3. ev ne mezîyetek e loma divê nebe cihê kêfxweşî û şanaziyê.
mesela aniha meriv here li kû dê teqez welatiyekî/ê sûriyeyê bibîne. bo çi? ji ber ku êdî di welatê wan de nayê jiyîn loma koç kirine û di welatên xelkê de şerpeze bûne. mesela li tirkiyê meriv biçe kîja bajarê trikan dê teqez liqayî kurdekî bê. çima? ji ber ku welatê kurdan ev sed sal in di bin agirê de dişewite loma çarneçar kurd her gav jê reviyane û xwe avêtina bextê bêbextan. piştî salên hêştêyan bi hezaran kurd berê xwe ji ber rewşa siyasî ya nebaş dane awropayê loma li awropayê gelek kurd hene. ev ne tiştekî baş e ku meriv pê kêfxweş bibe. ger welatê meriv xweş be, azadî û aramî hebe û aboriya welêt baş be kes ji welatê xwe dernakeve û nakeve paxila mar û marmarokan.
ez wexta li derveyî welêt rastî kurdekî têm ber xwe dikevim. ji ber ku du ihtimal hene(ger ne turîst be) yan ji ber rewşa siyasî çûye, yan jî ji ber aboriyê çûye. her du ihtimal jî cihê mixabiniyê ye.