1. alternatîf bo twitterê ye. rajekarekê/yek-mînakekê mastodonê ye. hîn nû hat vekirin û bi rastî gelek kêfa min pê hat. mastodon çi ye, ne çi ye ji xwe li bin mijara xwe hatiye gotin. li vir ya xweş ev e ku şîrketa gerokekê dest avêt medyaya civakî ya nenavendî, ev tişt nehatiye dîtin û bikarhêneran ji zeviya big-techê dikişîne zeviyekê bêkontrola giştî. algorîtma tune ye, reklam tune ye. profîlkirin* tune ye. ev pir pir xweş e. ji bo kurdan jî xweşî tê de heye. gerok di sermaseyê de kurdî xizmetê dide. mastodon jî kurdî ye. û herdu li nav hev du pir pir xweş xuya dike.*

lê kurdên me yên xwedêjêrazî hîç xwe naêşînin. ne ji aliyê vivaldi ne jî ji aliyê mastodonê û qet nayên gihîştin jî. mîsal ez nizanim ka kurdên me qala big-techê, mehremiyeta ser înternetê, ewlehiya kesayetiyê filan bêvan çi difikirin û çi bertek didin. di roja pêşîn a vivaldi socialê de 200 kes tenê hatibûn. vê sibehê 1400 kes û ev her diçe zêdetir dibe.* hema du roj bû ez dibêjim. piraniya wê 1400ê jî japon in* kurdên me hîn li twitterê dibêjin "bila rêveberiya twitterê kurdî tevlî zimanan bike"* erê ev tişt ne parsekî ye, biçûk jî nabînim. lê madem tu pir ji kurdî hez dikî, bi ya gotina xwe tev bide û here ser mastodonê (ne îlle vivaldi social. komek yekmînak[instance]ên mastodonê hene û erê hemû kurdî ne) û bo kombersê here vivaldiyê, bo mobîlê here firefoxê, bo civatê here tirşikê hwd.

japonên ku mîlyon alternatîfên wan hene bo civakiyê çima vivaldi hilbijart? ji ber ku vivaldi social bi ya qanûnên îzlenda û norwêcê tev dide. bi ya min, ev tenê serê xwe bes e ku kurdên me jî kom bi kom ber wê ve herin, yek bi yek tê de cihê xwe veqetînin. we fêm kir, şêrînên ber dilên min. *

* vê êvarê bûye 2,3H bikarhênerên çalak.