Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    14 mijar û 20 peyam
    xirabo - tirşik
    xirabo
    (5) (0) (3)
    di mijarê de bigere

    1. stranê (bnr: miradê kinê) ye. strana herî kêfa min jê tê. gelo destpÊka stranekî ewqas xweş heye.* diyar e ku ev stranê di nav civatekî de dibêje, û nav civatê de erebên sêrtê jî hene, ji ber ku dengê şûşeyê û hevokên tirkî hene. miradko xwe ber civatê şêrin bike henekan jî dike. *












    2014.04.12-00:47 | rêzan

    2. bilind îbrahîm jî vê stranê xweş distire.. Here lînkê



    2014.04.12-00:50 ~2016.07.30 16:30]| endazer

    3. ....

    xirabo xirabo xirabo xirabo

    min go xanîkê bavê xelkî min î delalî bû kanî axeban e

    ew aliyek sûk e yek jî dikan e yek kêf e yek seyran e

    min dêhna xwe dayê li min hatiye eyda qurban e eyda haciyan e

    ew xort û cihêlên gundê me temam li ber derê mala bavê keçikê civiyan e

    de belê wezî ber derî mala bavê xelkî delal sekinîm min go malxirabno ma ne xanîkê mala bavê keçikê bûyî ziyaret xortan û qibleta mêran e

    ji xêra wî navê xwudê barê keremê re wezê bame stêrek min xwe dabe ezmanan şewq û şemala min daba bajaran û gundan û kilîman û şaristanan

    na wile ez ê bame hakimekî adil di xopanê gundê me rûniştbama min şer' û silahetê xelkê temam vedabana bi xwudê min karekî di mala bavê xwe d'nedikir ma min ê jina qenc ji mêrê xirab daba berdan

    xirabo wezî bendewar im ji sibê heya êvarê çavê min her bi çar malê gundê me yê jêrî de tê d'xwarê heke li rojên şahiyan û dawetan çavên min li bejna zirav û wî dêmê sorgulî wa dev û lêvên şekirî rûkê dengizî bikevin bi xwudê nefsa min a tenik e li vê dinyayê ez ê bi nefsa xwe nikarim lo

    de bes e loy lo de bes e loy lo bes e bêbavo te ez helandim lo



    2016.08.25-21:36 | endazer

    4. strana bilind îbrahîm wekî hemû stranên xwe gelek nerm sitirye meriv jê acis nabe, vê sitranê meriv bavêje playlistê û çend rojê carek dû car sê car.. meriv dikare gohdar bike..



    bi dengê bilindo di youtubeyêşe rastî vê stranê nehatim.. ;

    Here lînkê



    2016.08.25-22:35 ~22:37]| shorbevan

    5. versiyona herî xweş û durist ya vê stranê seîd gabarî dibêje. di vê versiyonê de gotinên stranê ku ji dev û dengê jinekî li ser xirabê xelkê hatiye gotin dil û hinavê mirov diheeişîne.












    2020.05.08-04:17 | endazer

    6. Li min û li vî dikî
    Li vî fêmî û vî sewdayî
    Ez ê çi bikim ku serê te vî aqilî
    Xirabo ez çi qas nifiran li te dikim tu namirî
    Ez çi qas şîretan li te dikim tu biçek aqilê xwe nagirî
    Tu ji min re nebû kevirek ji kevirê aqûd û almas û cewahirî
    Xirabo min ê tu heft salan bi dest paxilan, bi goştê berxan bi qeymaxê gamêşan agirmalo ji xwe ra xudan kirî
    Min ê tu bi ramûsanan çepê, rastê xudan kirî
    agirê kulê bikeve mala bavê te de
    Doh van çaxan keçika mala cîranan bi şîva kutilkan bi niviştê şêx û mela tu qanih kir û ji min birî.

    Xerabo xerabo xerabo xerabo
    Xerabê dinê
    Te Gula xwe da bi sosinê
    Te miha xwe da bi bizinê
    Te ezîza ber dilê xwe yî heft salan guherî bi keçika cîranan wê kina, keja, çavreşa bi xudana şîva kutilkan, niviştê şêxan, kevnejinê.

    xirabo dîsa li min û li vî dilî
    agirê kulê li mala bavê keto te terka min î kevoka serê gelek kirî.
    Tu li xudana şîva kutilkan bi quweta niviştên şêx û mela tu hesilî.
    Sing û ber û bedenê min karê gewreboz in mîna berfa Bîngol û Şerefdînê cotê memikên min rebena Xwudê mîna şemamokên deşta hesinan taliya havînan serê payîzê di lema xwe de kemilîn û xemilîn.

    Xirabo heta roja mirinê kul û keserên xirabê xelkê dernakevin ji ser vî dilî.
    Ez nexweş im lawiko ez ê bimrim
    Ez li bextê te û Xwudê me piştî mirina min re bi hêceta tayê, nexweşiyê, bawîbûnê rojekî pêncşemê êvareke îna were nava tirban
    destê xwe yî zer î zeytûnî dane ser herdu kêlên min û kevirî
    Bide bedêla telqîna melê de bila dengê te yê hoganî li kerika guhê min ê rastî bisekinî.
    Sê dengan bi dengê bilind bang ke bêje lawiko heta roja mirinê bi kêlên kevirî bi Xwudê ez ji bîr nakim diketina te ya ewilî.
    .......................
    ........
    ....



    2020.05.08-04:53 | endazer

    dengdanên dawîn (Yên Din..)
    dewrêşê evdî [1]
    Li wêranşarê gundê ereba ku bi navê "edşanê" tê zanîn gora w...
    cibinîk [1]
    Çapûneke di teşeya prîzmaya çargoşe de ye. Weke perdeyekê ye. Havînî d...
    ayasofya [1]
    Avahiya neka dîsa weke mizgeftê hatiye vekirin. Tu dibêjî qey mizgefta...
    çewlîg [2]
    Bajarê ku du roj berê lê bûm. Min nû dît, min bala xwe da mirov û axaf...
    egîd nûser [1]
    Bi navê xwe yê fermî mîna "egîd yazar" jî tê zanîn. Ji axaft...
    belki ev jî bala te bikişînin
    » xirabo

    Kategoriyên mijarê:: muzikstrn
    nivîskarên ku li vê mijarê nivîsîne


    sitemap
    reklamokên beredayî