8. navê pirtûkeka wî asûs e. ji çîrokan pêk tê. di ser bergê vê pirtûkê da wêneyeka xeyalî heye. di vê wêneyê da çûkên dêw, sewalên asayî û yên derasayî bi hev ra ne. min bergê pirtûkê eciband û dest bi xwendinê kir. bi serî da beşa yekem (çîroka yekem) gulên sala bû. dilê min heland. ne bi tenê ji ber xweşbûna merseleya çîrokê. vegotina wî ya ne wek kesên din, hevokên wî yên wek helbestan û hwd... nivîskar jêhatî ye.

min berhema mehmed uzunî jî xwendîye, ya ronî war û firat wergerîyî jî xwendîye. her sê jî, nivîskarên birûmet in. meriv yekî ji wan li derve bibîne xwe dide hev an radibe ser piyan (mehmed uzunê rehmetî, êdî hûn nikarin cihekî da rastî wî bên). nivîsên mehmet dicle bo min şêweyeka nû ye. min nivîskarîya wî eciband. pênûsa wî bihêz e. hebûna berhemên wî ez pir bextewar kirim. ez dê bibînim beşên din yên asûsê çawa ne. hin pirtûkên wî yên din jî hene (nara, ta) ez dê yek bi yek giştan biqedînim îşela. îcar ji ber dewlemendîya gotinên wî, ji min nahê ku ez berhemên wî bilez bixwînim, wek avê vexwim.

edît: min vê vîdyoyê nedîtîbû

vîdyoyê veke