1. Devşîrmeyek ji balkanan e. Li ser twitterê nijadperestiya tirk dike. Li ser erdnigariya beşerî û etno-kulturiya herêman rêze-tweetan dinivîse. Di nivîsên xwe de nijadperestiyê dike û gelek caran nivîsên wî tên qedexekirin. Kemalîstek serhişk e û ji tirkan bêhtir tirk e.

Vêca tiştê vî zilamî xiste ber radara min ewe ku rêze-tweetek li ser kurdan û kurdistanê amade kiribû ku dê kurd çawa hîn bêhtir bên bişaftin, çawa ji warên xwe bêne derxistin, çawa penaberên ahiska, uygur û qewmên asya navîn li kurdistanê bên bicîhkirin, av, çem û robarên kurdistanê çawa bêne kontrol kirin û grîngiya wan, girêdana kurdan bi sîstema tirkiyê ve bi awayek nijadperestî û bi mentiqa mêtinkariye nivîsîbû.

Herweha li gor daxuyaniyên wî di demên xwe yê musaît de, li herêma trakya digere û li ser sînorên yunanê dronan difirîne da bizane li herêma wan çi diqewime û plan û stratejiyên parastina trakyayê heya bi stenbolê biafirîne. Lewra li gor fikra wî emerîka û yunan li herêma dedeagaç sewkiyatên leşkerî dike da ku êrîşî tirkiyê bikin. Ji loma yuksel hemû deverên bilind û asê, çem û robar, daristanan nîşan kiriye û li gor xwe planek parastinê amade kiriye. Herweha çêkirina flakturn( barûyên ji pola û betonê bo parastina herêman tên çêkirin) pêşniyar kiriye. Di vê çarçoveyê de flakturnên li berlînê ji aliyê naziyan ve hatibûn çêkirin mînak dide. Li gor wî ger tedbîr neyên stendin wê yunan heya bi stenbolê bi rehetî karibin werin.

Hesabê twitterê: Here lînkê