6. Lîstikvan di film de baş dilîzin (mixabin di filmên têkiliya wan bi kurda re hebe hêja ev yek dibe sedema pesn dane).
Her çiqas filmeke derbarê şer de bê jî dîmenên şer ne ewqas zehfin ku mirov jê aciz bibe û ev jî derfetek dide temaşevanan ku li ser serpêhatiyên lîstikvanan bêtir konsantre bibin.
Di film de bala guhdarvanan baş hatiye kişandin li ser wêrekiya jinan, ya çêtir ne tenê li hemberî dijminên wan lê li hemberî mêrên 'ji wan' jî.
Film li Gurcistanê hatiye kişandin. Her çiqas erdnîgariya wir gelek ji ya Kurdistanê ne cuda be û gelek hewl dabin ku atmosfereke wekî ya devera şer a rastî ava bikin jî, mixabin gelek kêmasî di babeta cih û war de hebûn. Ez dibêjim qey ji ber vê dîmenên di nav dîwaran da hatîn kişandin ji yên ji derve hatîn kişandin gelek zêdetir bûn.
Film de sê çîrokên ji hev cuda ya sê jinan, Lamia, Bahar û rojnamevan, tê vegotin. Tu têkiliya wan çîrokan bi hev re tune. Helbet ji bo filmeke pêşwendiya hunandina wî cureyî jî heye, lê bi ya min, di vir de pêşî digirt ku mirov bikare empatiyê bi listikvaneke re bike.