Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


10 mijar û 10 peyam
şerê tarxan - tirşik
şerê tarxan
(5) (0) (2)
di mijarê de bigere

1. navê serpêhatî û kilama wê ya ku dengbêj huseyno jî û delîl dîlanar jî distirên.. ez ne şaş bim ev kilam di dema serhildana agiriyê de derdikeve û tê striandin.. piştî ku serhildan sist û lawaz dibe, şervanên kurd roj bi roj kêm dibin û qût û erzaq ber bi xilasiyê ve diçe û hesara li dora şervanên kurd her ku diçe tengtir dibe serok û serkêşên serhildanê biryar distînin ku hawara xwe bigihînin sovyêtan û derbasî sînorê ykss-yê (bnr: yekîtiya komarên sovyet ên sosyalîst) bibin.. dewleta tirk ya xwînxwar û xêrnexwaz berî tevgera serhildana agiriyê diçe bi ykss-ê re peymanê datîne da ku leşkerên sovyêtê jî ligel şervanên kurd şer bike.. tabî di nav van leşkerên sovyetê de leşkerên ecem û ermen û rûs hene.. axirê şervanên tevgera serhildana agiriyê ku teqrîben 600 şervan bûn li qarşiyê ava eresê li gundê ebbasgetê liqayî leşkerên sovyetê têne.. piştî şer û qirêneke dijwar şervanên kurd nikarin xwe li ber lehiya leşkerên sovyêtê yên qaşo enternasyonal bigirin û çarneçar xwe vedikişînin berev quntara çiyayê gilîdaxê dîsan..



ji dengê dengbêj huseyno û delîl dîlanar deşîfrasyona kilamê ku keda destê min e:



de lo lo loooo..

lo lo lo lo lo lo lo lo lo lo lo lo lo lo lo lo lo..

lo lo.. ax lo lo lo lo.. lo lo lo lo lo.. lo tu kela mêran î..

lê lê dayê.. lê dayê rebenê de rabe binêre

ev şerê hanê şerê tarxan e

keko tu rabe mêze bike..

ev dewa hanê dewa tarxan e

tarxan bi sê dengan dike gazî

ehmed bira tu rabe îro..

bi sê dengan li şahê ecem bike biqêrîne

tu bêje lawo xwedê dizane..

qetla te li ba min mînanî qetla du mirîşkan e

çi bikim îro li pêşiya te koçî qeleniyê ye..

koma celaliyan e

lo lo lo lo lo lo lo lo lo lo lo.. ê lo lo looo..

ax lo lo lo o lo lo.. lo tu kela mêran î



lê lê dayê

lê dayê rebenê rabe îro binêre

sira qeleniyê bişewite ji bextê min re

çi qas sirrekî sar e

de keko tu rabe mêze bike

sirra qeleniyê bişewite ji bextê min re

sirrekî çi qas sar e

taxima di destê bavê cemîlê kekê cezmo de orte zêrîn e mûmika serî kar û bar e

de eskerê şahê ecem giran e

duwanzdeh hezar e

di ser milê me her du biran de hatî xwar e

ez ditirsim eskerê şahê ecem

eskerekî zor î zexm î giran e

eskerê birayê te hindik e vê sibekê pê nikare

de bira ya xwudê be em ê lêxin eskerê şahê ecem derbas bikin

ji sînorê ebbasgetê qarşiyê li ava eres de li ber destê kekê cezmo de..

lo lo lo lo lo lo lo lo lo lo lo lo..



têbinî: tarxan şêweyê pevekelijîna herdu peyvên tahir û xan e..

têbinî 2: dixwazim bêjim ku heta niha di nav klîbên ku ji bo stran û kilamên kurdî hatin kişandin an ji fîlman hatine montajkirin de vîedeo-klîba herî resen û serkeftî li ber dilê min vîdeo-klîba ku ji bo vê kilamê hatiye montaj kirin e..



fermo bi performanseka zindî ji dengê delîl dîlanar:



fermo kilam û vîdeo-klîba ku min behsê kirî dîsa ji dengê delîl dîlanar:



fermo ji dengê dengbêj huseyno ku ez ne şaş bim cara pêşîn wî ev kilam gotiye:



09.07.2013 21:17 | endazer

2. rebî yesir welatû esir ev çi stran çi dengê gidî,malavayo te ez kuştim.ji bo vê stranê tenê ji mabe divê meriv taceke zêrin dayne ser serê delilê bira..can bira can.



25.08.2013 14:57 | tivirloismail

3. (bnr:

)



25.08.2013 15:44 | terkexem

4. Wekî Şerê tahir xan jî tê zanîn



Deng û qîrînekî ça ne, delîl dîlanar canê meriv qul dike, dikeve di nav a rihê meriv



12.11.2014 17:55 | mîr

5. seyîdxanê boyaxçî jî xweş dibêje;



rênas mîran tomara dengî paqij kiriye û mûzîk lê zêde kiriye, tişteke xweş jê derketiye..



06.07.2015 23:32 | endazer

6. Kilameke ser Tahirxan Begê Heyderî an jî bi navekî din Tahirxan Begê Qelenî hatiye gotinê. Çîroka ku peyama yekem de hatiye nivîsandin min yekcar li vir xwend û ez bawer im ev çîrok li bûyerekî din hatiye girtin. Ji ber ku bûyera Tahirxan (Tarxan) Beg ne wiha ye . Tahirxan Beg ji eşîra Heyderî ye (bnr: heyderan) xelkê navçeya qeleniyê ye û ev navçe bi fermî li nav îranê ye û li tixumê navçeyên wanê (bnr: qelqelî) û (bnr: ebexe) ye. Ev bûyer li navçeya qelqeliyê gundê paçxweliya jorê da derbas dibe û ev gund jî eşîra heyderî ne. Li navbera Tahirxan Beg û eşîra (bnr: takorî) yan niqaş pêk tê û tahirxan beg li qeleniyê radibe tê gundê paçxweliya jorê û takorî jî gundê xwe yî nêzî 20 km dûr tên vî gundî û li vir hev dibînin. Yên ku dibêjin, behsa kuştina tahirxan beg dikin ku bi bêbextî hatiye kuştin. Dibêjin bi yeke yek nikarin wî bikujin an jî bibin, lewma bêbextî kirine. Ev kilam jî ser vê bûyerê hatiye gotin. Heta 40-50 sal berî niha jî Heyderî û takoriyên qelqeliyê behsa vê bûyerê dikirin, zêdehî ji hev heznedikirin lê niha tiştekî wiha tunne. Çend meh berî niha ez li rûdaw kurmancî yê da rast bernameyeke ser vê bûyerê hatim ku bikitekit ji vê bûyerê xeber didan lê min niha nedît, ger ez rojekî dîsa rast lê werim ezê lînkê li vir parvebikim.



18.04.2022 22:05 ~22:11 | pêşewa

Xêra xwe vê peyvê ji îngîlîzî wergerîne kurdî
evsene
dengdanên dawîn (yên din..)
rexşê belek [1]
Navê hespê ristemê zal e. Di destanên persan mina şehnameya firdewsî...
pelûl [1]
Diranê feqîran di pelûlê da dişike....
tirşik translate [3]
Mirmirokî:kekremsî Mêrokî:erkeksî Mîrovokî, merivokî: însansi Tirş...
kerguh [3]
Ajalekî şêrîn e Ji bo "taybetmendiyên" wan gotine kerguh. Gu...
pelûl [1]
Ez pir jê hez dikim li jor nivîskar gotiye xwarin û şêraniya pîr û ka...
belki ev jî bala te bikişînin
» şerê sur'a amedê û bandora wî ya li ser derûnîya zarokan

Kategoriyên mijarê:: kurdukurdi muzikstrn dirok
nivîskarên ku li vê mijarê nivîsîne


sitemap
reklamokên beredayî