û min jê re go carê berî ku tu razihî li saeta xwe binêre ka dişixule an na.. *

204. digel ku dengdanek hdpê me jî ji ber ku xwîntehliya sosyalîzma hov tîne hişê min dikim nakim dilê min li alên pkk nakele dikim nakim nakele. li ber dilê min ala min, ya kurdistana başûr e. çiqas xweş û rengîn e.

205. Min pir bérîya tirşikvanan kir ya hu ma ev imtihanén zanîngeyé kenge biqedin bo xwedé ? Min pîr bu li zanîngeyé

206. ez itiraf dikim lê yê bawerke ne wunin

li derveyê tirşikê min nedin xeberdan ez xeber nadim e zanim wun bawernakin lê disa ez îftirakî bi xweve weynim.

209. mın hêjî format ne xwendiye. hima min di serda lê nihart û derbas bûm.

210. gava dî min dît simurg56 li jêr mijara pêkenokê pêkenokek nivîsiye, pêkenoka nivîsî ew qas fiş û eletewş bû, min xwe negirt û reşşika xwe ya ewil di tirşikê de da simurg56, bila qisûrê efû bike..

hinek pêkenok û çîrok tenê bi zimanên xwe xweş û pêkenî ne dema ji bo zimaneke din tê wergerandin tu te'm û me'na wan namîne..

simurg56 te divê tu jî vê peyama min reş bike em biçin ji ber hev ve *

211. Ez hêjî nizanim bakûr ku der e başûr ku der e. Gava di cihekî de rastê van peyvan têm pêşî çend saniye difikirim û pey re têdigihîjim... Peyre dîsa heman quzzilqurt.

212. 1-bi rasti klavya min a kurmaci tunneye ,ew yek ji bo min itirafe.

2- ez nizanim ku ,ka de yekitiya zimane kurdi ,çawa standardize be gelo ? wan tiştene hem sere min u hem jı dile min dieşine .

213. îroj liqayî kesekê hatim, bawer bike pirr dişibiya te, min dirûvê te lê anî û heyfa şeş salan ji rûyê wê yê lihevhatî anî û min di bîr anî ku ew serborî gorekî veşartî ye di dilê min de, ji bo ku ji axê rabe jê re bayekî sivik jî bahane ye, bi xwexapandinên xwe yên sêwî, dikim ku destên xwe ji te bişom lê nabe... dibihîzî?

214. Min di rojêkê de telefûnên 4 keçikan xwest.Min ji bo xwe ev serkeftinêk hesiband.Le ya xirab yekê tenê telefûna xwe da min û wê jî peşniyara min ya evindariyê qebûl nekir.

215. min bêriya wan şerên navxweyî yên tijî heqaret ên tirşikcanan (ne tirşikvan) kiriye. * yaw ez çi zexel im.* bila soz û bext be ku vê carê pevçûnek derbikeve ez ê nebêjim bes e bila heta û hetayê şer bikin.

...

carna dilê min ji hdpê, pdk, pkk dixele lê ez çawa diçim di twîtirê de çend deqeyan twîtên nijadperestên tirk dixwînim di nava çend kêliyan de dibim netewperwerek hovê kurd. pkk û pdk û hdp li ber çavên min dibin pîroz û bimbarek.

...

ji bo rewşa min a kevirlêbarî çar encam hene.

1- an ez pir jîr im û piraniya mirovan normal in

2- an piraniya mirovan ehmeq in û ez normal im

3- an ez ehmeq im û piraniya mirovan normal in

4- an piraniya mirovan jîr in û ez normal im

gelo kîjan? ez dibêjim didu. sisê jî dibe...

...

216. wûn bi çi bawerin ez ji wera bi wî sond bixwum min bêriya tirşikê kirîye. ev internet bûye nexweşînek limin lê min hinek kêmkir niha ez tedawî dibim lê mixabin eşâ bê dermane. ti başbûna min tine bi qurana kû we xwendîye

217. ez îtirafka din jî dikim min dît hisa şikestî nayê min dev ji nivîsa entry berda carek mindî hayloo vaye şikestî jî dev jê berdaye yanjî ewji tedawî dibê kêm dike o hima min ji nava serê xwe kir hewar û min got ez di şanşê xwe nim û min got gere ez disa herim tirşikê û ez hatim

218. ez fetîşîstê memikan im.neku cihek din,hema ew cotik aqlê min ji serê min diben.

219. ez pir kêm dinivîsim. mixabin wextê min zêde nîne.

220. ez îtiraf dikim min reşşik nedaye kesî heta niha ewê rekor di destê minda be kesê ne li gorî formatê jî ne nivîsandibe û troll be jî hurmeta min ji wanre heye



not: bira pozê hinka bi şewite o bibeecin ههههههههههه welle govend ranabe... tey tey

221. ez îtiraf dikim gava entry min tên jê birin dilê min ji tirşikê sar dibe û ez bi vî awayê hetanî niha min nivîsandîye ez ne nivîsînim ez nikarim binivîsinim. û ez li malparek din digerim bira tirşikvan bibin alîkarî ji minre karek bibînin lotikxane be nasname be anf... be hima bira ji minre qelemekî û defterekî bistînin bese ji serê min zêdeye. niha di rûdawêde dinivîsînim. lê rûdaw jî wekî tirşikêye hetanî entrykî meriv dikevê meriv qansêrî dibe.

Here lînkê

222. Ez ê niha rûpelekî ser leyla güven nivîsand xwedê bela xwe Daye ez têketîbûm tirsik ê ema derketîye mi got Mijar bişîne go Qet mafê te tune ez ê dîn bûm

Nivîsa min wenda bû

223. ez îtiraf dikim gava ji minre reşşik didin kêfa mintê ez tînim bi firim... û ez bi reşşikê xwe serbilindim çiqas pirvin dide nîşan ev tev serkeftina mine û qehirandina hinek kesaye.

(bnr: de inca bixwun)

(bnr: ka bila bê) reşşik

224. ez îtiraf dikim malla ferhenga şikestî hezar car ava be yê reşşika dide min wan ji minre aşkere kir.







edît: hem îtiraf hem jî îftirayeke ev

225. Car caran wexta şeveqê şiyar dibim xwe pir xerîb hîs dikim.

227. di heqîba min de tiştek nema, min divê li ser dîroka siyasî ya başûr û rojhilatê kurdistanê û dîroka siyaseta tirk tiştinan bixwînim, tişta di heqîba min de ketî ser hev min belav kir piştÎ vê saetê her tişteka ez bêjim wê xwe dubarekirin be.. wekê goleke genî hest bi xwe dikim..

228. yekem fîlma ku ez li ber giriya bûm berîtan bû.

niha fahm dikim ku derhêner di fîlm de nedigo pêşmergeyên dihat ê ynkê bû an ê pdkê bû. ya rast jî ew bû. balkişandina çîroka berîtanê ji eşkere kirina "dijmin"an girîngtir bû.

229. ez îtiraf dikim hingî min wêneyê simurg56 endazer7/22 û berxwedayê ci war ne kifşkirî dibînim dilê min ji ala rengîn û ji kek nêçirvan sar dibe erê welle

230. carina ez ji yekî hez nekim, radibim û rûdinim planên kuştin an jî lêxistina wî/wê dikim. planên min çiqas xweş bi hewqas kêfa min jê tê, dûre dibêm "amaaan hele dev jê berdi lo!" Xêra va xeyalperestiya xwe pir caran ji şer dûr dikevim.

231. ev salek e min bîr nebir ku ez vegerim Kurdistan a xwe. Qizeke tirk hişê min ji min biri bû. Xwedê hez bike em ê vegerin Kurdistan ê..

232. Carna xeletîyêt mazin yên rastnivîsa kurdî dikim.

233. yê ku çeppikan dide shorbevan ez im*

234. ez gava dikevim tirşikê ewil li çepik û reşika dinêrim gava ku reşşik hebin dest bi çêra/dijûna dikim lê gava çepik hebin ez dibêm hima xwedê ji wî kesî razî ku li çepika dixe.

235. we xwe kuşt law bes serî li hev mezin bikin.

236. welehi ev hilbijartina giştî de ez wisa westiyam ku tu yê bêjî qey kamyoneke bibar li ser min re derbas bû. êdî ne ji bo kar û barên min taqeta min maye, ne jî ji bo ku di tirşikê de binivîsim taqeta min maye.

237. yek ji tiştê herî zêde ez dibehecim xwendina sirûda tirko ye. di mezûniyetê de jî dê ev marş were xwendin.. ne ji malbatê bûya ez ê neçûma mezûniyetê jî..

238. ez rojî nagrim. (bnr: ez ne atêîstim) (bnr: sedemên rojî negirtinê)

239. Ez jî nagrim. Min îro (bnr: goştê xinzîr) xwariye. Parsûyên biraştî. Ê ma qey lezetek wê hebû.

240. Dixwazim hinek mijaran da binivîsim lê ji ber bandora rojê hal min de naminê.nivîs ji min re gelek dijwar tê.piştî fitarî jî wext namînê.

241. dema li iraqê an jî sûrî, tirkmen tên kuştin kêfa min tê. tişten ne rast e û ji xwe fedî dikim lê sedema kêfxweşiya min ew e ku tirkên famkor hinek tiştan fêhm bikin.

242. li ser înternetê di muneqeşeyêde tirkê nijadperest bimin nikarin ez dev li wan di qelêşim wan diqehirînim cîyê ez li wir bim ew nikarin serbest xeberdin.

minak: dibên tu çima naçî kobanê tu newerî?

ez jî dibêm wa qehreman pirin li wir em kurd têra herkesî û li herderî hene.



tu çima naçî çinê turkmenê tejî di kujîn...

û

me li silêman şahê we jî dît we çewa neqlîye dikir.

bijî yüce apo wan di teqîne

û filan û bêvan.

243. Min biguman ne tekes dizanîya recep dildar nivîskareke kurd e.li ser feysbukê jî re daxwazî şand.paşîre min dît ku ew wênê min aciband û şîroveyekê asahî kir.min xwera got bawerke ev ne nivîskare min xeletî kir ji wî re daxwazî şand.piştre min ew ji hevaletî derxist.paşîre min hinek pirtûkê wî dît ku ew nivîskarek e.piştre pişman bum lê dem ji demê borî bu

244. ez dixwazim navê xwe yê tirşikê biguherînim lê ji tirsa simurg56 newêrim jê re bêjim:(

245. nexweşîna tirka nijadperestî digihîje min jî ez dinav wanda hingî diçe nijadperest dibim mixabin.

246. birêz yoda heta niha 5484759.. heb soundtrackên bijarte parve kiriye lê seb xatirê xwudê be jî min yek jî gohdarî nekiriye*

247. tirşik,

do min mijarek vekir mijaraminî ewil bû, bi tirkî bû min xwest wek navê min ev mijar jî îronîk be lê bû vekî lanetek li ser min, piştre min mijarek kurdî vekir lê îca di nivîsê de xeletî hene (bang li moderatoran dikim ji kerema xwe re vê mijarê serast kin).serda jî rojek a tarî û biêş derbas dikim.

248. ez îtiraf dikim endazer û rasteqîn yek kesekîne. çima-çewa? dema tên tirşikê herdû ilamê didin hev bi hevra tên dema diçin jî bi hevra diçin

(bnr: ji minra rojbaş)





not: nûqte û vîrgulên wan jî eynîne.

249. naxwazim razêm û wextê wê ye ji ber karên min ên sibe.



jêrenot: ji xwe re îtîraf dikim, qet eleqeya we pê tune.

250. ez ji bo pirtûkan dinivîsim yana nivîsên tirşikê û nivîskarên wê yekcar nayên xwendin.

251. tê du meh he ne ku neketibûm tirşikê, ji vir meheke berê nazim tolhildan peyam şandiye û gotiye ezê werim stenbolê emê hev bibînin lê min peyam hê nû dîte, aniha min bêriya tirşikê kiribû û mi go ca vekim, xwezî min meheke berê bêriya tirşikê bikira:(