2. mîkrobloga ku li ser bênavendîtî û federatîfiyê avabûye. meqseda hebûna wan şikênandina midaheleyên mezin ên şîrketên bazirganiyê ye, bi xisûsî ya twitterê. îro herkes dizane -bi saya pirsgirêka whatsappê-, xwediyên sepan û malperên mezin yanî şîrketên bazirganiyê bi agahiyên mezin ên ku bi darê zorê yan jî bi daxwazî ji bikarhênerên xwe hev didin, desthilardarî li ser mehremiyetên wan/bikarhêneran/mirovan dikin. hemû agahî li navendekê tên parastin û xebitandin. ev jî minaqeşeya pênase û naverokên azadiyê û ehlaqê vedike. mastodon pûta navendiyê dişikênîne û azadiya temsîlê dide bikarhêneran. kî bixwaze ew dikare client/rajegir*ên xwe ava bike ku rajegirên medyayên mezin ên civakî hemû milk in, xwediyên wan hene û girtî ne. bi saya xizmetên mastodonê bikarhêner dikare tevlî rajegirên azad bibe ya/yên ku ew dixwaze. ev azadiya hilbijartina polîtîka û rêzikan jî dide bikarhêneran; her rajegir xwediyên polîtîka û rêzikên xwe ne. lê bikarhêner li kîjan rajegirê qeydkirî be, ferq nake, dikare bikarhênerên rajegirên din bişopîne, bi wan re têkeve têkiliyê û derûdora xwe berfireh bike. federatîfî di vê noqteyê de giringiya xwe tîne pêşiya mirovan.

me got masto mixalefeta twitterê dike. lê tu mastoyê bi kar bînî jî dikarî li twitterê dewam bikî. tenê divê tu di crossposter-ê de hesabên xwe li hev binî. ez bi xwe ev sê sal in, di rajegirekê esperantoyê de me û erê, av germ e, de tu jî were..)

(bnr: rajekar & rajegir)