1. Hopanê, hopanê

Kejiya min a panê

Avêt gola hanê

Gola han qamîş e

Marî fîşe-fîş e

Kekê min çawîş e

Çawişkî bi çûk e

Min jêr anî bûk e

Bûka Hesen Begê

Sêva ser kulegê

Wê sêvê hiltînim

Gulekê datînim

Gul gula hedadan

Derî li min radan

Çûm quncikê tarî

Teyrek tê da dinalî

Çi teyrekî sil e

Tasa bi zengil e

Kuta binê dile

Deng diçû Mûsile

Mûsila hêlak e

Dest û pê şibak e

Şibaka zêrîn e

Pêçîka zîvîn e

Heft qor digerîne

Qorek temam nîne. Min got:

Teyro çi hewalê te ye? Got:

perr û baskê min şikestiye

hevrîşmê Fatma Nebî ye, avêt ser deriye

Dizan ji xwe re biriye. Dizo dizo ku de ?

Bi rêka bi deştê da

Şûr û mertal di ber piştê da.

2. ba me jî, lîstika bi navê "kortika fisê" heye.zarokê têk diçe lingê wi dikevi nav kortika vedayî.

3. xarmenaj



leyistokek bi xarên kevirî yên ku ji kevzgal bi kevirê hestem hatiye çêkirin ve tê leyistin. li gundên bismilê û yên stewrê gişan berî niha 30 salî di zivistanê de li bestên rast yên ku tavê dibînin dihate leyistin.ji dervî keç û jinan gundî giş bi mezin û zarokan rojên xwe yên çile bi granî bi vê leyistikê derbas dikirin.



wisa tê leyîstini:





vîdyoyê veke

4. (bnr: çavgirtonek) an jî çavgurtonek
listika zaroktîya min e heri favorîya min bu. me ew cîhê ku çavê xwe li ser digirt, wira ra me dikot doçik. waxta ku ewa/ê binî da dûr diket û me dihat destê xwe doçkê dida jî me digot ''-doçik çu!
- doçik çu!
zehv xaş bu yaaww

5. hinek ji wan ev in, hevalên behsê dikin divê mijara wê jî vekin, * ez ê jî yên tên bîra min ki vir kom bikim mijara wan vekim.
-hîvlotik
-xîçê
-qîtê
-lîstika şîto
-talanê
-kerkê kerajo
-noqanê
-devikanê

6. (bnr: tiliya qûnê qûnê)

7. Cîv cîv cîvinde
Çûme mala rovinde
Jina Rovinde nexaş bû
Mewûj dixar ça xaş bû
Pirrrrrr!

Herêm/devok: Serhed
(Diya min pê zarokan dileyîst ez ji wê hîn bûm)

8. Heleq meleq
dendikê leqleq
Kîs û kember
Ya pêxember
Ji vî derket
Kete vî

Meriv destên xwe datîne erdê û tiliyên xwe vedike, yekî din tiliyên wê kesê dijimire û van gotinan dibêje, kîngê gotinên wê temam dibe gotinê wê rastê kîjan tilî were ji wê tilîyê xwar dike dixe nava destê xwe, çar tilî dimîne dîsa van gotinan dibêje heta tiliyên wê xilas dibe dewam dike...

Herêm: Serhed
çavkanî: (diya min)

9. Heftik.

Bi heft ber keviran tê lîstin.

10. Kortik / kurtik
Bi xara tê lîstin, çend çalên ne zêde kûr tên vedan û meriv xara davêje zikê wan Çalan, Gere bikeve zikê çalê.

11. qereqordom

12. (bnr: pubg)
(bnr: roblox)
(bnr: brawl stars)

13. (bnr: gta)

14. erê erê, me berê bawer nedikir ku êvar bibe em derkevin derva bilîzin. wê demê malbata me nedihişt ku em êvarê derkevin derva. dema êvarê min firset bidîta ez bidizî derdiketim û dileyist im. ew şev ji min ra dibû eyd.

15. Sê kuç
Kevirên piçûk, pehnok û gilover, şeş heft heba didin ser hev, ji gore, naylon û tiştên wisa gogeke qasî ya tenisê çêdikin û bi dorê wê gogê davêjin wê letika keviran. Gava ku kevir bela dibin tîmek gere wan keviran dîsa bide ser hev û tîma din jî nehêle ku ew kevir bidin ser hev. Tîma ku nehêle, yek ji wan destê xwe bi kesê tîma din bike ew kes dişewite û dertê ji lîstikê. Ger ku tev bişewitin dor dibe dora tîma din. Lîstikekî gelek xweş bû. Gere kesê beza û jêhatî hebûna di tîmê de ji bo ku mirov bi ser biketa.

16. Qîtkê
Mere Du hep kevirên qasî nîvê topek fitbolê datîne ber hev û darikekî(qîtik) qasî destekî datine ser wan. Herî hindik bi du kesan tê lîstin. Kesek radihêle darekî mezin şixulê darê beyzbolê o di nava herdu kevira re li wî qîtikî dixe û difirîne kesê din jî şixulê 4-5 metre yan jî hebikî zêdetir disekine o hewl dide qîtik li hewa bigre, heger qîtik li hewa bigre dibe dora wî îja ew dihere qîtik davêjê êdin jî hewl dide bigre.

17. Lîstikên êdî gelek ji wan nayên lîstin. Mixabin ji ber vê teknolojiyê lîstikên dema zaroktiya me ber bi mirinê ve diçin.

18. Tirkim hebû; me xelekek xêz dikir, yek diketê û ji xelekê li ser ningek tirkim digot û derdiket, dida dû me. Dema herdu ningê wî jî li erdê biketa me têra xwe lê dixist ku heta bigêhêje xelekê.

Simît jî wilo bû; ji xelekê derdiket bi gotina simîîîîîîîîîît û dida dû me, destê xwe bi yekî bida me li wî yekî dixist, lê dengê simîîîît biçikiya me vî dorê jî li xwediyê dengê simîîîîtê dixist. Lîstikên me bi piranî tûndî û li ser lêxistinê bû.